¹ Loza ho an'ireo ze mahazo ay ao Ziona, vo ho an'ireo ze milamy ao amin'gny tany habon'i Samaria, reo olo-malaza boak'amin'ireo firene soa vatany, za hahavian'gny taranan'Israely so ho vonze! ² Ho reo pitariky andrareo: " mandehana agny Kalne ka magnitia; boakao dra mandehana agny Hamata, gny tana lahibe; boakeo dra mizosoa agny Gatan'ireo Filistina. sa ra soa noho reo fanzakaniha ro reo? Sa ra lahibe noho gny faritaniniha gny faritanin'ereo?" ³ Loza ho an'ireo ze mapihemosy gny andron'gny loza sady mapagnariny gny seza fiandrianan'gny herisitry. ⁴ Mandry eo am-pandria ivory ereo dra misososy eo am-parafaran'ero. Mihina zanak'agnondry boak'amin'ireo agnondry aman'osy ereo vo zanak'agnondry boak'amin'gny fihinanam-bilo. ⁵ Nihira reo hira molamola tamin'gny feon'gny harapa ereo; namoroporo raha magneno manahaky gny nahin'i Davida. ⁶ Nino divay tamin'gny lasety zobo ereo sady nihososy dililo soa loasy, fe sy nalahelo gny amin'gny faharavan'i Josefa. ⁷ Dra handeha an-sesitany mindray amin'ireo sesitany volohany ereo amizao, vo gny firavoravoan'ireo ze misososy dra ho foa. ⁸ " Zaho, Tompo Yaveh, dra fa nifata tamin'gny vatako---zay gny fagnamabaran'gny Tompo Yaveh, Zagnahary Tompon'gny maro, halako gny fieboeboan'i Jakoba; halako gny ferova fatrasiny. Dra hanolosy gny tana mabmin'ize iaby ao aminazy Zaho." ⁹ Dra no misy folo lahy tavela ao am-pasange raiky, dra ho faty aby ereo. ¹⁰ No misy havan-dralelahy avy so hangalaky gny fatin'ero---gny raiky ze hagnoro gny fatin'ero afaran'gny handesany reo faty miboaky gny fasange---no mizaka amin'gny olo ao am-pasange izy ho: "Misy olo mindray aminiha ra ao?" No mamaly anizay olo zay ho: " Aha". Dra hizaka izy ho: " Misigna, fa aoky sika sy hanogno gny agnaran'i Yaveh." ¹¹ Fa, ingo, hagnome beko Yaveh, dra ho torotoro gny fasange lahibe sady ho potipotiky gny fasange keliky. ¹² Sa ra gny sovaly milomay amin'gny harambato? Sa ra misy olo mapihosy agnomby ao? Fe namaliky gny poizy handrareo vo gny vokasy gny fahamarigna ho fagnilia. ¹³ Handrareo ze mifaly amin'i Lodebara, ze manao ho: " Sa ra sy fa nangalaky an'i Karnaima tamin'gny herinay avo zahay?" ¹⁴ "Fe ingo, hananga firene hanohisy andrareo Zaho, ry taranak'Israely---zay gny fagnamabaran'gny Tompo Yaveh, Zagnahary Tompon'gny maro. Hapahory andrareo manomboky ao Lebo-hamata hatragny amin'gny lohasahan-driakin'i Araba ereo."