¹ Zeho gny nasehon'i Yaveh taminahy. INgo, namoro valla be izy nofa nanomboky niakasy gny vokasy gny lohatao, dra ingo, taraiky gny vokasy tao afaran'gny vokasy gny pazaka. ² Nofa baoky nihina gny vokasy gny tany ereo, dra ho zaho: "Ry Tompo Yaveh, mbo mamindra fo aminahy, akory gny haveloman'i Jakoba? Akory dra vatany keliky izy" ³ ka nagnazano gny mahakasiky anizay Yaveh." sy hiseho zay", ho Izy. ⁴ Zao gny nasehon'i Tompo Yaveh anahy: Ingo, menso amin'gny fisaran'gny afo gny Tompo Yaveh. Zay gny nagnamaiky gny tany malalaky, gny rano laliky ambanin'gny tany dra handevo gny tany avo koa. ⁵ Fe ho zaho ho: "Tompo Yaveh o, azanogny ra; akory gny haveloman'i Jakoba? Fa vatany visiky izy." ⁶ Dra nagnazano gny mahakasiky anizay Yaveh ho: Sy hitranga avo koa zay," ho gny Tompo Yaveh. ⁷ Zao gny nasehony anahy: Ingo, nisanga teo agnilan'gny rindry gny Tompo, nindray tamin'gny vato pilao tegny an-tagnany. ⁸ Yaveh nanao taminahy ho: " Nao ra Amosa, Ino gny itaniha? Dra ho zaho: " Vato pilao milahasy." Dra ho Gny Tompo ho: "Ingo, hametraky pilao eo amin'gny Israely vahoakiko Zaho. Sy hamindra fo amin'ereo sasy Zaho. ⁹ Horava reo fitoboha abon'i Isaka, hopotehy reo fitoboha masin'gny Israely, dra hisanga hanohisy amin'gny mesa gny taranak'i Jeroboama Zaho." ¹⁰ Dra Amazia, gny pisoron'i Betela, nandefa hafasy tagny amin'gny Jeroboama, pazakan'Israely ho: " Fa nitetiky hanohisy aniha eo agnivon'gny taranak'ISraely i Amosa. Sy tatin'gny tany reo zakany aby. ¹¹ Fa zao gny zakan'i Amosa: 'Ho faty amin'gny mesa i Jeroboama, dra ho sesi-tany hiala amin'gny taniny Israely.'" ¹² Amazia nizaka tamin'i Amosa ho: " Ry Mpahita, miheregna agny amin'gny tanin'i Joda, dra mihinana mofo sady maminania agny. ¹³ Fa ka manao faminania eto Betela sasy, akory fitoboha masin'gny pazaka vo fasangen'gny pazaka itiky." ¹⁴ Dra ho Amosa tamin'i Amzia ho: " Sy paminany zaho na zanaky gny paminany. Piaraky agnondry vo pikarakara hazo amonta vo aviavy zaho. ¹⁵ Fa nangalaky anahy lat'agny apiarakandrovan'agnondry i Yaveh dra nizaka taminahy ho: " Mandehana, dra maminania amin'gny Israely vahoakiko." ¹⁶ Amizao mitenoa gny zakan'Yaveh. Ho hanao ho: "Ka maminany hanohisy an'Israely, sady ka mizaka manohisy gny taranak'Isaka." ¹⁷ Noho zay dra zao gny zakan'Yaveh: " Ho lasa pivaro-bata ao an-tana gny valiniha; reo zanadahiniha vo reo zanakapelaniha dra ho lavo amin'gny alalan'gny mesa; horefesy gny taniniha sady hosery; ho faty ao amin'gny tany maloto hanao, dsady halefa sesi-tany hiala ao amin'gny taniny vatany gny Israely.""