¹ Ampionogny indreo hagneky olo mpanapaky sy gne mana-pahefa, hakato anazy indreo , sady ho vono ame asa tsara rehetra. ² Ampatsahio indreo tsy habarabara na ia na ia, hiala ame ady hevitry, hamela gne sasany hagnaraky gne lalany, sady hagnaboky fanetre-tegna ame olo aby. ³ Fa taloha gne aitsika da tsy nana-tsay sady tsy nakato. Votariky tame lala tsy izy atsika sady nandevozin'e sitrapo sy gne fahafinareta samihafa. Niay tame faharatsia sy gne fialona atsika. Nohakalay iay sady nifakalay atsika. ⁴ Fa raha niboky gne fatsara-pagnan'Andriamanitry mpamonjy atsika sy gne fitiavany gne olombelo, ⁵ da tsy tame asa ne fahamarina nanitsika izany, fa tame famindrapony gne nagnavotany atsika. Izy da nagnavotry atsika avy tame fahadiova sy fahateraha vaovao sy gne fagnavoaza tame Fagna Masy. ⁶ Andriamanitry da nandrosaky gne Fagna Masy marobe tam'gn'alalan'i Jesosy Kristy Mpagnavotry atsika. ⁷ Naniny iza mba ho voamary tame fahasoava, da lasa mpandova atsika am'gn'alalan'e fahatokisa gne fiaina mandrakizay. ⁸ Izany hafatry izany da azo hitokisa. Tiako hizaka momba iza raha izany am-patokisa anareo, mba izay matoky an'Andriamanitry da hikinia hagnano gne asa tsara izay efa napetrany taloha ndreo. Iza raha izany da tsara sady mahasoa hoan'e olo aby. ⁹ Fa ialay gne ady hevitry molamola izy ame tantara-pirazagna ary gne fifandira sy gne ady mikasiky gne lalàgna. Iza raha izany da zava-poa sady tsy mahasoa. ¹⁰ Mandà izay olo miteraky fizarazara eo aminareo afaran'e fampitandrema indaiky na indroy, ¹¹ sady fantaro fa gn'olo akô izany da niala tame lala mariny sady manota sy magnameloky gn'ainy. ¹² Raha nagniraky an'iArtema na i Tykiko agny aminareo iaho, da mavisa sady mandehana aty amina aty Nikopolia, izay nanapako hevitry andania gne ririny. ¹³ Mavisa sady alefas Zena, izay mpahay lalàgna, sy Apolosy, mba tsy hana raha manahira indreo. ¹⁴ Gne olo tsika da tsy maitsy mianatry magnano asa tsara am'izay indreo tsy hamokatry. ¹⁵ Izay miaraky amina da magnano veloma anareo. Mamboara veloma an'izay makatia atsika ame finoa. Ho aminareo anie fahasoava.