¹ Fa anao, mizaka izay mifagnaraky ame gne fampianara marina. ² Gne lehilaha efa nahazo tao da tsy maintsy mahay mitondra tegna, matotry, mahonon-tegna, matanjaky ame gne finoa, ame gne fitiava sady ame gne fahareta. ³ Mitovy am'izany avakoa gne viavy efa nahazo tao da tokony hagnambara tokotry gne tenan'izy gne ho tsara fitondram-tena, fa tsy mpidiniro. Tsy tokony ho andevozin'gne divay be indreo. Tokony hampianatry izay tsara indreo ⁴ mba hampiofa gne viavy tanora ho tena tia gne vady aman-janany manoka. ⁵ Tokony hampianatry andreo hahonon-tena, hadio, hikarakara tokatrano tsara, sady hankatoa gne vadiny indreo. Tokony hagnano izany raha rehetra izany indreo mba tsy ho voaheso gne zakan'Andriamanitry. ⁶ Mitovy am'izany, ampaherezo gne lehilaha mbola tanora mba hahonon-tegna. ⁷ Ame gne fomba rehetra da hambohay gne tegnanao ho modelin'gne asa tsara; sady rehefa mampianatry anao, da magnaboa fahitsia sady fahendre. ⁸ Mizaka hafatry salama sady tsy misy tsigny, mba ho megnatry izay manohitry na iza na iza, satria tsy mana na ino na ino ratsy ho zakay momba antsika izy. ⁹ e mpanompo da tokony hankatoa gne tompony ame gne raha rehetra. Hagnano izay sitrapony fa tsy hifamaly aminazy. ¹⁰ Tsy tokony hangalangalatry indreo. Fa tokony haneho gne finoa tsara rehetra indreo, mba hampamendriky gne fampianarantsika momba an'Andriamanitry mpamonjy antsika ame gne lafiny rehetra. ¹¹ Fa efa niboky tame gn'olo rehetra gne fahasoavan'Andriamanitry. ¹² Mampianatry antsika handà gne toetry tsy araky an'Andriamanitry sy gne filan'izao tontolo izao izany. Mampianatry antsika hiay am-pandefera, am-pahamarina, sady araky gne lalan'Andriamanitry am'izao vanim-potoa izao izany, ¹³ eo am-pandignasantsika tokotry izay handraisantsika gne fagnatena mahafinaritry, gne fihoboany gne voninahitry gn'Andriamanintsika zakabe sady gne Mpamonjy antsika, da i Jesosy Kristy. ¹⁴ Jesosy da nanolotry gne tegnany ho antsika mba hagnavotry antsika hiala ame gne tsy fagnarahan-dalà rehetra sady hagnadiova ho an'gne tegnany olo raiky manoka izay tena mazoto hagnano asa tsara. ¹⁵ Ambaray sady ento ampahereza io raha io. Magnomeza fagnitsia ame gne fahefa rehetra. Ka avela hisy olo hagnano tsinontsino anao.