¹ E rahalahy, ra misy olo azon'ny gne ota tsy napoizy, da troafinareo izay mana gne Fanahy tsotry izy, ka mihevera gne tegnanao, fa anao koa mety ho halaim-pagna evakoa. ² Mifanomeza tagna, ka amin'izà da tanterao gne lalàn'i Kristy. ³ Fa raha misy magnano e tegnany ho zavatry, izay aniny tsinotsino, da mamitaky gne tegnany izy. ⁴ Fa aoka gne olo agnaby samy agnety gne toetriny agnaby, da samy hana gn'afalia ame tegnany avao izy, fa tsy gn'amin'ny olon-kafa. ⁵ Fa samy inday gne tegnany agnaby gn'olo rehetra. ⁶ Aoka izay ampianary gne teny mba hahafoy zava-tsoa ho agne mampianatry. ⁷ Fa mety hofita anareo. Andriamanitra tsy hay amboara sangisangy, fa gnaninao avao e mipody aminao. ⁸ Fa izay mamafy ho an'ny gne nofony da inday fahasimbà ame nofo, fa izay mamafy ho an'ny gne Fagnahy da hahazo gne fiainagny mandrakizay avy ame Fagnahy. ⁹ Ka valaky gne famboara soa isika. Fa ho avy gne andro andraisantsika gne valiny, raha tsy valaky isika. ¹⁰ Ka noho izà, satria mana fahafahany isika, da aoka hagnano gne tsara amin'ny gne olo rehetra, indrindra fa ame fianakavian'ny gne finoa. ¹¹ Iteo gn'abē gne soratry izay soratan'ē tagnako ho anareo. ¹² Na ia na ia ta-hiseo ho tsara ame nofo, da indreo e manery anareo hoforà, nefa noho iao avao : fa asika hiagny noho gne hazo fijalian'i Kristy izy. ¹³ Fa na e tegnany izay voafora aza da tsy mitandriny gne lalàna. Nefa tiany hoforà evakoa anareo, mba hiteraterany ame nofonareo. ¹⁴ Tsy hirehareha aho ndre ovia ndre ovia afa tsy ao am'jesosy Kristy Tompo, izay namatsia an'izao tontolo izao tamè Hazo fijalia, raha gne hevitro. ¹⁵ Fa kosa nahamatsia ahy raha gne hevitry izao tontolo izao gne dinihy. ¹⁶ Ka ireo izay mandeha magnaraky itiky fitsipiky itiky, da ho aminazy anie gne fiadana sy gne famindram-po, ary ho ame Isirael'Andriamanitra. ¹⁷ Manomboky isia da aoka tsy hisy hanahira anahy esana, fa iao minday gne marik'i Jesosy nofatsia tame Hazo Fijalia. ¹⁸ Ho aminareo anie, ry rahalahy, gne fahasoavan'i Jesosy Kristy Tompotsika. Amena.