¹ Raha nikora tamindreo vahoaky i Petera sy Jaona, da tonga indreo mpisorona sy gne lehiben'gne mpiamby gne tempoly ary indreo Sadoseo. ² Vignitry mafy indreo noho i Petera sy Jaona nampianatry gne vahoaky sy nitory gne fitsanganà amè maty tamè alalan'i Jesosy. ³ Nosambory indreo ary nampidiry am-ponja mandrapahatongan'gne marandray, satria efa hariva gn'andro tamin'izà. ⁴ Nefa maro tamindreo olo izay naharè gn'afatry gne nitegno; ary gn'isandreo lehilahy izay nitegno da dimy arivo teo ho eo. ⁵ Ary gn'omarain'igny da niangony tao Jerosalema gne mpagnapak'indreo, zokiolo ary indreo mpanora-dalàna. ⁶ Teo i Anasy mpisoronabe, Kaiafa, Jaona, sy Aleksandro sy izay rehetra havandreo mpisoronabe. ⁷ Rehefa naroso tategnategnany i Petera sy Jaona, da nagnotany andreo hoe: "Amè hery gn'ino, na amè agnaran'gn'ino, gne namboaranareo izà?" ⁸ Avy teo i Petera, feno gne Fanahy Masina, da nizàka andreo hoe: "Anao ry mpanapaky gne vahoaky, sy gne loholo, ⁹ raha nagnontania momban'gne asa soa naninay tamin'io lehilahy narary io iahay tamin'io andro io_tamè fomba akongaia gne nahasitrany io lehilahy io? ¹⁰ Da aoka ho fantatrareo rehetra ary gne vahoakan'Israely rehetra, fa tamè agnaran'gne Jesosy Kristy avy agny Nazareta, izay nofantsianareo, ilay natsanganan'Andriamanitry tamè maty_tamè alalany gne ijoroan'ity lehilahy ity salama etoa anoloanareo. ¹¹ Jesosy Kristy da vato naninareo mpanori-tragno tsinotsino nefa efa natao ho lohan'gne vato fehizoro. ¹² Ary tsy misy famozè avy amè hafa, fa tsy misy agnara hafa ambanin'gne lanitry nomen'gne olo izay tsy maintsy hahavonjy antsika. ¹³ Ary rehefa nahita gne fahasahian'i Petera sy Jaona indreo, ary nahatsapa fa olon-tsotry, olo tsy nandia lakilasy, da gaga indreo, nahafantatry fa nindray tamin'i Jesosy i Petera sy Jaona. ¹⁴ Satria indreo nahita ilay lehilahy izay sitrany nijoro niaraky tamindreo, ka tsy nahita ho zakay hanoheragny izà indreo. ¹⁵ Fa rehefa avy nagnafatrafatry indreo apostoly handao gne fivorian'gne filan-kevitry indreo, da nifampikorà indreo. ¹⁶ Hoy indreo hoe: "Ino gne tokotry ho hanì am'ireto lehilahy ireto? Nohon'gne fahagaga vita tamè alalan'indreo da fantatrindreo olo rehetra eto Jerosalema, ary tsy azontsika laniny. ¹⁷ Fa mba tsy hiparitan'izà amè vahoaky kosa, asika isika hampitandriny andreo mba tsy hagnambarandreo izà agnara izà esana. ¹⁸ Nangia hiditry i Petera sy Jaona ary nozakay indreo tsy hagnambara sy tsy hampianatry amè agnaran'i Jesosy esana. ¹⁹ Nefa namaly andreo kosa i Petera sy Jaona nizàka hoe: "Raha marina eo imason'Andriamanitry gne magneky anareo mihoatry Anazy, da anareo gne mitsara. ²⁰ Tsy afaky gne tsy hizàka momban'ireo raha hitanay sy renay iahay. ²¹ Tafaran'gne fampitandrema an'i Petera sy Jaona, da navelany nandeha indreo. Fa tsy nahita fomba hanasazia andreo indreo, satria nidera an'Andriamanitry indreo vahoaky nohon'gne zava-bitany. ²² Ilay lehilahy niaigny gne fahagaga sy fagnasitragna da nihoatry gne efa-polo taogny. ²³ Tafaran'gne nagnafahany andreo, da avy teo amè vahoakany i Petera sy Jaona ary nambarandreo izay rehetra nozakaindreo lohan'gne mpisorona sy indreo loholo tamindreo. ²⁴ Rehefa rendreo izà, da niara-nanandratry gne feondreo ho an'Andriamanitry indreo ka nizàka hoe: "Tompo, anao gne nambôtry gne lanitry sy gne tany sy gne ranomasy, ary izay rehetra ao aminy. ²⁵ Nizàka tamè alalan'gne Fanahy Masina tamè mpagnomponao, gne raintsika Davida Anao hoe: 'Naoa gne vignitry indreo firenegny Jentilisa, sy indreo olo mieritreritry zavatry tsy misy ilagny anazy?' ²⁶ Anareo mizàka hoe: 'Indreo mpanjakan'gne tany da nitambatry, ary indreo mpagnapaky da nitambatry hanohitry gne Tompo, sy hanohitry gne Kristiny.' ²⁷ Fa efa i Heroda sy Pontsy Pilaty, izay niaraky tamindreo Jentilisa sy indreo vahoakan'i Israely, gne niara-niangony teo an-tanà hanohitry an'i Jesosy mpagnomponareo, izay nosoranareo. ²⁸ Niara-nivory indreo mba hagnano izay rehetra nanin'gne tegnanareo sy gne drafitrareo izay efa notapahindreo ho atao mialoha. ²⁹ Amisia, Tompo, iteo ireo fampitandremandreo ary omeo andreo mpagnomponao mba hizàkany gne zakànao an-kasahia tanteraky. ³⁰ Hatsoro gne tagnanao mba hagnasitrany, ary hanome ireo famantara sy fahagaga amè alalan'gne agnaran'i Jesosy mpagnomponao masina." ³¹ Rehefa avy nivavaky indreo, da niovotrovotry gne toeragny izay niarandreo nivory, ary feno gne Fanahy Masina izy rehetra ary nizàka gne tenin'Andriamanitry an-kasahiany. ³² Gne ankamaroandreo izay nitegno da fo sy fanahy raiky evao. Tsy nisy nizàka fa gne raha izay azony da anazy manokany, fa zavatry niarandreo nanagny. ³³ Niaraky tamè hery zakabe gne nagnambaran'gne apostoly gne fijoroandreo vavolombelo momba gne fitsanganan''i Jesosy Tompo tamè maty, ary fahasoava zakàbe gne teo amin'izy rehetra. ³⁴ Tsy nisy olo nanan-java maha-ory teo amindreo, fa izay rehetra nanagny tany na tragno da namidy ary ninday gne volan'gne zavatry rehetra izay lafo. ³⁵ Ary nadoboky teo an-tombokindreo apostoly, ary nozaray tamè olo tsirairay arak'izay ilaindreo. ³⁶ Josefa, Levita raiky, lehilahy avy agny Kyprosy izay nangiandreo apostoly hoe Barnabasy (Zanaka lahin'gne Fampahereza), ³⁷ nivarotry tany sy ninday gne vola ary nagnadoboky anazy teo an-tombokindreo apostoly.