¹ Ary Petera sy i Jaona niakatry teny amè fiangona tamè leran'gne fivavaha, gne lera faha sivy. ² Ary nisy lehilahy raiky nalemy efa hatrany am-piteraha nindesy isan'andro teny amè Vavahady Tsaran'endriky gne fiangona, mba hangataky fanomeza ara-bola agne amindreo olo izay mandeha amè fiangona. ³ Rehefa nahita an'i Petera sy i Jaona izay handeha hiditry gne fiangona, da nangataky fanomeza ara-bola tamindreo izy. ⁴ Nignety gne masony niaraky tamin'i Jaona i Petera da nizàka hoe: ''Hiteo iahay.'' ⁵ Ilay lehilahy malemy nagnety andreo, nagnategna gne handray zavatry avy amindreo. ⁶ Nefa i Petera nizàka hoe: ''Volafotsy sy volamena gne tsy anagnako, nefa izay anagnako, gne homeko anao. Amè anaran'i Jesosy Kristy avy any Nazareta, mandehana.'' ⁷ Nandray anazy tamy gne tagna akavana, i Petera nananga anazy, ary tonga da lasa natanjaky gne tomboky gne lelahy sy gne kitrokidy. ⁸ Nambiky, gne lilahy malemy da nitsanga ka nanomboky nandeha; ary niaraky niditry tamy Petera sy i Jaona tao an-tempoly izy, nandeha, nimbiky, ary nidera an'Andriamanitra. ⁹ Gn'olo agnaby da nahita anazy nandeha sy nidera an'Andriamanitra. ¹⁰ Tsikaritrin-dreo fa izy gne lelahy nangataky fagnomeza ara-bola tamy gn'olo teo amy gne vavahady Tsaran'gne tempoly; ary tena gaga indreo noho gne rahà niseo taminazy. ¹¹ Ary noho izy nita an'i Petera sy Jaona, gn'olo agnaby da nandeha tegny amindreo tegny amy gne fialafa izay nangiany hoe fialofan'i Solomona gn'olo agnaby, ary tena gaga. ¹² Raha nahita izany i Petera da namaly gn'olo hoe: "Anareo ry vahoakan'Israely, nagnino gaga anareo? Nagnino gne masonareo gne mandiniky anay, ohatran'ny hoe herinay gne fahamasignanay manoka gne nampandeha anazy? ¹³ Gn'Andriamanitry Abrahama, sy an'i Isaka, ary an'i Jakoba, gn'Andriamanitr'gne raintsika, nagnome voninahitry an'i Jesosy mpanompony. Izy gne natolotrareo sy nandananareo teo agnatrehan'i Pilato, tamizay nanapa-kevitry gne handefa enazy. ¹⁴ Nandananareo gne raiky izay Masina sy Marigne ary naleonareo nangataky gne mpamono olo mba ho alefa ho anareo. ¹⁵ Novonoinareo gne Mpambôtry gne fiainagny, izay natsangan'Andriamanitry tamè maty_ary vavolombelon'izà iahay. ¹⁶ Amin'izao fotoa izao, nohon'gne finoa amè agnarany_ igny lehilahy izay hitanareo sy fantatrareo_igny agnara igny avao gne nahavy anazy hatazaky. Gne finoa avy amin'i Jesosy gne nagnome an'izao fahasitragna feno izao ho anazy etoa agnatrehanareo aby. ¹⁷ Androany rahalahy, fantatriko fa nagnano an'izany anareo noho gne tsy fahafantaranareo, ako gne nanine mpitondra anareo avakoa. ¹⁸ Fa gne raha izay voazakan'Andriamanitry nozakaine vavane mpaminany aby, hoe tokony hijaly gne Kristiny, d'efa tanterakiny am'zao fotoa zao. ¹⁹ Mibeba, noho izany, ary miveregna, mba ho voavono gne fahotanareo, mba ho avy gne fotoa mahavelombelo eo agnatrehan'gne Tompo; ²⁰ ary mba handefa an'ilay Kristy izay voatendry ho anao izy, da i Jesosy. ²¹ Izy ilay tsy maintsy ho raisin'gne Lanitry mandram-piavisan'gne lera famerenagny amin'gne laoniny gne zava-drehetra, mikasiky an'izay voazakan'Andriamanitry taloha tam'gne vavane mpaminagny masina. ²² Nizaka dato i Mosesy hoe: "Gne Tompo Andriamanitry hananga mpaminagny ako ià avy am'ireo rahalahanareo. Anareo hiteno gne raha aby ho zakainy aminareo. ²³ Hibôky gne hoe izay olo tsy miteno izà mpaminagny izà da ho foagny tanteraky tsy ho ao amin'olo." ²⁴ Eka, ary indreo mpaminagny rehetra nanomboky teo amin'i Samoela sy indreo izay tonga tafarany, da nizàka mafy sy nagnambara ireo andro ireo. ²⁵ Anareo gne zanak'indreo mpaminagny sy gne fagnekè izay nanin'Andriamanitry tamindreo razambe, araka gne nambarany tamin'i Abrahama hoe: 'Ao amè taranakao da ho tahia indreo fianakavia rehetra eran-tany.' ²⁶ Tafaran'gne nananganan'Andriamanitry gne mpagnompony, da nandefa anazy ho anareo aloha izy, mba hagnampy anareo amè fialanareo amè faharatsianareo."