¹ Raha mbola tagny Korinty i Apolosy, i Paoly koa sa da nandalo tagny amè firenegny ambony ka nandalo tao amè tanan'gne Efesosy, sady nahita mpianatry sasany tao. ² Da hoy i Paoly tamindreo hoe: "Anareo toa sa kô da efa nahazo gne Fagnahy Masy raha nino? Da hoy indreo namaly hoe: "Aeky, da mbola tsy agny eky renay amizanagny Fanahy Masy zanagny." ³ Fa i Paoly koa sa da nizaka hoe: "Tamignino zasy gne nagnambora batisa anareo? Da hoy indreo namaly: "Tame batisan'i Jaona iahay." ⁴ Da mbola namaly evao i Paoly hoe: "I Jaona sa da nagnano batisa tamè batisan'gne fibebaha. Nizaka tam'gn'olo maro izy tam'zany fa tokony hino gn'olo hoavy afarany anareo, fa izany sa da ao am'Jesosy raiky evao." ⁵ Raha avy nahare izany indreo teo da nany batisa tamè agnaran'i Jesosy Tompo. ⁶ Raha avy nametra tagna tamindreo i Paoly, da nibotràky tamindreo gne Fanahy Masy sady nikoraha amè zaka sambafa indreo gne naminaninany tegny. ⁷ Ampy roy ambinifolo teo gn'isandreo tam'zany. ⁸ Raha vita izany da, nitsoky tao amè Synagoga i Paoly nizaka tsisy tatry na vadifo nandritry gne telo vola, sady katroky izy gne nandresy lahatry endreo tao sady naniny gne agnekendreo gne fanjakan' Andriamanitry. ⁹ Fa raha nekanitao gne Jiosy sasany sady da mitroho gne agneky, da io indreo fa nanomboky nagnopa gne lalàna teo amè vahoaka nipetraky teo. Raoky i Paoly niala andreo sady nindesiny gne mpianatry teo, katroky izy gne nandresy lahatry enio mpianatry io tao amè tragno fampenaran'i Tyrano. ¹⁰ Nandritry gne roy tao, fa gn'olo nipetraky tagny Asia da lasa nahare ny tenin'ny Tompo, ndre gne Grika sy gne Jiosy agnaby. ¹¹ Arak' izany sa da hita fa izany Andriamanitry izany gne nagnano asa mahagaga tam'gn'alalan'i Paoly, ¹² agny kô ndre gne mosoara sy gne akajo evao gne akasoky amè marary da io fa mijangaitry sady nijotso aby gne devoly tagnatindreo tagny. ¹³ Fa nisy koa sa Jiosy raiky nandeha tegny. Nangaiky gne agnaran'i Tompo Jesosy izy amzay mba ahazo hery hindesy handrôky gne Fagnahy ratsy, sady hoy izy hoe: "Am'gn'agnaran'i Jesosy nozakain'i Paoly, mibeko anao iaho da mijotsoa." ¹⁴ Gne mpisorom-be Jiosy hangia hoe Skeva sady fito gne janany gne nikatroky enio zaka io. ¹⁵ Io fa nisy Fagnahy ratsy namaly enazy hoe: "Na i Jesosy na i Paoly da samby aiko aby; fa ia me anareo io?" ¹⁶ Nambiky tam'gn'olo mpandrôky devoly gne fanahy ratsy sady naratry sy nikojy izy gne lasa nilefa. ¹⁷ Da fantatry gn'olo maro izany, ndre gne Jiosy sy gne Jentilisa nipetraky tagny Efesosy. Lasa nangorohoro mafy indreo tam'zay ka gne agnaran'i Tompo Jesosy gne lasa nomegny voninahitry. ¹⁸ Lasa maro tam'gne mpino gne nagnato sy hibebaky sady da nagneky gne raha ratsy vitandreo. ¹⁹ Maro gne mpitazo hazary gne nagnary sady nagnoro gne hazariny sy gne bokiny teo akatrefan'gne tsiraikiraiky. Raha novatovatoy gne vidin'zany da nahatratry teo amè farantsa vola fotsy dimaly teo. ²⁰ Lasa niely gne zakan'gne Tompo tagny aminio toera io. ²¹ Raha vitan'i Paoly gne asa fanompoa tagny Efesosy, da tapakevitry izy fa hangala an'i Makedonia sy Akaia tegny an-dala handeha ho agny Jerosalema, sady hoy izy: "Raha avy agny iaho da mandeha agny Roma signitry evakoa." ²² Nandefa gne roy tam'gne mpagnampy enazy i Paoly, da i Timoty sy Erasto, sady hirakirakiny lahateo koa. Fa izy koa sa da nijano tagny Asia. ²³ Tam'zany fotoa zany tagny Efesosy da nisy fangnelingelegna zakabe mikasiky gne lalàna. ²⁴ Sady nisy koa mpanefy volafotsy hangia hoe Demetrio, zay nagnano gne sary sikotry volafotsin'i Diana, nampiditry vola be ho an'gne mpagnano asa tagna izany. ²⁵ Nalagnony niaraky io lehilahy magnano asa tagna io sady hoy izy: "Tompoko, fantatriko fa am'ty gne asa 'ty da mahazo vola be iahay. ²⁶ Hitanao sy renao izany sady tsy tagny Efesosy evao fa eran'i Asia manontolo, io Paoly io da nandresy lahatry sy nahadrorotry olo maro. Mizaka izy fa tsy misy Andriamanitry vita amè tagna zany. ²⁷ Fa gne loza sa da ity, tsy gne varotry tsika avao gne tsy ilaigny etsana fa ndre gne tempolin'gne mpajaka vavy zakabe Diana koa sa da azo heritreretiny ho tsy misy dikany.Da azo hinoa fa mety ho very gne voninahitriny avy eo, kanefa izy gne tompoin'gn'olo ao Asia sy izao tontolo zao." ²⁸ Raha vatany nahare izany indreo da tsy hay gne havignirandreo sady nikoikoiky mafy hoe: "I Diana an' Efesiana gne zakabe indrindra." ²⁹ Rekitry gne sakoriky tao amè tanà sady niaraky nifanosiky gne nifandrindriky niditry ao amè tragno fandihiza baly gn'olo maro be teo. Io fa voasambotrindreo gn'olo mpiaradia tam'i Paoly, tsy ia io fa i Gaio sy Aristarko avy agny Makedonia. ³⁰ Kaiky i Paoly koa sa da ta hitsoky tao amè vahoaky maro be kanefa da noràràn'gne mpianatry izy. ³¹ Ndre gne mana-pahefaha tao ame faritry Asia zay namany koa da nandrara anazy mafy tsy hitsoky amin'io tragno fangnamboara baly io. ³² Kaiky da mbola nisy evakoa olo sasany nikoikoiky mafy tao, satria tao agnatin'gne karesokaresoky be gne vahoaka. Ndre gne sasany tamindreo da kaperatry sady tsy nahafantatry hoe nagnino niaraky avy aby itoa olo 'toa. ³³ Gne sasany tam'gne vahoaka gne napahafatatry an'i Aleksandro, zay natosiky gn'olo ho egny aloha, sady nagnano fietsiky tamè tagnany i Aleksandro va sady ta agnome fagnazavaha ho an'gne mpivory teo. ³⁴ Fa raha vatany nofatandreo fa Jiosy izy, da nikoikoiky mafy tam'gne feo raiky evao indreo nandritry gne roy lera nagnano hoe: "Da zakabe gne Dianan'ny Efesiana." ³⁵ Raha napisihy gne vahoaka gne lehiben'ny tanàna teo amè tanà da hoy izy hoe: "Ry lehilahy Efesiana, ia me gn'olo teo ka tsy nahalala fa gne tanàn'gne Efesiana da mpiamby gne tempolin'i Diana sy gne sary izay nibotràky avy tagny an-dagnitry? ³⁶ Sady koa sa da tsy azo handàna io raha io, ka tokony hidianareo gne vavanareo fa tsy hagnanognano raha fahatany evao. ³⁷ Kanefa da nindesinareo aty amè fitsaraha itoa lehilahy 'toa, nefa olo tsy mpandrodagny gne tempoly na mpagnopa gn'andriamanim-bavitsika. ³⁸ Noho izany sa, raha mana fitoria manohitry gne tsiraikiraiky i Demetrio sy gn'olo mpagnano asa tagna miaraky aminazy, da misokatry gne fitsaraha sady misy vavolombelo gnao. Apetrao indreo hifampitory. ³⁹ Fa raha anareo koa sa gne mitadia resaky mikasiky gn'olo-kafa da tokony amè fivoria ara-dalàgna magnaraky gne hiresaha anizany. ⁴⁰ Fa saniky itsika 'toa sa da ho hazon-draha gne ho vôtory am'ty karesokaresoky nanitsika 'ty. Sady tsy misy dikany gne korota nanitsika gne tsy afaky hagnazava anizany lahateo koa itsika." ⁴¹ Raha vôzakany izany, da noravàny gne fivoria.