Toko faha 14

1 Te indraike Sabata, naho fa nimbamy ty tragno ty lahibey fariseo hikama mofo Reke le narendre iareo soa. 2 Le ingo, nisy ajalahy ampijale i edema ty agnolohae eo. 3 Jesosy nagnontane iareo mpahay ty lily ry Jiosy naho ty Fariseo tihoeke: "Faly vao ke tsy faly ty manaha ndaty amy ty andro sabata?" 4 Fa le tsy nahavolagne iareo. Ama ty manao izao le norambese i Jesosy reke, le nohahae, le vinotsoe handeha. 5 Le tihoeke natao'e amy iareo te: "Ia ama'areo ty managna anake lahy naho agnombe tonta agnate vovogne amy ty andro Sabata ro 6 tsy handrombake ty hagnakatse aze?" 7 Naho fa nitalake i Jesosy ty fijibogna iareo hamonjy ty toera soa, le nanao fagnoharagne Reke, nirehake amy iareo te: 8 "Naho fa ao ty mitoka anareo hoavy amy ty enga vao, le ko mitoboke amy ty toeragne loho soa, tsy ho hay ke ndra nisy ndaty tinoka mbe hiasiagne ambone areo ka ty ao. 9 Naho fa ho avy ndaty nitoka anareo, le hirehake zao ama'areo te: 'Meo ty ndaty raike toy o misy azo,' le ty hegna'areo ro hisintaha'areo hamonjy ty toeragne farae ambane. 10 Le naho fa agombaragne nareo, le mandena amy ty toeragne farae ambane, fa naho fa mandriogneo i nagnombara azo'y, vae hirehake amao avao tihoe: 'Ragnetse, mionjona ambonembone atoy.' Le ho hiasiagne nareo ama agnatreha ty miharo latabatse ama'areo. 11 Fa ze magnambone ty vatae le ho ambane, le ze miambane hatroatse." 12 Jesosy ka le nirehake amy nagnombara Aze'y te: "Naho fa manjotso mahakama, ndre fagnombaragne, le ko magnombara ty ragneo naho ty roahalahio naho ze marine azo ndre ty manandraha marine azo, te hitama ty fagnombarae azo ka ho takalo izay, le ho voavale rehe. 13 Fa naho magnombara ndaty rehe, agnombarao ty sahiragne, ty kepeke, ty kombimba, naho ty goa, 14 le ho haha rehe, fa tsy hahavale ty raha natao'o iareo. Fa ihe le ho voavale amy ty fijoroa ty maregne. 15 Rehefa naheno ireo zavatra ireo ny iray tamin'ireo niray latabatra tamin'i Jesosy, dia niteny taminy izy hoe: ''Sambatra izay hihinana ny mofo ao amin'ny fanjakan'Andriamanitra!'' 16 Fa Jesosy niteny taminy hoe: ''Nisy lehilahy iray nikarakara sakafo lehibe ary nanasa olona maro. 17 Rehefa voakarakara ny sakafo, dia naniraka ny mpanompony izy hiteny an'ireo izay nasaina hoe: 'Mandrosoa, fa ny zava-drehetra dia efa vonona.' 18 Fa le nihambagne iabike ty raha tantsay iareo ao le sambe nanao ze rehake hipalirae. I voalaohae'y nirehake te: "Nivily tane raho, le handeha hey raho handrendreke zay agne. Afaho ty amako.' 19 Ty raike hafa nirehake tihoeke: 'Nivily agnombe folo raho, le handeha handrendreke zay agne. Afaho ty amako. Le ty lahy raike hafa teo nirehake tihoe: 20 'Vaho nanenga valy raho, a izao le tsy ho afake ty hombeo raho.' 21 Le niavy i mpitoro'ey le nitalily izao raha iabike zao amy pataro'ey. Le niboseke am'izao i tompon-tragnoy le nikazakazake i mpitoro'ey nanao tihoe: "Mandenà tsiela agnarabey naho ankiririsa ty tanàgne toy le ndeso iabike ty sahiragne naho ty kombimba, ty goa naho ty kepeke.' 22 Le tihoe ty natoy mpitoro'ey te: "Ragnandria, vita ze nampanoe'o ahy, fie le mbe misy tsy feno avao." 23 Hoe ty natao pataroe'ey amy mpitoro'ey: "Mandenà agnarabey ey naho ty tanembole le sereo iareo hoavy, le ho feno ty tragnoko. 24 Fa le ambarako anareo, fa tsy hisy hangnandragne ty haneko ze lahilahy nagombaragne." 25 Le ndaty maro ty nagnorike Aze, le nitolike Reke le nirehake tihoeke: 26 "Naho misy ama'areo magnorike Ahy ro tsy mahafoe ty rae, ty rene'e, ty valie, naho ty anae, ty rahalahie naho ty rahavavie, ndre ty fiaignae avao, le tsy ho mbiagne ho mpianatro reke. 27 Ndre ia ndra ia ty tsy mijine ty hazo najaly fie magnorike Ahy le tsy ho mbiagne ho mpianako reke. 28 Ia ama'areo ty magniry hagnamboatse tilikambo, ro tsy hitoboke hey hisafire ty ho lany amae naho ty ilagne amae ampara ty hivitae? 29 Fa tsie naho fa nahaoregne ty fotoe reke naho ndra le tsy hahavita izao, le hoatao ty ndaty ze nahatrea izao 30 tsikike te: 'Ty lahy tiagne nieva fagnoregnagne tragnoy fie ndra tsy nahavita.' 31 Le ia ka ty mpanjaka, naho handeha hialy amy ty mpanjaka hafa le tsy hitoboke hey, hametsevetse te naho mindre amy ajalahy ray alegne vao ho afake hialy amy ty mpanjaka hafa avy hanohetse reketse ty ajalahy roalegne? 32 Asa te ie, mbe lavitse ty mpanafike, le hagnirake ndaty tsy ampe hiaolo aze hangatake ty fomba hilongoagne. 33 Ama ty manao izao, le ndre ia ndra ia ama'areo ro ty mahafoe ze raha iaby anagnae le tsy ho mbiagne ho mpianako reke. 34 Soa ty sira, fie naho montso ty tsiro i sira'y, le akore ka ty hieregnae hasira indraike? 35 Fa ndra ty tane ndre ty litsake tsy raha mipay aze, fa le hariagne avao zao. Ze manan-tsofegne ho ndese hitsanogne le mitsanogna."