¹ Ry lahalahy, naho misy ndaty azom-pahadisoagne, inareo ze amam-pagnahy ro toko e hagneregne aze indraike ama ty fahamoram-pagnahy. Vetsevetseo ty tegna'o, mba tsy halaem-pagnahy rehe. ² Le mifampindesa ty mavesatse, naho le tanteraho ty lily i Kristy. ³ Fa naho misy ndaty mihevetse ty vata'e ho tegnan-draha mone izao tsinontsinogne, le mamitake ty vata'e reke. ⁴ Naho le toko e handineke ty asa e kiraindraike aby, mba ho am-bata irery ty hieboaboa'e fa tsy ho ama ondaty hafa. ⁵ Fa sambe hinday ty enta'e aby ze henen-daty. ⁶ Ze o ndaty nampianaregne ty reha'e le toko'e mizara ze kila raha soa ama ze nampanatse aze. ⁷ Ko mete ho alam-pagnahy. Tsy atao tsinontsinogne ty Andrianagnahare, fa ze kila raha ambole'o, ro mbe ho jinjae'o ka. Fa naho ze mambole voa ama toetra feno hakeo, le avy amizay ty hijinja'e ty hasimba'e. ⁸ Fa ze mambole voa amam-pagnahy, le amam-pagnahy ka ty hijinja'e ty fiaignagne hatrampara'e. ⁹ Le ao soa tsy ho vozake ama ty fanoan-kasoa, fa hijinja vokatse tika ama ty fotoagne ze mete. Naho tsy mikepake tika. ¹⁰ A naho izao areke, satria anagnan-tika ty fahalalagne, le ano ze raha soa ama ze kila o ndaty, naho le manao izay ka ty ze longo ty finoagne. ¹¹ Enteo ty habey ty soratse ze sinora ty tagnako ho anareo. ¹² Ze te hiboake ho soa ama ty mofo ro miezake manere anareo mba hasavatse. Le mana izao iareo mba hiala'e ama ty orikorike naho ty ama ty hazo nijalea i Kristy. ¹³ Ndra iareo mbe tsy nasavatse, le sambe hiambegne ty lily , fe ie naho tea iareo ty hasavatse le mbe hieboebo ka iareo ama ty onofo'e. ¹⁴ Fe ie tsy hiroharoha ndre mbia mbia naho tsy ama ty hazo najale i Jesosy Kristy Tompon-tika areke raho, ezao namonoagne ze kila raha amako eto, naho ndra izaho ka tama ze kila raha eo iaby. ¹⁵ Fe ndre ie misavatse naho tsy misavatse le sambe tsy misy foto'e aby, fa le ty fiaignam-baovao ro manam-pototse. ¹⁶ Fa hoe ze miaigne naho ze fomba zay, le ho ama iareo ty fiadanagne, naho ty famotsoran-kakeo, ama ty Andriamagnits' Israely aza. ¹⁷ Mamototse amizao le ao soa tsy hitsibore ahy, Fa milanja ty famantara i Jesosy ama ty vatako raho. ¹⁸ Le ho ama ty fagnahy areo arek ty fahasoava i Jesosy Kristy Tompo ntika, ry rahalahy. Amen.