¹ Ho amy ty fahafahagne ro nagnahà i Kristy antika. Mioregna soa, noho zay, ka mete ho ambaney ty jogam-pandevozana ndraike. ² Intoy, raho, Paoly, mirehake ama areo fa naho magnomey ty vata areo ho hasavatse nareo, le tsy hahasoa anareo amy ze kila fomba ty Kristy. ³ Mitsangagne ho ndaty aivo amy ty ndaty magnomey ty vatae ho voasavatse ndraike raho fa tsy maintsy hagnorike ty lily iareo aby. ⁴ Tafasarake tamy Kristy nareo, te ho hamarinegne amy ty lily; le tsy hiaigne amy ty hasoa sasa nareo. ⁵ Fa noho ty fagnahy, naho ty finoagne, ro hiambenantika soa ty fampitamagne ty fahamarenagne. ⁶ Amy Kristy Jesosy ao le tsy manjare inogne ty misavatse naho ty tsy misavatse, fa ty finoagne miasa amy ty fitiavagne avao. ⁷ Fa le nandeha soa avao nareo. Ia ty nikalagne anareo amy ty fagnekeagne ty maregne? ⁸ Zay fagnoveoveagne zay le tsy boake amy ty nitoka anareo. ⁹ Lalivay kedekede avao ro nampitombo ty koba iaby. ¹⁰ Fa matoky i Andriantompo raho fa tsy hihevetse raha hafa nareo. Fa ze raike mitsobore anareo ro hagnonetse ty voi'e, ndre ia ndre ia. ¹¹ Ry rahalahe, naho mbe mitalily mahakasike ty savatse raho, nagnino raho ro mbe enjehegne? Amizay le ho hafake vatae ty helo ty hazo najale. ¹² Fa hoe'ze mitsobore anareo, le lonike mba hanampake ty vata'iareo iareo! ¹³ Fa notokavigne amy ty fahafahagne nareo, ry rahalahe. Ko atao talisarae ty filàgne ty fahavanogna areo; fa ie noho ty fitea le mifagnompoa. ¹⁴ Fa ze fa lily le nilefe iaby amy ty lily raike; amae ao te hoe: "Tsy maintsy mitea ty ragneo manahake ty vatao rehe." ¹⁵ Fa naho hifampitifatse naho mifampihinagne nareo, le miambena tsy hifanjamagne. ¹⁶ Hoe raho te, mandenà arake ty fagnahy le tsy hoazon-kakeo amy ty filàgne nareo. ¹⁷ Fa magnohitse ty filà ty nofotse ty irie ty Fagnahy. Fa mifanohetse reo, mba tsy ahafaha areo manao ze raha tea areo hatao. ¹⁸ Fa naho tarihe ty Fagnahy nareo le tsy ho ambane ty lalàgne. ¹⁹ Henane zao le mizehazeha ty asa ty filà ty nofotse: fijangajangàgne, fahalotoagne, fitsetotsetoke, ²⁰ fagnompoagne sampe, famorehagne, fakalaignagne, fifanderagne, hamamarahe, haboseke, fifandrafe, ty miviobioke, fizarazaragne, ²¹ fialonagne, hamamo, fitsoboreagne, naho ze kila raha mira amizay. Nampitaho anareo raho, manahake ty fa nampitaho anareo taloha, fa hoe iareo ze manao raha aby reo aza le tsy handova ty fanjakan'Andrianagnahare. ²² Fa ty voka ty fagnahy le fiteavagne, fahaliovam-po, faharetagne, hasoa fagnahy, fanoagne raha soa, finoagne, ²³ hatsom-po, naho ty fahafehezan-tegna; tsy misy lily hanohitse naho zay. ²⁴ Iareo ze ey Kristy Jesosy lefa nampitombo ty fagnahie feno hakeo mindre amy ty fahaliovampo naho ty filàe. ²⁵ Naho mivelogne amy t Fagnahy ntika, le tokoe handeha amy ty Fagnahy avao ka. ²⁶ Ao ntika tsy hanjare ho mpitregne, mifamono hakeo, naho mifampialogne.