¹ Magnanatse o lohologneo ama'areo raho, iraho, ze lohologne ragnetse. Izaho avao ka le vavolombelogne o fijalia i Kristy, naho ka mpikambagne ao amy ty volonahitse ze fa haseho. ² Naho izay, magnanatse anareo raho, ry lohologne, lignaso ty aondrin'Andrianagnahare ze eo ama'areo. Horiho maso iareo, tsy amy ty fahatereteregne, fa amy ty sitrapo'areo, arake ty sitranarofon'Andrianagnahare. Horiho maso iareo, tsy amy ty vola maloto, fa an-tsitrapo. ³ Ko manjakazaka amy ty ndaty ze itaoa'areo. Fe ie, ao ho fitaratse hoe ty aondry. ⁴ Naho fa miseho i Loha ty mpiambegne aondry, le hahazo satro-bolonahitse tsy mete simba nareo. ⁵ Manahake izay ka, inareo tanora fagnahy, magnekaea ty ndaty-bey. Inareo iaby, saforo fagnetren-tegna ty vata'areo le mifanompoa. Fa Andrianagnahare manohetse ty mpirehareha, fa magnomey fahasoavagne ty mpagnetry tegna. ⁶ Naho izay magnetre tegna eo ambany ty fitá-maherin'Andrianagnahare mba hanandratae anareo amy ze fotoagne zay. ⁷ Apetraho eo amy ty fagnahi'areo iaby, satria Reke ro miaro anareo. ⁸ Mampionona vatagne, miambena. Ty fahavalo'areo, le ty kokolampogne, magnodidigne manahake ty liogne mitregne, mipay ze ndaty ho arapae. ⁹ Manohera aze. Mioerana amy ty finoa'areo. Fanta'areo fa ze fahoriagne zay le manjo ty firaisagne o mpino magneragne izao tontolo zao avao ka. ¹⁰ Naho fa nijale tagnate ty fotoagne kedekede nareo, ty Andrianagnahare ty fahasoavagne iaby, ze nitoka anareo ho amy ty volonahitse mandrakizay ao amy i Kristy, le hahatanaterake anareo, hanangagne anareo, le hampahery anareo. ¹¹ Ho Aze anie ty fanjakagne mandrakizay. Amena ¹² Raeseko manahake ty roahalahe mahatoky i Silasy, le nanoratse rehake kedekede hoanareo tamy ty alalae raho. Magnanatse anareo raho le magnambara anareo fa ze nisoratako le fahasoavagne maren'Andrianagnahare. Mitsangana am'izay. ¹³ Ty ampela ze ei Babylona, ze voafily nindre tama'areo, manao veloma anareo. ¹⁴ Mifanaova veloma amy ty fagnorofam-pitiavagne. Ho amareo iaby anie ty fiadanagne ze ao amy i Kristy.