¹ Noho izay, satria nijaly tamy ty nofotse ty Kristy, le ataovo fialia'ty tegna'areo ze tanjogne zay. Fe ie ze iaby nijaly tamy ty nofotse le nijanogne tamy ty hakeo. ² Voka'izay, ty ndaty manahak'izay, agnate ty fotoagne sisa hiaignagne, le tsy hiaigne hoe ty fagniria'o ndaty sasa, fa hoe ty sitrapon'Andrianagnahare. ³ Fa ampy zay ty fotoagne lasa nanagnovagne ze tea ty Jentlisa atao- hahafale ty nofotse, fihaminagne, hamamoagne, fitondran-tegna mahamegnatse, fihisan-draty, le o asa ty fanompoan-tsampy mampangory. ⁴ Hevere iareo fa hafahafa satria tsy miharo amy iareo ao amy ze fagnaragampo be izao nareo, Naho izay le hirehake raty mahakasike anareo iareo. ⁵ Hamale ty raike ze vognogne hitsara ty velogne naho ty mate iareo. ⁶ Naho ze antoe zay ro nitoriagne ty vaovao mahafale tamy o mate'o avao ka, mba, na lenitsaraigne tamy ty nofotse toy ty ndaty aza iareo, le hitsanogne mahanahake an'Andrianagnahare ao amy ty fagnahy. ⁷ Magnarine ty farae ty raha iaby. Naho izay misaigna, le mapionona vatagne amy ty eretreretse hoe ty fitiavambavake. ⁸ Ambone ty raha iaby, manágne fitiavagne feno hoe ty tsiraidraike iaby, fa ty fitiavagne manarogne fahotagne tsiefa. ⁹ Mifampiantragnoa tsy am-pitaraignagne. ¹⁰ Fa ty raidraike ama'areo le nandrae fagnomezam-pahasoavagne, ampiasao hifanompoagne zay. Manova manahake ty mpitan-draharaha ty fagnomezam-pahasoavagne tsiefa maimaimpoana an'Andrianagnahare. ¹¹ Naho misy mirehake, ao reke hanao izay manahake ty raike mirehake ty saontsin'Andrianagnahare. Naho misy manompo, ao zay ho boake amy ty hery ze voandalan'Andrianagnahare. Manova o raha reo mba homem-bolonahitse amy ty alala i Jesosy Kristy amy ty fomba iaby Andrianagnahare. Ao hoe i Jesosy Kristy ty volonahitse naho ty hery mandrakizay doria Amena. ¹² Ry malala, ko raisegne ho hafahafa ty fitsapagne amy ty afo ze nitranga tama'areo, manahake ty hoe nisy raha hafahafa nitranga tam'areo. ¹³ Fe ieka, na le tsiefa aza ty hiaigna'areo fijalea i Kristy, mifalea, mba ho afake hifale avao ka nareo le hofalefale amy ty hitaliliagne ty volonahotse. ¹⁴ Naho nivetavetagne noho ty tahina i Kristy nareo, le voatahy, satria ty Fagnahy ty volonahitse naho ty Fagnahin'Andrianagnahare le mitoboke amareo ao. ¹⁵ Fa ao tsy hisy na ia na ia ama'areo hijale manahake ty mpanompo'o ndaty, mpangalatse, mpanao raty, na mpiraharaha ty e ty hafa. ¹⁶ Fe ie naho misy mijale fa Kristiana, ao reke tsy ho megnatse; fe ie , ao hagnome volonahitse an'Andrianagnahare am'izay agnaragne zay reke ¹⁷ Fa fotoagne zao hanombohagne ty fitsaragne mindre amy ty longon'Andrianagnahare. Naho manomboke amantika zay, inogne ro ho voka hoe ze tsy mankáto ty filazantsaran'Andrianagnahare? ¹⁸ Naho le "ty ndaty marine aza le tsy ho voavonjy, amy ty fomba manao akory ro hiboaha ty ndaty tsy an'Andrianagnahare naho ty mpanota?" ¹⁹ Naho izay ao ze mijaly noho ty sitragnarofon'Andrianagnahare hagnakigne ty fagnahy iareo any ty Mpamorogne mahatoky amy ty fanaovan-tsoa.