1
Paoly, tinoka'i Jesosy Kristy mba ho Apostoly noho'ty sitrapon'Andrianagnahare, naho Sostena rahalahentika,
2
ho ey ty fiangonan'Andrianagnahare a Korinto ao, ho ey'iareo ze nihamasinegne tama'i Kristy Jesosy ao, ze voatoka ho ndaty masigne. Manoratse ho ey ze mitoka ty agnara'i Jesoa Kristy Tompontika ami'ty tany iaby ka zahay, le ty Tompo'iareo naho antika.
3
Lonike ho ama'areo ty fahasoavagne naho fiadanagne boak'ama'Nagnahare Roaentika naho i Jesosy Kristy Tompo.
4
Magnomey fisaoragne ho an'Andrianagnahare ho anareo avao noho'ty fahasoavan'Andrianagnahare ze namea'i Jesosy Kristy anareo.
5
Nataoe mpagnarivo tamy ty fomba iaby nareo, tami'ty firehake iaby naho fahalalagne iabike,
6
naho vaho voaporofo tama'areo eo fa marigne ty fagnombara'i Kristy.
7
Naho zay reke le tsy ory fagnomezam-pahasoavagne nareo am-pandignasa'areo mafe ty fagnombaragne ey'i Jesosy Kristy Tompontika.
8
Hampahere anareo avao ka Reke hatram-parae, mba tsy hanan-tahigne nareo ami'ty andro i Jesosy Kristy Tompontika.
9
Mahatoky Ty Andranagnahare, ty nitoka anareo ho ami'ty firaesagne ami'ty Anae Lahy, Jesosy Kristy Tompontika.
10
Hanane zao le mampirisike anareo raho, ry rahalahe, ami'ty agnara'i Jesosy Kristy Tompontika, mba hifagnarake nareo iaby, le tsy hisy fisarahagne ty ama'areo. Mandrisike raho mba hitraoke ami'ty saigne mitovy naho tanjogne mitovy nareo.
11
Fa natao mazava tamako, ry rahalahe, tami'ty alala'ty vahoa'i Kloe fa misy fifampiandaniagne ama'areo eo.
12
Ty teako ambara le izao: Ty isam-bata'areo manao ty hoeke: ''Iraho miarake ama'i Paoly,'' na ''Iraho miarake ama'i Apolosy,'' na ''Izaho miarake ama'i Kefasy,'' na ''Iraho miarake ama'i Kristy.''
13
Voazarazara vao ty Kristy? Paoly vao ty jinera ho anareo? Tami'ty agnara'i Paoly vao ro nanaovagne batisa anareo?
14
Misaotse an'Andrianagnahare raho fa tsy nisy nataoko batisa nareo, naho tsy Krispo naho Gaio.
15
Izay le mba tsy hahafaha'ia na ia mirehake te hoe tami'ty agnarako ro nanaovagne batisa anareo.
16
(Iraho avao ka ty nanao batisa ty ankohona'i Stefanasy. Ty hafa izay, tsy fantako te ie nanao batisa ndaty hafa raho.)
17
Fa tsy nagnirak'ahy ty Kristy mba hampanao batisa fa hitory ty talilisoa. Tsy nandefa ahy hitory ami'ty rehake fahendrean'olombelogne, mba tsy ho foagne ty heri'ty hazofijalia'i Kristy.
18
Fa ty hafatse moba ty hazo fijaleagne le hagegeagne am'iareo fa ho mate. Fa ty am'iareo ho vonjen'Andrianagnahare ka, le herin'Andrianagnahare zay.
19
Fa voasoratse te ie: ''Ho poteheko ty fahamarena'ty maregne. Ho foagnako ty fahalala'ty mahay.''
20
Aia ty ndaty mahilala? Aia ty manam-pahaizagne? Aia ty mpialy hevetse am'izao tontolo zao? Tsy navali'Nagnahare ho hagegeagne vao ty fahendrea'izao tontolo zao?
21
Satria tsy nahafantatse an'Andrianagnahare ty ndaty iaby tami'ty fahendreae, le sakitran'Andrianagnahare ty hamonje iareo ze mino ami'ty alala'ty hagegea'ty talily.
22
Fa iareo Jiosy le mangatake famantaragne mahagaga naho iareo Grika mipay fahendreagne.
23
Fa zahay mitalily i Kristy voajera, vato mpanikambatse ho ey'iareo Jiosy naho hagegeagne ho ey'iareo Grika.
24
Fa ho ey'iareo ze tinokan'Andrianagnahare, iareo Jiosy naho iarey Grika, le mitalily i Kristy manahake ty hery naho fahendrean'Andrianagnahare zahay.
25
Fa ty hagegean'Andrianagnahare le hilala mihoatse ty ndaty, naho ty fahalemean'Andrianagnahare le matanjake mihoatse ty ndaty.
26
Diniho ty fitokavagne anareo, ry rahalahy. Tsy maro tama'areo ty nahilala naho ty ami'ty maha olombelogne. Tsy maro tama'areo ty nahery. Tsy maro tama'areo ro ambone firazanagne.
27
Fa Andrianagnahare ro nifily ty gege'ty ndaty iaby mba hahamegnatse ty ndaty mahilala. Andrianagnahare ro nifily ze maleme ami'ty ndaty mba himegnara'ze matanjake.
28
Andrianagnahare ro nifily ze ambane naho pepo am'izao tontolo zao. Na Ireke aza nifily ze raha ho natao ho tsinontsinogne, mba haha tsinontsinogne ze raha natao ho manan-danja.
29
Natao'e zay mba tsy hisy hanagne antoe hireharehagne agnatreha'e eo.
30
Noho ty nataon'Andrianagnahare, hanane zao nareo le am'i Jesosy Krisy, naho nanjare fahendragne ho antika boak'ama'Nagnahare. Nanjare fahamarinantika Reke, fahamasinantika naho fahafahantika.
31
Naho izay, manahake ty rehafe'i Soratse Masegney te hoeke: ''Manao ze miroharoha, mba hiroharoha am'i Tompo ao.''