¹ Ty fitalilia ty rehagn'Yaveh tamy Israely tamy alala ty tagna i Malakia. ² ''Fanitea anareo Raho,'' hoe ty Yaveh. Kanefa nareo nanao tihoe: ''Nanao akore ty niteanao anay?'' ''Tsy mpiraitam-po amy Jakoba vao ty Esao?'' hoe ty natalily Yaveh. ''Jakoba ro teako, ³ te Esao hejeko. Ty vohie lefanatako tsimisy, vaho fanataho hitoboha hoahy reo ambadala bakegne agnala ty lovane. ⁴ Naho mitalily i Edoma tihoe: ''Nalavo zahay, kanefa hampimpoly ty rava zahay,'' le hitsara Yaveh Tompo ty maro hoe: ''Mete hampitsanga iareo, nefa horavaeko ndraike. Hafa reo le hikaike aiereo tihoe: Tana ty haratia' naho tihoe: 'Reo fokonolo nozogne Yaveh zosikamparane.' ⁵ Hahisake zane ty masonareo, vaho hivola nareo tihoe: 'Yaveh le befoloay mihotse reo faritane Israely.''' ⁶ ''Manahake ty lahilahy magnomey vininahitse babane, naho ty mpiasa magnomey voninahitse ty tompone. Naho rae Raho, aia ty voninahitso?'' Naho tompo Raho, aia ty fanehoa ty fagnajagn'Ahike?'' hoe ty Yaveh Tompo ty maro tamy reo mpisoro, zay nanao tsinotsino ty agnarako. ''Saike nareo tihoe: 'Manao akore ty anaovanay tsinotsino ty agnaranao?' ⁷ Tamy ty fanolora mofo maloto hoeo amy alitarako. Saike nareo manao tihoe: 'Manao akore ty handotoanay Anao.' Tamy ty fitalilia te tsy misy dikae ty latabay Yaveh. ⁸ Naho fananolotse biby goa nareo hatao soro, ka tsy raty zay?Naho fananolotse kombimba naho marare nareo, ka tsy raty zay?'' Ahelagno agne amy ty goverinora nareo zane! Handrae anereo vao reke na hamelognanareo?'' hoe ty Yaveh Tompo ty maro. ⁹ Amihenaneo nareo le mboe magnontany ty vatan'Andragnahare, mbo hamindrane arofo amintika. Te Yaveh Tompo ty maro nitalily te amy ty soro manahake antagnanareo, hamelognanareo Reke amizane? ¹⁰ Naho nisy raike taminareo nandrindry lalagny fiangonagny, mba tsy hozaka tsy misy dikae ty ampirehetanareo afo agnalitara eo! Tsy mankasitrake anareo Raho, ''hoe ty Yaveh Tompo ty maro: ''vaho tsy handrae ty sorogny ty taranagnareo Raho. ¹¹ Fa ty agnarako hobefoloay eo amy reo tane vaho kila toere iaby manomboke amy ty fitsiriha iandroy amparake itsoforane vaho diten-ketae magnitse naho soro malio ro hatoloe amy ty agnarako. Fa ty agnarako le hobefoloay eo amy reo tane.'' hoe ty Yaveh Tompo ty maro. ¹² Famagnaraty zane nareo iaby mitalily te maloto ty lataba i tompo, vaho reo vokaereo hanene, le hatao tsimisidikae. ¹³ Nareo kea manao tihoe: 'Mandrerake kea reke zane, le nihemotse tamy bzane nareo, ''hoe ty Yaveh Tompo ty maro. ''Nanday zay naria tamy bibi-ly nareo na mbiko na marare; vaho nandesenareo hosorognareo zane. Tokone handrambe zane bakan-tagnanareo egne vao Raho?'' hoe Yaveh. ¹⁴ ''Lonike hozogne ty mpamitakezay mana aondry lahy ao amy ty aondry naho mifanta te hagnomey Ahike zane, vaho mboe magnomey zay mbiko Ahike, Tompo! Zaho le mpanjake befoloay,'' hoe ty Yaveh Tompo ty maro,'' vaho ty Agnarako le homeam-boninahitse eo amy re tane.