¹ Paoly voho Timoty, mpanompon'i Jesosy Kristy, ho andreo iaby voatoka ho an'i Jesosy Kristy zay agny Filipy, miaraky amindreo mpiandraikitsy voho reo diakona. ² Ao aminareo anie gny fahasoava sy gny fiadana baka amin-Dragnahary babantsika voho i Jesosy kristy Tompo. ³ Misaotry gny Ndragnahary zaho amy gny fahatriarovako anareo. ⁴ Ao amy gny fivavahako ho anareo iaby, ka amy gny fifalia hatrany ro anamboarako gny fivavahako. ⁵ Magnome fisaora zaho noho gny fiombonareo amin'ny filazantsara manomboky tamy gny andro voalohany ka hatramy zao. ⁶ Matoky any zao raha zao zaho, fa I zay nanomboky asa soa tamindreo ro hanony hanatanteraky zay hatrany gn'andron'i Jesosy Kristy. ⁷ Fa soa amiko gny mahatsapa toy zany gny mankasiky anareo iaby fotony ato ampoko nareo. Nareo iaby mpiara-miasa tamiko tamy gny fahasoava na tamy gny figadrako voho tamy gny fiarovako na koa tamy gny famamafisa gny filazantsara. ⁸ Fa Ndragnahary ro vavolombeloko, fa many nareo mafy zaho amin'ny famindram-pon'i Kristy Jesosy. ⁹ Sady zaho mivavaka an'zao: mba hitombo hatrany gny fitiavanao amin'ny fahalala voho amin'ny fahazava-tsay iaby. ¹⁰ Mivavaky ho anareo zaho mba haiky zay soa aminareo mba ho tso-po voho tsy misy tsiny amin'ny andron'i Kristy. ¹¹ Mivavaky zaho ,mba ho feno gny vokatsy gny fahamaria zay avy amin'i Jesosy Kristy nareo, ho vononahitsy voho fidera an-Dragnahary. ¹² Teako ho hainareo, nareo rahalahy, fa reo raha zay niseho tamiko ka niasa ho amin'ny fampandrosoa gny filazantsara tokoa. ¹³ Vokatr'zay, gny fehiko ao amin'i Kristy miharihary mazava manera reo mpiamby gny lapa manontolo voho reo olo hafa. ¹⁴ Gny akamaroandreo rahalahy là manana toky bevata tokoa ao amin'ny tompo noho gny fatorako, ka sahy manambara tsy amin-tahotsy gny teny reo iaby. ¹⁵ Gny sasany aza mitory an'i Kristy amin'ny fialogna voho fifandira tokoa, fa reo hafa kosa amin'ny sitrapo soa. ¹⁶ Reto farany manao zay amin'ny fiteava, mahay fa zaho napetraky eto ho fiarova gny filazantsara. ¹⁷ Fa reto voalohany mitory an'i Kristy amy gny fiteavan-tena, fa tsy tso-po. Reo regny mihevitsy fa hanakoronta ahy laha mbo ao amin'ny fifatorako zaho. ¹⁸ Ino zao? Amy gny fomba iaby, ndra amign'ny fihatsara velatsy ndra amign'ny fahamarina, Kristy ro toria, mifaly gny amin'zay zaho. Eka, ho faly zaho, ¹⁹ fa haiko fa zay hiafara amy gny fanafaha ahy amy gny alalandreo vavakinareo voho gny fanampia gny fagnahy gny Jesosy Kristy. ²⁰ Izay araky gny fiambenako mafy voho gny antoky fa zaho tsy ho megnatry mihintsy mbola amy gny fahasahia iaby avao, kenaniky zao mindry gny hatrizao, hisandratry ato amy gny vatako Kristy, ndra amy gny fiaina ndra amy gny fahafatesa. ²¹ Ho ahy gny hoe miay Kristy gny hoe maty tombokiny. ²² Fa lafa miay amy gny nofo zaho, midika asa mahavokatry ho ahy zao. Kanefa ndra ino ro ho fidiko? Tsy mahay. ²³ Fa voateny mare eo anelanelany nareo roa zaho. Gny faniriako gny handeha hiaraky amign'i Kristy, zay soa lavitry, ²⁴ kanefa gny mipetraky ao amy gny nofo zay ilà tokoa avao nareo. ²⁵ Resy lahatry gny amign'zay ho hay fa hipetraky voho hanohy hiaraky aminareo iaby zaho, ho any gny fandrosoanareo voho fifalia ao amy gny finoa. ²⁶ Reo ho ao amiko, hanana antoky hirehareha ao amign'i Kristy Jesosy nareo iaby mivezy agny aminareo ndraikyzaho. ²⁷ Manday tena amy gny fomba mendriky gny filazantsara an'i Kristy, ka ndra ho avy hijery anareo zaho ndra tsy ho avy, afaky gny hijanjy momba anareo avao, fa mijoro mare amy gny fagnahy raiky nareo, amy gny say raiky miara-miezaky ho any gny finoa gny filazantsara. ²⁸ Aza mora ampitahory nareo zay fahavalonareo. Mariky gny fahasimbanareo zay, fa mariky gny famonjenareo zay avy amin-Dragnahary. ²⁹ Fa nomenareo zay, ho an'i Kristy, tsy hoe mbo hinoa azy avao, fa hijaly ho azy koa, ³⁰ fa nareo manana aly mindry amy gny hitanareo tamiko, zay renareo tamiko henaniky zao.