¹ Laha misy fampahereza ao amin'i Kristy, laha misy fampionogna baka amy fitiavany ,laha misy firaisa amy fanahy,laha misy famindram-po bevata sy fiantsa,amy firaisa am-pagnahy, ² ataovo feno gny fifaliako amy fisaigna manahaky nazy ,amy fanagna fitiava mitovy,amy gny firaisa am-panahy sy amy gny fagnana tanjo mitovy. ³ Ka manao fitiavan-tena gna ganadratan-tena gna amin'ino na amin'ino.Lafa amy gngy fanetre tena koa mihevera gny hafa mihoatry gny vatagnareo. ⁴ Tokony tsy hila ze mahasoa gny vatanareo avao nareo tsirai kiraikiraiky f gny mahasoa gny hafa avao koa. ⁵ Mihevera mitovy amy gny fisaina zay ao amin'i Jesosy avao koa. ⁶ Fa nisy sorakin-Dragnahary I,fa tsy nieritseritry an'izay ho fitoviany amin-Dragnahary zay ro raha nifijkira I. ⁷ Gny mifanihotry amin'izay,nofoanany gny vatany .Gnangala gny soraky gny mpanompo I,ka niseho ho mitovy amy gny olombelo I,tena nitovy tamy gny olombelo I. ⁸ Gnagnetry tena I lasa mpankato hatramy gny fahafatesa,ilay fahafatesagny hazofijalia! ⁹ Ka noho zay nasandrati Ndragnahary ho farany agnabo I.Nomenany agnara amboni gny anara iaby. ¹⁰ Nataony zay mba amy agnaran'i Jesosy ro handokalihany gny lohaliky iaby,gny lohalin-dreo zay any an-danitry sy ety an- tany ary any ambany gny tany. ¹¹ Nataony zay hanekeny gny lela aiaby fa Jesosy Kristy ro Tompo,ho voninahitrin-Dragnahary Baba. ¹² Noho zay,ry malalako mitovy gny fanekenareo avao tsy eo amy gny fanatrehako avao mihoatry lavitry amy gny henaniky zao lafa tsy eo zaho,dia asehoy amy gny tahotry sy hovitry gny famonjea anareo. ¹³ Fotony Ndragnahary ro miasa ao amy gnareo mba ho vonon-kanao ro sady hiasa ho agny fifalia gnareo. ¹⁴ Ataovo tsy am-pitaraigna ro tsy ampiadian-kevitry gny raha iaby. ¹⁵ Manaova manahaky an'izay mba ho lasa Agnakin-Dragnahary tsy magnatsiny sady marina,tsy magna kilema ianareo. Miasa manahaki'izay mba hamirapiratanareo mitvy amy gny fahzava eo amin'izao tontolo izao, eo anivo gny taranaky meloky sady maheriloha. ¹⁶ Mifikira mare amy gny teny gny fiaina mba hagnanako antony hirehareha amy gny andron'i Kristy. Amin'izay ho hay fa tsy very maiky gny nilesako ary tsy very maiky gny niasako. ¹⁷ Fa na hapetraky ho fagnatitry eo amy gny soro sy fanompom-pinoa aza zaho dia mifaly zaho ary miara -mifaly am-dreo iaby. ¹⁸ Magnahaky an'izay koa ro hifalianareo,sady mifaly miaraky amiko gnareo. ¹⁹ Fa magnatena ao amin'i Tompo Jesosy zaho fa hagniraky an'i Timoty aminareo agny malaky,mba hatanjaky avao koa zaho lafa haiko gny raha mikasiky anareo. ²⁰ Tsy managn'olo hafa mitovy toe-tsay aminy zaho,nazy tena misahira gny amignareo. ²¹ Fa reo iaby samby mila gny tombon-tsoany fa tsy gn rahan'i Jesosy Kristy. ²² Fa haimnareo gny fahamendrehagny,magnahaky gny zaza manompo gny babany ro nanompoani niaraky tamiko tao amy gny filazantsara. ²³ Manantena gny handefa azy zaho lafa hitako hoe manao akory gny fandehan-draha aty amiko. ²⁴ Mino an'i Tompo zaho fa ho avy any malaky gny vatako. ²⁵ eritseritry zaho fa ilay gny magnampoly an'i Epafrodito amy ndreo any.Rahalahiko i no mpiaraky miasa sy vo mpiaraky mialy,sady mpanday hafatrinareo i no mpanompo amy ze ilaiko. ²⁶ Trapahoria mare i sady many gny hiaraky tamindreo iaby,fotony asa gnareo fa narary i. ²⁷ Narary i ka saiky maty.Fa namindra fo tagnaminy Ndragnahary sady tsy tagnaminy raiky avao fa tagnamiko koa,mba tsy hagnanako alahelo agnabon'ngny alahelo. ²⁸ Ka amim-pahasahia bevata ro handefasako azy,fa lafa hahita azy draiky nareo de hifaly sady ho afaky iaby gny fagnahiako azy. ²⁹ Rambeso ao amy gny Tompo Epafrodito miaraky amy gny Fifalia iaby.Hajao gny olo magnahak'azy. ³⁰ Ho an'gny asan'i Kristy ro nandrinihany gny fahafatesa.Nanao soro gnainy i hanompoany ahy mba hahantanterakuy zay tsy afaky nataonareo tamy gny fanompoa tamiko.