¹ Laha nandeha ta-Jerosalema reo, dia nandriniky agn'i Betifaga sy Betania, agny an-tendrobohitry gny Oliva, ² bakeo Jesosy naniraky roa tamy mpianatrigny reny no nivolanigny reo hoe : '' Mandehana amy gny vohitry tandrify antsika iry nareo.'' Laha vo tafilitsy ao nareo, ahita anaky boriky raiky mbo tsisy nitaingy. Vahao i de andeso Amiko aty. ³ Laha misy olo miteny aminareo hoe : '' Magnino nareo manao manahaky anio?'' Valio amigny hoe : '' Misy ilainy tompony azy fa hampolinay malaky aty avao bakeo''. ⁴ Lasa niboaky reo, nahita anaky boriky raiky nifatotry ivela gny trano agnila gny varavara raiky ta-morondala, novahan-dreo gny fatotriny. ⁵ Nisy olo sasany nitsanga teo ka nivola tamy ndreo hoe : ''Ino ataonareo ty, mamaha an'ny anaky boriky io?'' ⁶ Dia nambarany tamindreo safan'i Jesosy tamindreo, ka nambela gny olo handeha amy lalany reo. ⁷ Laha nandesy gny mpianatriny roa lahy tamin'i Jesosy teo anaky boriky iny dia nataony tambony teo gny sikindreo lha afaky nitaingy Jesosy. ⁸ Maro gny olo namelatry gny sikiny tan-dala teny, ary gny sasany koa namelatsy rantsan-kazo nitapainy tan-bahibo tany. ⁹ Reo nandeha talohany sy reo nanaraky Azy nikaikaiky hoe :'' Hosana! ¹⁰ Deray lay raiky baka amy agnara gny Tompo. Deray gny fanjaka ho avin'i Davida babantsika! Hosana baka amy avo indrindra!'' ¹¹ Bakeo Jesosy nilitsy ta-Jerosalema ka nilitsy ta-tokotany gny tempoly nanentinenty gny raha iaby teo. Laha, niha tsofotsy gny andro, lasa nandeha Betania I sy reo roa ambinifolo lahy. ¹² Hamaray iny, laha nimpoly baka Betania reo, nahatiaro mosary I. ¹³ Nahita hazo aviavy raiky nandravy baka lavidavitsy, nandeha nijery teny reo mba hahita voa taminy teny, ka lafa nandeha taminy teny I, tsy nahita na ino na ino laha tsy ravy aveo. ¹⁴ Nivola Jesosy bakeo iny hoe : '' Tsy hisy olo hihina voa baka aminao sasy.'' Nahare an'izay ny mpianatriny. ¹⁵ Nandeha Jerosalama reo iaby, nilitry tam-piangona tao I laha nandroaky gny olo iaby tao, gny mpivarotry sy gny mpivanga. Nalavony gny latabatry gny mpanakalo drala sy mpivarotry voro. ¹⁶ Nisakanany iaby gny nieritreritry hivarotry ampiangona ao. ¹⁷ Ka nampianariny gny olo hoe :'' Fa voasotry fa gny tranoko trano fivavaha ho an'ny tany iaby.'' Nefa lasa nataonareo tranon'ny mpangalatry. ¹⁸ Niren'ny mpisoro sy mpanoradalana ze nivolaniny iaby ka nila fomba amonoa Azy reo. Nataotry Azy reo satria lasa tian'ny olo I sy fampianarany. ¹⁹ Ka lafa avy gny tsofotrandro de lasa noly reo. ²⁰ Laha nadeha reo marandray iny, nahita an'ny hazo iny nalazo. ²¹ Nahatiro Petera laha nivola hoe :'' Mpampianatry, enteo moha! Nalazo hazo nozononao iny.'' ²² Namaly Jesosy hoe :'' Minoha an-Jagnahary.'' ²³ Volaniko anareo marina fa na iha na iha ro mivola amin'ny tendrobohitry ito hoe :'' Mifindraha andriaky any.'' Laha manam-pinoa i de ho tanterain-Jagnahary zay.'' ²⁴ Dikan-izay de, ²⁵ lafa mangataky amin-Jagnahary nareo, de ataovo hoe fa azonareo zay ka ho tanterahiny marina tokoa. Ka mitana halaelo amign'olo nareo lafa mivaka mba ho ambelan-Jagnahary koa gny fahotanareo. ²⁶ Fa laha tsy mamototry gny fahota koa nareo de tsy ho abototrin' Babanareo andanitry ao koa gny fahotanareo.'' ²⁷ Lasa nandeha Jerosalema ndraiky reo. Laha nandehandeha tam-piangona tao Jesosy, nisy lohandoahan'ny mpisoro, mpanoradalana, loholo nananto Azy. ²⁸ Nivola taminy reo hoe :'' Fahefa baka aia azonao anaova raha manahakan'ireny?'' ²⁹ Nivola tamin-dreo Jesosy hoe :'' Hametrako fanontania raiky eky nareo.'' Volano amiko de ambarako aminareo koa hoe fahefa bakaia azoko anaova an'ireny. ³⁰ Baka amin'ny batisa nataon'i Jaona sa baka amin'olo?'' Valinareo aho. ³¹ Nandiniky reo sady nialy no sady niteny hoe :'' Laha mamaly tsika hoe baka andanitry'', de hiteny I hoe :'' Manino moha nareo ro tsy mino?'' ³² Laha mamaly koa tsika hoe :'' Baka amin'olo,....'' Nataotry an'olo teo reny reo fotony Jaona mpaminany marina. ³³ Namaly farany reo hoe :'' Tsy hay nay.'' Namaly amin'izay koa Jesosy hoe :'' Zaho koa tsy hivola hoe fahefa baka aia nanaovako an'ireny.''