¹ Sady lafa nahavita reo safa reo Jesosy, niala ta Galilia I, sady nandeha amy gny faritr'i Jodia zay tany andafy gny renirano gny Jordana. ² Vahoaky maro ro gnanaraky Azy,ka nanandranga azy reo tany I. ³ Gnamondry Azy fariseo reo, nitsapa Azy, nivola taminy hoe: "Ara-dalana ho agny lehilahy va gny misaraky amy gny valiny noho izay mety ho antony iaby?" ⁴ Jesosy namaly sady nivola hoe: "Tsy novakianareo va fa I zay gnanao azy reo tamy gny volahoany ro gnanao azy reo ho johary sy ampela? ⁵ I zay gnanao azy reo ro nivola koa hoe: 'Fa noho izay antony izay ro hanenga gny babany sy neniny gny lehilahy ka hikamba amy gny valiny, sady hanjary nofo raiky rozy roa?' ⁶ Ka tsy ho roa koa reo, fa ho vata raiky avao. Ka izay nakamba Andraignanahary, aoky tsy hisy hanasaraky." ⁷ Hoy I tamy ndreo hoe: "Nahoa zao Mosesy ro mandidy anay hanome taratasy fannamaria mpisaraha sady bakeo hampoly azy?" ⁸ Hoy I tamy ndreo hoe: "Fa gny hamafisan-po gnareo amy gny valinareo, fa tamy gny voalohany ro tsy zay ro fomba. ⁹ Volaniko agnareo, gna ia gna ia misaraka amy gny valiny, afa-tsy noho gny fijangajanga, ka manambaly hafa, manitsakitsaki valy; sady gny johary manambaly ampela zay fa nisaraky valy ro mijangajanga." ¹⁰ Reo mpianatry nivola tamin'i jesosy hoe: "Laha izay ro petraki gny lehilahy amy gny valiny, tsy soa gny manambaly." ¹¹ Fa Jesosy nivola tamy ndreo hoe: "Tsy gny olo iaby ro afaky manenky izay fampianara izay, fa reo izay nenga hanenky izay avao. ¹² Fa misy reo ionoka zay fa manahaky anizay baka an-kibon-drenin-dreo, sady misy reo ionoka zay nataon'olombelo, sady misy reo ionoka zay manao gny gnainy ndreo ho ionoka noho gny fanjaka gny lanitry. I zay afaky mandramby izay fampianara izay, ao I handray izay." ¹³ Bakeo gnisy zaza maliniky sasantsasany nandesy taminy teo mba hametrahany tagna an-dreo ka hivavaky, fa nivola mare azy reo mpiantry regny. ¹⁴ Fa hoy Jesosy hoe: "Engao gny zaza maliniky, sady ka rara reo hamondry Ahy, satria gny fanjaka gny lanitry ro manahaky azy reo." ¹⁵ Gnapetrany teo amy reo zaza reo gny tanany, sady bakeo niala teo I. ¹⁶ Indroy, gnisy lehilahy gnamondry agn'i Jesosy sady nivola hoe: "Mpampianatry, ino ro raha soa tsy maintsy ataoko mba hahazoako gny fiaina mandrakizay?" ¹⁷ Jesosy nivola taminy hoe: "Manino anao ro manonatany momba izay soa aty amiko? Raiky avao ro soa, fa laha te hililtry agny amy gny fiaina anao, tandremo reo didy." ¹⁸ Hoy gnazy lehilahy taminy hoe:" Didy ino?" Ka hoy Jesosy hoe: "Ka mamono olo, ka mijangajanga, ka mangalatry, ka mety vavolombelo diso, ¹⁹ hajao gny rainao sy gny reninao, sady tiavo gny mpiara-belo aminao manahaky gny vatanao." ²⁰ Gnazy kidabo nivola taminy hoe: "Fa nenkeko iaby izay raha iaby izay. Ino ro mbo ilaiko?" ²¹ Jesosy nivola taminy hoe: "Laha maniry gny ho soa mare iha, mandehana, avilio izay anananao,sady omeo gny mahantra, ka hana harea an-danitry agny iha; sady avia,manaraha Ahy." ²² Fa lafa nandre zay safan'i Jesosy gnazy kidabo igny, niala tamy gny alahelo I, satria gnana fanana maro. ²³ Hoy Jesosy tamy reo mpianatry hoe: "Volaniko marina aminareo, sarotry ho agny gny mpanakarea gny hilitry gny fanjaka gny lanitry. ²⁴ Sady mbo volaniko aminareo ndraiky, mora mare ho agny gny rameva gny militry amy gny forim-panjaitry noho gny idira gny mpanakarena ao amy gny fanjakan-Dragnahary." ²⁵ Lafa nahare izay reo mpianatry, tandre tokoa ka nivola hoe: "Ia zany ro afaky ho vonjena?" ²⁶ Gnijery azy reo Jesosy sady nivola hoe: "Amy gny olo ro tsy hay atao izay, fa amin-Dragnanahary gny raha iaby ro azo atao." ²⁷ Bakeo Petera namaly sady nivola hoe:" Ntoy, nenganay gny raha iaby sady gnanaraky Anao zahay. Ino zao ro ho azonay?" ²⁸ Jesosy nivola azy reo hoe: "Volaniko marina aminareo, amy gny vanim-potoa vaovao lafa mipetraka amy gny seza fiandriagna gny voninahiny gny Agnak'olo, hipetraky eo amy gny seza fiandriana roa ambiny folo avao koa gnareo zay gnanaraky Ahy, hitsara reo foko roa amby gny folon'Israely. ²⁹ Gny olo iaby zay nanenga trano, rahalahy, anabavy, baba, neny, agnaky, gna tany noho gny agnarako, ro handramby mahery zato mare sady handova fiaina mandrakizay. ³⁰ Fa maro reo zay volaohany ho lasa farany, sady gny farany ho voalohany.