¹ Paoly, Apostoly, tsy Apostoly baka ami'gny olo na baka ami'gnolo fa baka amin'i Jesosy Kristy Ndragnahary Baba, zay niongaky tamin'gny maty, ² voho reo rahalahy miaraky amiko amin'gny fiangona Galatiana: ³ Fahasoavan-dongonareo voho gny fiadagna ho any Ndragnahary, ⁴ ze nagnolotry gnainynoho gny fahotantsika amin'izao andro raty iaignantsika zao arakin'gny sitrapon-Ndragnahary Babantsika, ⁵ ho Azy gny voninahitry mandrakizay doria Amena. ⁶ Tseriky zaho fa niala nalaky tamin'gny fahasoavan'i Kristy nareo. ⁷ Tsy midika zay fa misy filazan-tsara hafa, fa misy olo maromaro manday fikorontagna hoanareo sady te hagnova gny filazantsaran'i Kristy. ⁸ Fa ndra zahay ndre gny anjely baka agny an-dagnitry aza ro mitory gny filazantsara hafa ankoatry gny nitorianay taminareo, ka engao i mba ho voahozo. ⁹ Fa nivola zahay taloha fa mbo ho volagninay avao henaniky zao hoe:" Laha misy magnambara gny filazantsara hafa tamin'gny raiky fa norambesindreo ro ho voahozo i." ¹⁰ Moa va zaho henaniky zao mila gny fagnekea baka amin'gnolo sa baka amin-Dragnahary? Fa laha zaho ro mbo manohy mampisinisiny gnolo ro ho lasa mpanompon'i Kristy. ¹¹ Fa teako hohainareo rahalahiko, fa gny filazantsara ze nambarako ro tsy filazantsara gny olombelo. ¹² Tsy nandramby any raha zay zaho, ndre nampianary ahy raha zay. Fa, raha zay ro nivolagnin'i Kristy Jesosy tamiko. ¹³ Kasanareo soa gny fiaignako taloha tamin'gny fagnenjehako voho gny fomba nagniagnako gny fivavaha Ndragnahary sady fa mandilatry gny raha tokony hatao gny ezaky nagnenjiky voho nandrava azy . ¹⁴ Niroso zaho tamin'gny fivavaha gny Jiosy sady nandilatry tamin'ireo ze nitovy tao tamiko voho tana raiky fiavia amiko sahala gny fomba nitandrako gny fomban-drazako ¹⁵ Kanefa mikaiky ahy tamin'gny alala gny fahasoavany, fa i misinisiny nagnato gny anaky lahiny tamiko mba hagnambara azy amin'gny Jentilisa, ¹⁶ ka tsy nieritreritry gny nofotry voho gny lio zaho. ¹⁷ Tsy nandeha Jerosalema amin'ireo Apostoly nimpoly tagny. ¹⁸ Ka telo tao tafara taty, niakatry gny Jerosalema aho mba hifankahay tamin'i Kefasy, ka nijano niaraky taminy tagnaty gny dimy ambin'ny folo andro. ¹⁹ Fa tsy nisy hitako Apostoly reo afa tsy i Jakoba, rahalahin'ny Tompo. ²⁰ Ka amin'ny azy soratako ho anareo, laha manome toky anareo aho alohan-Dragnahary eto, fa tsy mavandy aho. ²¹ Bakeo nandeha aho tamin'ny tanin'i Siria sy Kilikia. ²² Mbo tsy nihay tamy gny fiangonan'i Jodia amin'i Kristy aho. ²³ Re ndreo avao ny vosafa hoe :'' Gnazy johary raiky nanindy antsika taloha iny, enaniky io i lasa manambara gny finoa nitiany nivonoa.'' ²⁴ Baka amin'izay, laha nidera an-Dragnahary reo antony baka amiko.