¹ Noho izay, satria zahay io ro mana ny asa fagnompoa izay, sady vo nahazo famindram-po, ka tsy kivy zahay. ² Fa koa, nandavanay ireo fomba mahamegnatsy voho navony. Tsy mivelo amy ny fitaky zahay, sady mampiasa raha marina ny safan-Driagnanahary. Amy ny fagnatoroa ny marina. Zahay ro mibaiko ny vatanay amy ny feo ny fieritsereta ny olo mba handesy eo imason'Andriagnanahary. ³ Fa laha voatako ny filazantsaranay, izay ho voatako amy ny zay maty avao. ⁴ Amy ny raha mitranga amy ndrozy reo, ny Andriagnanahary zao raha iaby zao ro mahajiky ny say zay tsy mino an-dreo. Vokatry zay tsy afaky ny fahazava ny filazantsara ny voninahitry i Kristy ndreo, zay sorak'Andriagnanahary. ⁵ Fa zahay tsy manambara ny vatanay ,fa i Kristy Jesosy manahaky ny Tompo,sady ny vatanay manahaky ny mpanomponareo nnoho amin'i Jesosy. ⁶ Fa Andriagnanahary dia gnazy raiky zay nivola hoe: "Ny fahazava hamiratry ao amy ny haiziky." I namiratry tao am-ponay mba hanome ny fahazava ny fahalala ny voninahitry Andriagnanahary eo amy ny fagnatrehan'i Jesosy Kristy. ⁷ Fa zahay mana harena zay ao anaty tavoara tany mpotaky, mba hazava ka ny hery bevata mihoatry lavitry dia nany Ndragnahary fa tsy gnanay. ⁸ Ampahoria amy ny fomba maro zahay, fa tsy resy. Tsobo hevitry zahay fa tsy hatriky fahafoizam-po. ⁹ Enjehy zahay fa tsy nenga. Vonoy zahay fa tsy rava. ¹⁰ Manday eo amy ny vatanay ny fahafatesan'i Jesosy Kristy avao izahay, amin'izay ny fiainan'i Jesosy avao ro miseho eo amy ny vatanay. ¹¹ Izahay zay velo dia manday avao amy ny vatanay ny fahafatesan'i Jesosy, amy zay ny fiainan'i Jesosy hiseho eo amy ny vatanay olombelo. ¹² Noho zay ny fahafatesa dia miasa ao amintsika fa ny fiaina miasa ao aminareo. ¹³ Fa zahay mana ny fanahy ny finoa mitovy araky zay voasoratry hoe: ¹⁴ "Nino zaho, ka nisafa zaho." Mino avao koa zahay, sady nisafa avao koa zahay. Hainay fa raiky zay nananga ny Tompo Jesosy ro hananga antsika avao koa miaraky amin'i Jesosy. Hainay fa handay anay miaraky aminareo ao amy ny fagnatrehany I. ¹⁵ Ny raha iaby dia ho anareo mba, araky ny fahasoava voaparitaky tamign'olo maro ro hitomboa ny fagnomezam-pisaora ao amy ny voninahitry Ndragnanahary. ¹⁶ Ka noho zay tsy ho kivy zahay, ndre malemy amonto aza zahay, ka havaozy isan'andro isan'andro ny ao anatinay. ¹⁷ Fa amy zao andro henaniky zao, ny fahoria maiva manoma anay ho amy ny lanja ny voninahitry maharitry mandrakizay zay mihoatry ny lanjany ny raha iaby. ¹⁸ Fa ntsika tsy mijery raha zay hita, fa reo raha tsy hita. Reo raha zay mety hitantsika ro tsy maharitry, fa reo raha zay tsy hita ro maharitry mandrakizay.