¹ Fa nanapa-kevitry gny tsy hagnato anareo indraiky ny vatategnako amy ny andro mpangirifiria. ² Laha niteraky alahelo amignareo zao, ia ro afaky mampisinisiny aminakay ankoatry ny raiky zay nofereko avao? ³ Nanoratry zago manahaky ny nataoko mba tsy ho voaferin'ireo zay tokony mampisinisiny ahy lafa avy agny aminareo. Izaho mana-fahatokisa gny aminareo iaby fa gny fisinisiniako, fisinisinia mitovy aminareo iaby. ⁴ Fa nanoratry ho anareo zaho baka aminy fahoria bevata, miaraky amy ny fangirifiria ny fo, sady miaraky amy ny ranomaso be. Tsy te ampalahelo anareo zaho, fa koa, te hampahay anareo ny alaliky ny fitiava zay agnanako ho anareo. ⁵ Laha nisy olo niteraky alahelo, tsy niteraky agny zay tamiko raiky avao I, fa amigny endriky hafa. Tsy hagnitara agny zay aminareo iaby. ⁶ Ampy ny fanasazia nataony maro an'isa io olo io. ⁷ Ka henaniky zao laha tokony ho faganasazia, gnareo tokony hamela heloky voho hampiogno azay. Ataovo zay raha zay mba tsy handipatry azy amy ny alahelo maro loatry. ⁸ Noho zay mankahery anareo zaho mba hampatandraky ampahibe maso ny fitiavanareo azy. ⁹ Izay ro antony nanoratako amy ny raha iaby aminareo mba hitsapako agnareo ary ahalalako na mankatoa amy raha iaby agnareo. ¹⁰ Laha mamela olo nareo, mamela agny olo zay koa zaho. Izay nengako__laha manenga ny raha iaby zaho__zay famelan-keloky zay ro fitiava anareo amy ny fanatrehan'i Kristy. ¹¹ Zay ro mba tsy hamitaha ny satana anay. Satria zahay ro mahay reo drafiny. ¹² Nisokatry ho ahy ny varavara tamy ny Tompo lafa avy tao amy ny tana be agn'i Troasy nivola ny fanambara soa agn'i Kristy tagny. ¹³ Na izay aza tsy nana fiadanantsay zaho, satria tsy nahita gny rahalahiko Titosy tagny. Ka noho zay, nagnenga andreo zaho sady nandeha nimpoly tagny Makedonia. ¹⁴ Fa fisaora ho an-Dragnanahary zay amin'i Kristy mitariky anay mandrakariva ao amy ny fandresea. Amy ny alala baka amintsika ro hanamparitaha ndre aia ndre aia ny hanitry mamy amy ny fahaiza azy. ¹⁵ Fa zahay ro hagnitry mamin'i Kristy an-Dragnahary na teo amy reo zay novonjeny voho teo amy reo zay ho maty. ¹⁶ Ho an'olo zay ho maty, zay ro hagnitsy baka amy ny fahafatesa. Ho agn'ireo sasany zay voavoanjy, dia hagnitsy baka amy ny fiaina ao amy ny fiaina. Ia ro mendriky amign'ireo raha reo? ¹⁷ Fa zahay tsy mitovy amign'ireo olo maro zay mivarotry gny safa Ndragnanahary mba ahazoany tombony. Fa koa amy ny fahadiovam-po ro hiresahanay amin'i Kristy satria nalefa baka amy Ndragnahary zahay, tao amy fahitan'Andriagnanahary.