¹ Paoly, Apostoly raiky gny Jesosy tamy gny sitrapon-Dragnahary, sy Timoty rahalahintsika, ho agny ny fiangona Ndragnahary zay ao amy ny Korinto, sady ho agny reo mpino iaby manera gny faritry Akaia. ² Ho amy gnareo gny fahasoava sy ny fiadana baka amy Ndragnahary Babantsika sy Tompo Jesosy Kristy. ³ Ho deray agne Andriagnanahary sy Baba gny Tompontsika Jesosy Kristy. I ro Baba gny Famindram-po sy Andriamanitry ny fampionona iaby. ⁴ Ndragnahary dia mampiono antsika amy gny fahoriantsika iaby, ka mba hahafahantsika mampiono reo zay ao agnaty fahoria. Ntsika ro mampiono reo hafa manahaky gny fampionona gnazy nampiasan'Andriamanitry ampionona antsika. ⁵ Fa manahaky ny hitimboa gny fiajalia ny Kristy noho ny aminay, no hitoboa gny fampionona anay koa amy gny alala gn'i Kristy. ⁶ Ka laha nampahoria zahay, izay ho agny gny fampionona sy famonjea agnareo. Sady laha nampionony zahay, izay ho agny ny fampionona anareo. Ny fampionona ro mandaitry lafa manam-pahareta hizara reo fijalia zay mitovy amy gny fijalianay koa. ⁷ Fa fahatokisanay momba agnareo fa azao antoky, satria zahay ro mahay fa gnareo koa mizara reo fijalia, gnareo koa mizara fampionona. ⁸ Fa tsy tianay nareo tsy ahay, ry rahalahy, gny amy gnareo gny olana nahazo anay tagny Asia. Zahay novesary mihoatry amign'izay tokony ho zakanay, maro loatry ka tsy nanantena hiaigna ela tokoa zahay. ⁹ Teo aminay vatany gny fagnameloha ho faty. Fa zay nahavy anay tsy hametraky gnty tokinay eo amigny tegnanay avao fa amy Ndragnahary zay mampitsanga ny maty. ¹⁰ Nagnavotry anay tamy ny loza mahafaty manahaky an'izay I, sady mbo hagnavotry ndraiky. Zahay mbo mametraky gny tohiny taminy fa mbo hagnafaky anay ndraiky I. ¹¹ I hanao agny zay satria nareo manampy anay amy gny alala ny vavaky gnareo. Sady maro bakeo gny hagnome fisaora amy ny anaranay noho gny tombo mpahasoava nomea anay tamy ny alalan'ireo vavaky maro. ¹² Zahay mirehareha amy zao: fijoroa vavolombelo gny amy ny feo ny fieritseretanay. Fa tamy ny fikasa malio voho fahatsotram-po zay baka amy Ndragnahary zay nanday ny vatanay ao amy zao tontolo zao. Zahay nahavita raha iaby zay sady anakabeazany niaraky taminareo__tsy tamy ny fahendrea ny zao tontolo zao, fa tamy ny fahasoava Ndragnahary. ¹³ Zahay tsy nanoratsy raha tsy ho voavavaky na tsy ho azonareo. Zaho manantena fa, ¹⁴ satria gnareo nahazo ny momba anay amy ny ampahany, zahay ro ho antony rehareha gnareo amy ny andro ny Tompontsika Jesosy, manahaky anareo ho antony hireharehanay. ¹⁵ Satria natoky ny momba izay zaho, ka te ho agny aminareo aloha, mba hahafahanareo mahazo tombony amy ny fisafoha roa. ¹⁶ Nioma ny hisafa agnareo lafa safa amy ny alalako ho any Makedonia zaho. Bakeo mbo nagniry ny hisafa agnareo ndraiky zaho tamy diako baka any Makedonia, sady mbo hanatera gnareo ahy amy ny liako ho agny Jodia bakeo. ¹⁷ Lafa nieritreritry manahaky anizao zaho, nisalasala va zaho? Nanoma reo raha reo araky gny nofo va zaho, mba ivolanako "Eka, eka" voho "Tsia, tsia" amigny andro raiky avao? ¹⁸ Fa satria Ndragnahary matoky, antsika tsy afaky gny hivola na "Eka " na "Tsia." ¹⁹ Fa gny anak'Andriagnanahary, Jesosy Kristy, zay nitorian'i Sylvanosy, Timoty sy zaho taminareo, dia tsy "Eny " na "Tsia." Fa I nisafa avao hoe "Eny." ²⁰ Satria gny fampanantenagn'Andriagnanahary iaby dia "Eny" iaby ao aminy. Ka amy ny alalany koa tsika hisafa hoe "Amena" ho agn'ny voninahitry Ndragnahary. ²¹ Andriagnanahary zay mampatandraky anay aminareo ao amy ny Kristy sady I nagniraky antsika . ²² I nagnisy tombokase tamintsika sady nanome gny Fanahy ho ao am-pontsika ho antok'izay mbo ho amemy antsika lafa afara ao. ²³ Fa nikaiky an'Andriagnanahary zaho, hitsaga vavolombelo ho ahy zay antony tsy niaviako tao Korinto mba hamindrako fo amignareo. ²⁴ Izay tsy sanatria noho zahay miezaky gny mamehy zay tokony ho finoanareo. Kanefa, zahay miara miasa aminareo amy ny fisinisinianareo, satria gnareo mijoro ao amigny finoanareo.