¹ Lafa misy raiky aminareo amana aly amy raiky hafa, hasaky handeha agmy fitsara amy mpitsara tsy mpino va i, fa tsy amindreo mpino? ² Va tsy hainareo va fa reo mpino ro hitsara agny tany iaby zao? Laha zay, nareo ro hitsara agny tany iaby zao, moa tsy mahavita mandamy raha maliniky va nareo? ³ Va tsy hainareo va fa hitsara reo anjely tsika? Manao akory, roho zay, gny abevata gny fahafantsika mitsara reo raha amy ty fiaina ty? ⁴ Laha ohatsy ka afaky mitsara gny raha gnazy misy isanandro iha, manino iah ro mametraky karaza ndraha manahaky zay amy reo gnazy tsinotsino amy fiangona? ⁵ Hamenatsy anareo ro hivolanako agn'izay. Va tsy mba misy ampy fahihira na taha raiky aza aminareo handamy gny tsy fifankazaoa amy mpirahalahy? ⁶ Fa koa, misy mpino raiky mandeha mifanatsiky amy mpino hafa amy fitsara, sady zay raha zay laha hapetsaky amy mpitsara gnazy mpino! ⁷ Gny fisia gny aly amindreo kristiana iaby laha fa faharesea ho andreo sahady. Fa tsy aleo va mijaly amy fahadisoa? Fa tsy aleo va ambela ho voafitaky gny tenanareo? ⁸ Fa nareo laha mandiso ndraiky mamitaky reo hafa, sady laha rahalainareo avao reo! ⁹ Moa va tsy hainareo fa gny tsy marina laha tsy handova gny Fanjaka Ndragnahary? Ka mino vandy. Reo vetaveta, reo mpanompo sampy, reo mpijangajanga, reo johary mpivaro tena, reo gnazy miaraky matory amy samy johary, ¹⁰ reo mpangalatsy, reo tsy mahay gny ampy, reo mamo lava, reo mpanaraty, reo mpagnavony - tsy misy amindreo handova gny fanjaka Ndragnahary. ¹¹ Manahaky zay gny sasy aminareo. Fa voadio nareo, nahamasiny nareo, sady voamary tamy Ndragnahary nareo tamy agnara gny Tompo Jesosy Kristy ndraiky tamy Fagnahy Ndragnaharintsika. ¹² ''Gny raha iaby laha ara-dily amiko,'' fa tsy gny raha iaby ro mahasoa. ''Gny raha iaby laha ara-dily amiko,' fa tsy ho andevoziny raiky amireo aho. ¹³ ''Gny hany laha ho agny sarotso, sady gny sarotso natao ho agny hany,'' fa Ndragnahary laha tsy ampisy andreo roa. Gny vata laha tsy natao ho agny fijangajanga. Fa koa, gny vata laha natao ho agny Tompo, sady gny Tompo laha hagnome ho agny vata. ¹⁴ Ndragnahary laha fa nananga gny Tompo sady hananga antsika amy tanjakiny koa. ¹⁵ Moa tsy hainareo va fa gny vatanareo laha ratsa gny vatan'i Kristy? Ka ho andesiko va zany reo ratsam-batan'i Kristy sady hanambatsy azy amy mpivarotsy tena?Tsy hisy anie izany! ¹⁶ Moa tsy hainareo va fa gnazy mitambatsy amy mpivarotsy tena laha manjary nogo raiky aminy? Manahaky gny voasafa gny Soratsy Masina hoe: ''Ho nofo raiky avao reo roa.'' ¹⁷ Fa i gnzy mitambatsy amy Tomo laha manjary raiky Aminy. ¹⁸ Hialao gny fijangajanga! Gny fahota iaby hafa gnazy atao gny olo laha hafa gny tena, fa gny olo mpijangajanga laha manota ho amy tenany avao. ¹⁹ Moa va tsy hainareo fa gny vatanareo laha tempoly gny Fagnahy Masina, gnazy mipetraky agnatinareo, gnazy azonareo baka amy Ndragnahary? Moa tsy hainareo va fa tsy anareo gny tenanareo. ²⁰ Roho zay laha mankalaza an-Dragnahary amy tenanareo. Noho izany dia mankalazà an' Andriamanitra amin'ny tenanareo. [Fanamariha: Ireo dika-teny taloha sasany dia mivaky toy izao hoe: "Noho izany mankalazà an'Andriamanitra amin'ny tenanareo sy amin'ny fanahinareo, izay an' Andriamanitra." Fa ny dika-teny tsara indrindra dia tsy mivaky toa an'io.]