¹ Enaniky zao mampahatiaro anareo aho, lehy reo, gny amy filazantsara gnazy nambarako taminareo, gnazy nirambesinareo ndraiky gnazy itsangananareo. ² Baka amy zay filazantsara zay ro hanavota anareo, laha mitazo mare amy gny safa nitoriako taminareo nareo, laha tsy hoe ninonino fatany. ³ Fa nameako raha bevata voaloany ho anareo gnazy voarambiko avao koa: fa maty ho agny fahotantsika Kristy araky gny Soratsy Masina, ⁴ sady nalevy I, sady I laha natsanga tamy maty tamy andro fahatelo araky gny Soratsy Masina. ⁵ Kristy laha niseho tany Kefasy, sady bakeo tamindreo roa amby gny folo; ⁶ baka eo laha niseho ndraiky mandeha tamindreo lehy mihoatsy gny dimanjato I. Mbo velo gny akamaroa ndreo reo, fa gny sasany laha maty. ⁷ Bakeo I niseho tamy Jakoba, bakeo tamindreo apostoly iaby. ⁸ Farany mare, laha niseho tamiko I, manahaky gny hoe tamy zaza teraky tsy tsy tonga volana. ⁹ Fa zaho ro kelikely aminireo apostoly. Zaho tsy mendiky gny akea hoe apostoly fotony nania gny fiangona Ndragnahary aho. ¹⁰ Fa roho gny fahasoava Ndragnahary ro naha zao ahy, sady tsy rava gny fahasoavany amiko ato. Fa koa, niasa mare roho reo iaby aho. Nefa tsy zaho zay, fa gny fahasoava Ndragnahary gnazy amiko. ¹¹ Roho zay na zaho na reo, araky gny nitorianay laha araky zay ninoanareo. ¹² Enaniky zao laha nambara fa Kristy laha natsanga tamy maty, manao akory ro hafaha gny sasany aminareo mivola fa tsy misy fitsangana amy maty? ¹³ Nefa laha tsy misy gny fitsangana amy maty, laha tsy natsanga koa Kristy; ¹⁴ sady laha tsy natsanga Kristy, laha rava gny fitorianay, sady rava koa gny finoanareo. ¹⁵ Ka, laha hita ho vavolombelo diso mahakasiky an-Dragnahary zahay fotony nitsanga vavolombelo nohitsy an-Dragnahary, nivola hoe natsangany Kristy lafa tsy nanao agny zay i. ¹⁶ Laha tsy natsanga gny maty, laha na Kritsy aza tsy natsanga; ¹⁷ sady laha tsy natsanga Kristy, laha rava gny finoanareo sady laha mbo amy fahota nareo. ¹⁸ Sady gnazy maty amy Kristy laha fa very avao koa. ¹⁹ Laha amy fiaina ty avao koa ro anagnantsika fahatokisa amy hoavy amy Kristy, laha tsika ro mampalahelo mare amy olo iaby. ²⁰ Fa enaniky zao fa natsanga tamy maty Kristy, gnazy voaloany vokatsy ndreo gnazy maty. ²¹ Fa fotony baka amy olo raiky gny fahafatesa, laha baka amy olo raiky avao koa ro niavia gny fitsangana amy maty. ²² Fa manahaky gny nahafatesa gny iaby tamy Adama, laha ho velomy amy Kristy avao koa gny iaby. ²³ Kanefa samy amy filaharany manoka gny kirairaiky: Kristy, gnazy voalohany vokatsy, sady baka eo reo gnazy agny Kristy laha hatao velo amy farany. ²⁴ Bakeo laha ho avy gny farany, lafa hamean'i Kristy ho an-Dragnahary Baba gny fanjaka. Zay laha lafa tsy hampisy gny lily iaby ndraiky gny fahefa iaby sady gny tanjaky I. ²⁵ Fa tsy maintsy manjaka I mandra-pametrahany gny fahavalony iaby ambany tombokiny. ²⁶ Gny fahavalo farany ho haringa laha gny fahafatesa. ²⁷ Fa ''Napetrakiny tambany tombokony iaby gny raha iaby.'' Fa nambara: ''I ro nametraky gny raha iaby,'' laha mazava soa fa tsy tafilitsy agnatign'izay gnazy raiky nametra gny raha iaby haenky gny tenany. ²⁸ Lafa manenky Azy gny raha iaby, laha gny Agnaky mihintsy ro hanenky gnazy raiky nampanenky gny raha iaby ho Azy. Hiseo zay mba iaby ho amy iaby gny Ndragnahary Baba. ²⁹ Na koa ino ro ialy reo gnazy vita batisa ho agny maty? Laha tsy natsanga mihitsy gny maty, manao akory reo ro natao batisa ho andreo? ³⁰ Manao akory zany, tsika ro ambava gny loza isandera. ³¹ Magnatriky fahafatesa isanandro aho! Zay laha azo antoky manahaky gny fieboeboako gny aminareo, gnazy azoko amy Kristy Jesosy Tompotsika. ³² Ino ro tombony azoko, baka amy fomba manenty gny olombelo, laha niady tamin'ny biby tao Efesosy aho, laha tsy natsangana gny maty? "Ao tsika hihina ndraiky hisotro fotony ho faty tsika hamaray." ³³ Ka mety ho fitaha hoe: ''Manimba say soa gny mana raty.'' ³⁴ Mandiniha! Miay ampamarina! Ka manoy manota! Fa gny sasany aminareo laha tsy mana fahaiza an-Dragnahary. Mivolana agn'izay amy fahamenaranareo aho. ³⁵ Fa gny olo hivola hoe: ''Manao akory nanangana gny maty, sady amy karazam-bata ino ro hiaviandreo?" ³⁶ Tsy mahay ndra ino ndra ino nareo! Gnazy ambolenareo laha tsy hanomboly hitombo laha tsy maty zay. ³⁷ Gnazy nambolenareo laha tsy gny vata gnazy ho avy, fa voa avao. Zay laha mety ho lasa vary na raha hafa. ³⁸ Fa home Ndragnahary azy gny vata araky gnazy filiany, sady amy vatany iaby gny voa kirairaiky. ³⁹ Tsy gny nofo iaby ro mitovy. Fa koa, raiky gny nofon' olombelo, laha hafa gny nofondreo biby, sady nofo hafa gny andreo voro, sady hafa gny agny hazandrano. ⁴⁰ Misy avao koa reo vata agny andanitsy ndraiky reo vata an-tany eto. Fa karaza raiky avao gny vonignaitsy gny vata agny andanitsy sady hafa gny vonignaitsy gny antany eto. ⁴¹ Raiky gny vonignaitsy gny masoansro, sady hafa gny vonignaitsy gny volana, sady vonignaitsy hafa gny andreo kintana. Fa gny kintana raiky miavaky amy kintana raiky hafa amy vonignaitsy. ⁴² Manahaky zay koa gny fitsangana amy maty. Gnazy ambolea laha mety simba, sady gnazy atsanga laha tsy mety simba. Ambolea tamy fafambaraka zay; laha natsanga ambonignaitsy. ⁴³ Ambolea tamy fahalemea zay; laha natsanga amy tanjaky. ⁴⁴ Ambolea amy vata voajagnahary zay; laha atsanga ho vata ara-pagnahy. Laha misy vata voajagnahary, laha misy vata ara-pagnahy avao koa. ⁴⁵ Sady fa voasotratsy avao koa fa: ''Lasa fagnahy velo Adama gnazy johary voalohany'' gnazy Adama farany laha nanjary fagnahy manome fiaina. ⁴⁶ Fa tsy ara-pagnahy ro avy voalohany fa gny voajagnahary, sady bakeo gny ara-pagnahy. ⁴⁷ Gny olo voaloany laha baka amy tany, namboary tamy vovoky. Gny olo faharoa laha baka agny andanitsy. ⁴⁸ Manahaky gnazy raiky namboary tamy vovoky, manahaky zay koa gnazy olo agny andanitsy, sady manahaky zay avao koa reo gnazy baka agny andanitsy. ⁴⁹ Manahaky gny nandaisantsika gny tareny gnazy olo gny vovoky, laha handay gny tare gny olo gny lanitsy avao koa isika. ⁵⁰ Sady zao ro ambarako, lehy reo, fa gny nofo amy lio laha tsy afaky gny handova gny fanjaka Ndragnahary. Na gnazy nety simba handova gnazy tsy mety simba. ⁵¹ Intoy! Raha marina mivony ro ho ambarako anareo hoe: Tsy ho maty iaby tsika iaby, fa hoavay iaby tsika iaby. ⁵² Hiova tsika amy fotoa raiky, agnaty gny fotoa tsy hita, amy trompetra farany. Haneno gny trompetra, sady reo maty laha hitsanga ho tsy mety lo, sady laha hovay tsika. ⁵³ Fa ty vata mety simba ty laha tsy maintsy hitafy izay tsy mety lo, sady ity vata mety maty ity laha tsy maintsy hitafy gny tsy fahafatesa. ⁵⁴ lafa manao gny tsy mety simba ty vata mety simba, sady lafa manao gny tsy fahafatesa ty gny vata mety maty ty, laha ho avy amy gnazy safa gnazy voasoratsy hoe, ''Voately tamy fandresea gny fahafatesa.'' ⁵⁵ ''Nao fahafatesa, aia gny fandresenao? Nao fahafatesa, aia gny fitsoboanao?'' ⁵⁶ Gny fahota fitsoboa gny fahafatesa, sady gny tanjaky gny fahota laha gny lily. ⁵⁷ Fa isaora Ndragnahary, gnazy manome antsika gny fandresea baka amy Jesosy Kristy Tompotsika. ⁵⁸ Roho zay, lehy tiako reo, mifatora soa mare sady ka miozongozo. Miroboroboa fatsatsy amy asan'ny Tompo, satria fantatrareo fa tsy very maiky gny asanareo amy Tompo.