¹ Mitadiava fitiava sady magnana zotom-po amindreo fanomezam-pagnahy, ndrindra amy haminaniareo. ² Fa gnazy mivola amy fiteny tsy hay laha tsy miresaky amy olo fa amy Ndragnahary. Fa tsy misy mahazo azy fotony miresaky raha mivony amy Fagnahy i. ³ Fa gnazy maminany laha miresaky amy olo mba ho andamina andreo, hampirisia andro, sady fampionona andreo. ⁴ Gnazy mivola amy fiteny tsy hay laha mametraky gny tenany, fa gnazy maminany laha mananga fiangona. ⁵ Enaniky zao laha maniry anareo iaby hivola amy fiteny tsy hay aho. Fa mbo mihoatsy roho zay aza, maniry Aho gny haminanianareo. Gnazy maminany laha bevata mare roho zay mivola amy fiteny tsy hay (raha tsy hoe misy olona iray mandika teny ka mba mety hiorenan'ny fiangonana). ⁶ Fa enaniky zao, lehy reo, laha avy aminareo amy fiteny tsy hay aho, ino ro tombotsoa omeko anareo amy zay? Tsy afaky aho, laha tsy hoe miresaky aminareo amy fanambara, na fahaiza, na faminania, na fampianara. ⁷ Laha mamoaky feo reo raha maneno tsy manan'ay—manahaky gny sodina na lokanga—sady tsy mamoaky lantom-peo samihafa reo, manao akory ro hahaiza gny olo gnazy melodia aboaky gny sodina na gny lokanga? ⁸ Fa laha manao feo hafahafa gny tompetra, manao akory ro hahaiza gny olo lafa fotoa hiomana amy gny aly? ⁹ Ka manahaky zay koa gny aminareo. Laha tsy mazava gny sada aboaky gny vavanareo, manao akory ro hahaiza gny olo gny volaninareo? Hivola nareo, sady tsy hisy hahazo anareo. ¹⁰ Misy fiteny maro samihafa amy zao tany iaby zo, sady tsy misy amy reny ro tsy misy dikany. ¹¹ Fa laha tsy mahay gny dika gny safa raiky aho, laha ho vahiny amy zay mivola, sady mivola ho vahiny amiko. ¹² Manahaky zay avao koa gny aminareo. Fotony maniry fatsatsy gny fihetseha gny Fagnahy nareo, laha magnana zotom-po mba hiroborobo amy fanorena gny fiangona. ¹³ Roho zay gnazy mivola amy fiteny tsy hay laha tokony hivavaky mba hafany mandika teny. ¹⁴ Fa laha mivavaky amy fiteny tsy hay Aho, laha mivavaky gny fagnahiko, fa gny saiko tsy mamoa. ¹⁵ Ino ro tokony ataoko? Hivavaky amy Fagnahiko aho, fa hivavaky amy saiko avao koa. Hihira miaraky amy Fagnahiko aho, sady hihira miaraky amy saiko avao koa. ¹⁶ Lafa tsy zay, laha midera an-Dragnahary miaraky amy Fagnahy nareo, manao akory ro hivolana gny vahiny hoe ''Amena'' lafa manome fisaora iha laha oatsy ka tsy hainy gnazy volaninao. ¹⁷ Fa iha laha tena manome fisaora soa avao, fa gny olo hafa tsy miory. ¹⁸ Misaotsy an-Dragnahary aho fa mivola amy fiteny tsy hay mioatsy roho nareo iaby. ¹⁹ Fa ampiangona laha aleoko mivola teny dimy araky gny fazaoako mba hafako mampianatsy reo hafa, manahaky gnazy mivola ray aly amy fiteny tsy hay. ²⁰ Nao lehy reo, ka mba zaza amy fihevitsy nareo. Fa koa, laha amy raty, laha manaova manahaky gny zaza. Fa amy fihevitsy nareo laha ao ho matotsy nareo. ²¹ Ao amy lily laha voasoratsy hoe: ''Baka amy olo hafa safa ndraiky baka amy somy gny vahiny laha hiresaky amy reto olo reto aho. Na taha tsy hare Ahy aza reo,'' hoasa gny Tompo. ²² Roho zay reo fiteny tsy hay laha famantara, tsy amy reo mpino, fa amy reo tsy mpino. Fa gny faminania koa laha ho famantara, tsy ho andreo tsy mpino, fa ho andreo mpino. ²³ Roho zay, laha oatsy ka, miaraky mivory gny fiangona iaby sady mivola amy fivola tsy hay iaby, sady militsy reo vahiny ndraiky tsy mpino, tsy ho volanindreo fa adala va nareo? ²⁴ Fa laha naminany iaby nareo iaby ka nisy tsy mpino na vahiny nilitsy, laha ho resy lahatsy amy zay iaby reny i. Ho tsaray baka amy zay raha voavola i. ²⁵ Ho ambara gny tsiambaratelo ampony. Vokatr'izy, handoaliky i sady hidera an-Dragnahary. Hanambara i fa tena amy nareo eo Ndragnahary. ²⁶ Ino zany ro manaraky, lehy reo? Lafa tafiaraky nareo, gny kirairaiky laha mana salamo, fampianara, fanambara, fiteny tsy hay, na fandikan-teny. Ataovo gny raha iaby mba hanamboara nareo fiangona. ²⁷ Laha misy mivola amy fiteny tsy hay, ambelao hisy roa na farafamarony telo eo, sady mandeha kirairaiky, bakeo laha tokony hisy raiky handika gny teny gnazy voavola. ²⁸ Fa laha tsy misy mpandika teny, ambelao gny kirairaiky amindreo hitazo fahangina ampiangona. Ambelao gny kirairaiky hiresaky amy tenany ndraiky amy Ndragnahary. ²⁹ Ambelao gny mpaminany ro na telo, sady ambelao reo hafa hijanjy amy fahaiza manavaky gny voavola. ³⁰ Fa laha misy fahita omea gnazy mipetraky amy fanompoa, ambelao hantsitsiny gnazy raiky mivola. ³¹ Fa gny kirairaiky aminareo laha afaky mifandimby maminany mba hafany kirairaiky mianatsy sady mba hatanjaky gny iaby. ³² Fa gny fagnahindreo mpaminany laha ambony fanara maso ndreo mpaminany. ³³ Fa Ndragnahary laha tsy Ndragnahary gny fikorotana, fa gny fiadana. Zay ro fitsipiky ho andreo fiangona ndreo mpino iaby. ³⁴ Gny ampela laha tokony hitazo fahangina ampiangona. Fotony tsy mahazo alala hivola reo. Fa koa, tokony hanenky reo, manahaky gny ambara gny lily. ³⁵ Laha misy iriandreo hianara, avelao hanontany gny valiny antrano reo. Fa mahamenatsy ho agny ampela gny mivola ampiangona. ³⁶ Baka aminareo va ro niaviany safa Ndragnahary? Nareo raiky va ro voakasikin'izay? ³⁷ Laha misy mieritseritsy gny tenany ho mpaminany na amy fagnahy, laha tokony hanenky i fa reo raha gnazy soratako aminareo laha lily gny Tompo. ³⁸ Fa laha misy tsy manenky agny zay, laha aleo i tsy henkea. [Fanamariha: Ny ankamaroan'ny dikan-teny, ao anatin'izany ny ULB sy UDB, dia mamaky hoe: "Fa raha misy tsy manaiky izany, dia aoka tsy ho ekena izy." Ny dikan-teny sasany taloha manao hoe: "Fa raha misy tsy mahalala izany, dia aoka izy tsy hahalala izany."] ³⁹ Ka amy zay, lehy reo, maniria fatsatsy gny haminany, sady ka mandrara ndra iha ndra iha hivola amy fiteny tsy hay. ⁴⁰ Fa ambelao gny raha iaby atao araky gny tokony ho i ndraiky ampilamina.