¹ Ary nitare za, naren'Andriamanitra ma ny ôlony? Sagnatre ane zany. Fa za iany kô de Israelita, taranak'i Abrahama, avy amin'ny fokon'i Benjamina. ² Andriamanitra de tsy nagnary ny ôlony, ze efa fantany takeo alô. Tsy fantatrareo ma ze vôlazan'ny Soratra Masina momba an'i Elia, de le fitaraignany tamin'Andriamanitra namely an'Israely? hoe: ³ Tompo, zareo de namono reo mpaminagninao, namotika ny alitaranao. Za raika sisa tavela, ary mifofo ny aignako zareo. ⁴ Fa ino no valin-teny nilazain'Andriamanitra an'azy? "Nanokana fito arivo lahy ho an'ny tegnany Za ze tsy nandoalika takeo amin'ny Bala. ⁵ De ôtrizany amin'zao ankehitriny izao iany kô de misy sisa iany nony fisafidianana amin'ny fahasoavana. ⁶ Fa ra avy amin'ny fahasoavana zany, de tsy avy amin'ny asa intsony. Fa ra zany de tsy fahasoavana intsony ny fahasoavana. (Fagnamarihina: Ny antontan-taratasy sasagny talô de mivaky hoe: "Kanefa ra avy amin'reo asa izany, de tsy fahasoavana intsony; fa ra izany de tsy asa intsony ny asa.") ⁷ Ino ary? Ny ra ze nikaran'Isiraely, de tsy azony, fa ny vôfidy no nahazo izany, ary namafisina reo ambiny. ⁸ Zany de araka ny efa vôsoratra hoe: Andriamanitra de nagnome an'azy 'reo ny fagnahin'ny fitavozavozana, maso tsy haitan'jareo, ary sofina tsy handregnesan'jareo, mandraka gniany." ⁹ Ary ozy Davida hoe: "Ôka ny latabany ho harato sy fandrika, ho vato mamingana sy ho valifaty ho an'azy reo. ¹⁰ Ôka ny mason'jareo homaizigna mba tsy hatazagna, ary ôka hiondrika mandrakizay ny lakamosin'jareo". ¹¹ De oza za hoe: "Mo ma tafitona reo mba ho lavo?" Sagnatre ane zany. Fa kosa, avy amin'ny fahavalon'jareo, no nahatongavan'ny famonjena takeo amin'reo Jentilisa, mba hampialona an'azy 'reo. ¹² Ary raha ny fahavalon'jareo no haren'izao tontolo izao, ary raha ny fahaverezan'jareo no haren'reo Jentilisa, de magnano aona ny halehiben'ny fahatanterahan'jareo? ¹³ Fa ankehitriny de mikoragna aminareo Jentilisa za, ary raha mbôla apostolin'ireo Jentilisa za, de mankasitraka ny fanompoko. Angamba hampialona reo ze avy amin'ny nofoko manokana za. ¹⁴ Angamba hamonjy ny sasagny amin'jareo tsika. ¹⁵ Fa raha midika fampihavanan an'izao tontolo izao ny fandavana an'azy 'reo, de ino no handraisana an'azy 'reo izany fa fiaignana avy amin'ny fafatesana? ¹⁶ Raha vôtokona ny vokatra vôlôny, de ny ampany amin'ny kobam-bary kô. Raha vôtokany ny fakany, de ôtran'zany kô ny rantsagny ¹⁷ Fa raha notapana ny rantsana sasagny, ary raha anao, sampagna olivadia,no natambatra takeo amin'jareo,ary raha nifampizara tamin'jareo ny faka-mamokatry ny kakazo oliva anao, ¹⁸ aza mirearea amin"reo sampagna. Fa raha mirearea anao, de tsy anao no mitondra ny fakany, fa ny fakany no mitondra anao. ¹⁹ De hiteny anao hoe: "Nitapana hiala reo rantsagny mba hafahako mifandray amin'azy". ²⁰ Marina zany. Nony tsy finon'jareo de notapana hiala zareo, fa nareo de mijoro tsara nony finonareo. Aza magnano ny tegnanareo ho ambony, fa matahôra. ²¹ Fa raha ny tegna sampagna aza tsy navelan'Andriamanitra, de tsy ho avelany iany kô anao. ²² Ary, tazano, ny famoram-po sy ny fahasaro-pon'Andriamanitra. Akeo andagniny, ny fasaro-po de tonga amin'reo Jiosy ze lavo. Fa aketo ankilany kosa, ny hatsaram-pagnan'Andriamanitra de tonga aminareo, raha maharitra akao amin'ny hatsaram-pagnahiny anareo. Fa raha tsy zany de ho tapahina kô anareo. ²³ Ary na ireigny aza, raha tsy manoy amin'ny tsy finony zareo, de hatambatra. Fa Andriamanitra de afaka mamerigna manambatra an'azy 'reo ndré. ²⁴ Fa raha notapana tamin'ny kakazo oliva-dia anareo, ka natambatra tamin'ny kakazo oliva tsara, de salany akory ny foaran'ny habetsak'reo Jiosy, ze sampagna vôjagnahary, natambatra tamin'ny kakazo olivan'jareo manokana? ²⁵ Fa tsy teko tsy hafantatra anareo, ry ralà, ny amin'zany ra-miafina izany, mbô tsy haha-hendry anareo amin'ny eritreritrareo manokana. Zany ra-miafina zany de efa nahamafy lô ny ampany amin'Isiraely, mandra-piavin'ny fafenoan'reo Jentilisa. ²⁶ Nony zany de ho vonjena avokoa ny Isiraely daôly, araka ny vôsoratra hoe: "Hivôka avy aigny Ziona ny mpagnafaka. Hangala ny haratsiam-pagna amin'i Jakoba Izy, ²⁷ ary zany no ho fanekem-pihavanako amin'jareo, rafa hangala ny fahotan'jareo Za." ²⁸ Amin'ny lafiny raika makasika ny filazantsara, de fahavalo zareo nony aminareo. Amin'ny lafiny raika hafa araka ny safidin'Andriamanitra, de malala zareo nony reo razagna. ²⁹ Fa reo fagnomezana sy antson'Andriamanitra de tsy miova. ³⁰ Fa anareo de tsy nankatô an'Andriamanitra talô, kanefa amin'zao fotona zao anareo de nandray ny famindram-po nony tsy fankatoavan'jareo. ³¹ Ôtran'zany iany kô, amin'zao fotona zao 'reo Jiosy de tsy nagneky. Ny vokany de tamin'ny alalan'ny famindram-po ze nabôgna anareo no mety handraisan'jareo ny famindram-po iany kô amin'zao fotona zao. ³² Fa Andriamanitra efa nagnidy ny tsy fankatoavana rehetra, mba afahany mampibôgna famindram-po amin'ny daôly. ³³ Endrey, ny halaligny 'reo aren'ny fahendrena sy fahalalan'Andriamanitra! Tsy takatry ny saigna reo fitsarany, ary reo lalany de tsy hay refesina! ³⁴ "Fa iza no nahalala ny fihevitry ny Tompo na iza no tonga ho mpanolo-tsigna an'Azy? ³⁵ Na iza no nagnome ra an'Andriamanitra alô, ka tsy maintsy hanoneran'Andriamanitra an'azy ndre?" ³⁶ Fa avy Amin'Azy sy amin'ny alalany ary an'Azy ny ra daôly. Ho Azy mandrakariva ny voninahitra.Amena.