¹ Netare tamin'ny fagnoharana tamin'jareo ndray Jesosy, nagnano hoe: ² "Ny fanjakan'ny Lagnitra de mitovy amin'ny mpanjaka ze nagnomagna fagnasana amin'ny fampakaram-bady ho an'ny zanagny là. ³ Nagniraka reo mpanompony agnatso reo ze nahazo fagnasana hagnatrika ny lanonam-pampakaram-bady izy,fa tsy nety ho avy zareo. ⁴ Nandefa reo mpanompony hafa ndray ny mpanjaka, magnano hoe: Ilazao reo ze nasaina hoe: "Tazagno, efa nokarakaraiko ny sakafoko. Efa novonoko ny aomby sy ny zanak'omby nafako, ary efa vonona ny ra-daôly. Tongava akao amin'ny lanonam-pampakaram-bady." ⁵ Saingy tsy naôny zareo ary lasa nande, ny raika namonjy ny tahiriny, ny hafa tamin'ny asa fivarotana. ⁶ Reo sasagny nisambotra reo mpanompon'ny mpanjaka, nagnala baraka an'azy reo, ary namono an'azy reo. ⁷ Sosy ny mpanjaka ka nagniraka reo miaramilany, ary namono mpamono ôla reo zareo, ary nandoro ny tanànany. ⁸ Avy akeo nitare tamin'reo mpanompony izy hoe: 'Efa vonona ny fampakaram-bady, fa reo ze nasaina no tsy mendrika. ⁹ No zany mandana eigny sampagnan-dalambe ary magnatsova ôla betsaka araka ze tazagnareo ho akao amin'ny lanonam-pampakaram-bady.' ¹⁰ Nande nivôka taigny amin'ny lalam-be reo mpanompo ary nanambatra ny ôla daôly ze tazan'jareo, na ny tsara na ny ratsy. No zany de feno vahiny le efi-tragno geda nisy ny fampakaram-bady. ¹¹ Fa rafa niditra ny mpanjaka mba hijery reo vahiny, de natazagna leila tsy nitafy akanjo fitondra amin'ny fampakaram-bady izy. ¹² Niteny taminy ny mpanjaka hoe: 'Ry sakaiza, ahôna no idiranao ato tsy miaraka amin'ny fitafy fitondra amin'ny fampakaram-bady?' Fa tsy nahateny le leila. ¹³ Avy akeo niteny tamin'reo mpanompony ny mpanjaka hoe: 'Fehezo ny tagnany sy ny tongotr'ity leila ty, ary atsipazo aigny amin'ny maizina aigny ivelany izy, aigny no misy fitomaniana sy fikotriha-nify.' ¹⁴ Fa ôla betsaka nantsoina, nefa vitsy no ho voafidy. ¹⁵ Avy akeo nande reo Fariseo ary nagnomagna ny fomba mety hamandrina an'i Jesosy amin'ze noteneniny. ¹⁶ Avy akeo niran'izy reo ankaigny Aminy reo mpianatr'izy reo, niaraka tamin'reo Herodiana. Niteny tamin'i Jesosy zareo hoe: "Ry mpampianatra, fantatray fa marina Enao, ary mampianatra ny lalan'Andriamanitra amin'ny marina. Tsy miraraha ny hevitry ny hafa Enao, ary tsy mijery vilagna. ¹⁷ No zany lazao aminay, ino ny hevitrao? Ara-dalàna ma ny fandoavan-ketra aigny amin'i Kaisara sa tsia?" ¹⁸ Nefa azon'i Jesosy ny faratsen'reo ka nitare hoe: "Naôgna no mitsapa Anà nareo, ry mpetsaravelatsy? ¹⁹ Atoroy Anà ny farantsa amin'ny hetra." Avy akeo nitondra denaria takeo aminy zareo. ²⁰ Ozy Jesosy tamin-jareo hoe: "An'iza ty sary sy agnarana ty?" ²¹ Nitare taminy zareo hoe: "An'i Kaisara." Avy akeo Jesosy nitare an'azy reo hoe: "Omeo an'i Kaisara reo ze an'i Kaisara, ary an'Andriamanitra reo ze an'Andriamanitra." ²² Rafa nareigny zany zareo, de gaga. Ary niala takeo Aminy zareo ka nande. ²³ Tamin-zay andro zay iany ny Sadoseo sasagny, reo ze nilaza fa tsisy fitsanganana amin'ny maty, nagnatona an'Azy. Nagnotany an'Azy izy reo, ²⁴ nagnano hoe: "Ry mpampianatra, Mosesy nitare hoe: 'Raha maty ny ôla, tsy manan-janaka, de tokony hanambady ny vadiny ny ralàny ary hanan-janaka ho an'ny ralàny. ²⁵ Nisy mpiralà fito. Nanambady ny vôlôny ary maty avy akeo. Lasa tsy namela zanaka, navelany ho an'ny ralàny ny vadiny. ²⁶ Avy akeo nagnano ra mitovy amin'zay ny farôy, avy akeo ny fatelo, ôtran-zany fôgna hatrany amin'le ralàny fafito. ²⁷ Tafaran'izy daôly reo, de maty le vevavy. ²⁸ Ary amin'ny fitsanganan'ny maty, ho vadin'ze amin'reo mpiralà fito izy? Fa efa nanambady an'azy izy daôly reo." ²⁹ Fa namaly Jesosy ary nitare an'azy reo hoe: "Diso nareo, satria tsy mafantatra ny Soratra Masina na ny herin'Andriamanitra. ³⁰ Fa amin'ny fitsanganan'ny maty de sady tsy hanambady izy reo no tsy amena ampakarina. Fa kosa, sahala amin'reo anjely aigny an-dagnitra. ³¹ Fa makasika ny fitsanganan'ny maty, mbola tsy novakinareo ma ze nolazain'Andriamanitra taminareo, magnano hoe: ³² 'Za no Andriamanitr'i Abrahama, Andriamanitr'Isaka, ary Andriamanitr'i Jakoba'? Andriamanitra de tsy Andriamanitry ny maty, fa an'ny velona.' ³³ Rafa nareigny zany reo vahôka, de gaga tamin'ny fampenarany. ³⁴ Fa rafa reign'reo Fariseo ny nampanginan'i Jesosy ny Sadoseo, de niara-nivondrony zareo. ³⁵ Ny raika tamin'jareo, mpahay lalàna nametra-panontanina taminy, naka fagna an'Azy hoe: ³⁶ "Ry mpampianatra, iza no le geda indrindra amin'ny didy akao amin'ny lalàna?' ³⁷ Nitare tamin'azy Jesosy hoe: "Tiavo amin'ny fonareo daôly, amin'ny fagnanareo daôly, ary amin'ny sainareo daôly ny Tompo Andriamanitrareo." ³⁸ Zany no didy gedabe sy vôlôny. ³⁹ Ary ny didy faroey de salan-zany iany: "Tiavo ny mpiara-belona aminareo ôtran'ny tegnanareo.' ⁴⁰ Amin-reo didy ro reo no iankinan'ny lalàna magnontolo sy reo mpaminagny." ⁴¹ Ary raha mbola niara-nivondrogna reo Fariseo, de nametra-pagnontanena an'azy reo Jesosy. ⁴² Ozy Izy hoe: "Ino no eritreritrareo momban'i Kristy? Zanaka làn'iza Izy?" Nitare taminy reo hoe: "zanak'i Davida." ⁴³ Ozy Jesosy tamin-jareo hoe: "Nagnino ary Davida mipetra akao amin'ny Fagna no magnantso an'Azy hoe Tompo, magnano hoe: ⁴⁴ 'Ny Tompo nitare tamin'ny Tompoko hoe:' Mipetra akeo amin'ny tagnan'ankavanako, mandra-pagnôko ny favalonao ho fipetran-tongotrao?' ⁴⁵ Raha Davida aza magnantso an'i Kristy hoe: 'Tompo,' de ino no ma-zanak'i Davida an'Azy? ⁴⁶ Tsisy navaly an'Azy tamin'ny teny, ary tsisy ôla sahy nametra-pagnontanena hafa tsony nanomboko tamin'zany andro zany.