¹ Fa ny fanjakan'ny lagnitra de salan'ny tompon-tany ze nande ampôlakeka be hagnarama mpiasa ho an'ny tanim-bôlobony. ² Rafa avy nifagnaraka tam'reo mpiasa izy fa ho denaria raika isan'andro ny karaman-jareo, de nalefany taigny amin'ny tanim-bôlobony zareo. ³ Nivôka dre izy tamin'ny ora fahatelo ary natazagna mpiasa hafa nitsangatsangana takao an-tsena. ⁴ Ozy tamin-jareo hoe: "Anareo kô, mandiana ankaigny amin'ny tanim-bôloboka, ary ze an-keviny marina de ameko an'nareo". Ka nande niasa zareo. ⁵ Mbôla nivôka ndre izy teo ho eo amin'ny ora fahaenina ary kô tamin'ny ora fahasivy, ary nagnano ôtran'zany fôgna. ⁶ Tamin'ny ora faharaikambefolo de nivôka ndraika kô izy ary natazagna mpiasa hafa nitsangatsangana. Ozy izy tamin-jareo hoe: "Magnino anareo no mitsangana aketo magnalin'andro?" ⁷ Ozy zareo tamin'azy hoe: "Tsisy ôla magnarama zahay." Ozy tamin-jareo hoe: "Anareo iany kô mandiana aigny amin'ny tanim-bôloboka." ⁸ Rafa tonga ny hariva, de niteny tamin'ny mpitandrin-draharahany le tômpon'le tanim-bôloboka hoe: "Antsovo reo mpiasa ary aloavo ny karaman-jareo, manomboka avy aigny amin'ny farany mankaigny amin'ny vôlôny." ⁹ Rafa tonga reo mpiasa ze nalaina tamin'ny ora faha raikambefolo, de nahazo denaria raika isanisany avy zareo. ¹⁰ Rafa tonga reo mpiasa vôlôny, de nagnantegna fa ahazo mohôtra zareo, kanefa zareo iany kô de nahazo denaria raika isanisany avy. ¹¹ Rafa nahazo ny karamany zareo, de nitaraigna momba anle tômpon-tany zareo. ¹² Ozy zareo hoe: "Reo mpiasa farany de niasa adiny raika fôgna, nefa nampitovizinao taminay zareo, zahay ze tegna niasa mafy nagnalin'andro sy niharitra haign'andro. " ¹³ Fa namaly le tômpon-tany ka nitare tamin'ny raika tamin-jareo hoe: "Ranamana, tsy magnano ra tsy manjary aminao za. Tsy denaria raika ma no nifagnaranao taminà? ¹⁴ Raiso ze an'nao ary mandiana mande. Za de nifidy ny hagnome ho an'reo mpiasa nokaramaina farany ôtran'nao kô. ¹⁵ Tsy manan-jo hagnano araka ze teko amin'ny ze anà ma za? Se mialona ma anareo satria malala-tagnana za? ¹⁶ Ka ny farany de ho vôlôny, ary ny vôlôny ho farany." [Fanamarihana: Ny dikan-teny talô tsara ndrindra de mangala ny hoe: "Maro no nantsoina fa vitsy ny vôfidy."] ¹⁷ Raha hande ho aigny Jerosalema Jesosy, de niaka reo rômbefolo takeo agnilany Izy, ary taigny an-dalana Izy nitare tamin-jareo hoe: ¹⁸ "Indro, hiakatra ho aigny Jerosalema tsikana, ary ny Zanak'Ôla de hatolotra akeo amin'ny lôhan'ny mpisorogna sy reo mpagnora-dalàna. Zareo de hagnameloka an'Azy ho faty ¹⁹ ary hanolotra an'Azy am'reo Jentilisa mbô himehezana, ho karavasina, ary hagnombôna an'Azy amin'ny hazofijaliana. Fa amin'ny andro fahatelo de hatsangana ndre Izy." ²⁰ Avy akeo ny renin'reo zanaka lan'i Zebedio nagnantona an'i Jesosy niaraka tam'reo zanany. Niankohoka takeo agnatrehany izy ary nangataka ra avy tamin'Azy. ²¹ Ozy Jesosy tamin'azy hoe: "Ino irinao?" Ozy tamin'Azy hoe: "Mandidia mbô hioetrahan'reto zanako rô là reto, ny raika akeo an-tagnanao ankavagnana ary ny raika akeo an-tagnanao ankave, akao amin'ny fanjakanao." ²² Fa Jesosy namaly ary nitare hoe: "Tsy fantatrareo ny ra angatanareo. Afaka hisotro ny kapôka ze ho sotroko ma anareo?" Namaly zareo hoe: "Afaka zahay." ²³ Ozy tamin-jareo hoe: "Hisotro ny kapôkako tokôtra anareo. Fa ny hipetraka akeo an-tagnanko ankavanako sy ankaveko de tsy anjarako ny magnome an'zany, fa an'reo ze efa nomen'ny Raiko." ²⁴ Rafa nareigny an'zany reo mpianatra fololahy hafa, de sosy mafy tam'reo rôlà. ²⁵ Fa Jesosy nagnantso an-jareo hankeo amin'Azy ary nitare hoe: "Fantatrareo fa reo mpanapak'reo Jentilisa de hangeja an-jareo, ary reo leilà manan-danjan-jareo de hagnapatra ny faefany akeo amin-jareo. ²⁶ Fa tsy tokony ôtran'zany ny aminareo. Mifanohitra am'zany, n'iza n'iza magniry ny ho lehibe aminareo de tsy maintsy ho mpanomponareo, ²⁷ ary n'iza n'iza magniry ho lasa vôlôny akeo aminareo de tsy maintsy ho mpanomponareo, ²⁸ salan'ny Zanak'Ôla tsy tonga ho tompôna, fa hagnompo, ary hagnome ny aigany mbô ho vidim-pagnavotana ho an'ny daôly." ²⁹ Raha nivôka avy aigny Jeriko zareo, de vahôka betsaka no nanaraka an'Azy. ³⁰ Nisy lehilà jamba rôy nipetraka takeo amoron-dàlana. Rafa naregny fa nandalo Jesosy, de niaika mafy zareo hoe: "Tompo, Zanak'i Davida, mamindrà fo aminay." ³¹ Nibedy an-jareo reo vahôka, niteny an-jareo mbô hangina, kanefa vô mainka zareo niaikaika mafibe hoe: "Tompo, Zanak'i Davida, mamindrà fo aminay." ³² Avy akeo Jesosy nijanona ary nagnantso an-jareo sady nitare hoe: "Ino no irinareo ho ataoko aminareo?" ³³ Ozy zareo tamin'Azy hoe: "Tompo, mbô ahiratan'ny masonay." ³⁴ Avy akeo Jesosy, nangoraka, ka nikitika ny mason-jareo. Avy hatarigny de natazagna zareo ary nagnaraka an'Azy.