¹ Ireo raha momba an'Israely ireo ro noraisin'i Amosa, raika tamin'ireo mpiandry ondry ro tao Tekoa, tao amin'ny fanambarana. Nandray reo raha reo i tamin'ny andron'i Ozia mpanjakan'i Joda, ary koa tamin'ny andron'i Jeroboama zanaka lahin'i Joasy mpanjakan'Israely, roa taona mialohan'ilay horohorontany. ² Hoy i hoe: "Hierona hatagny Ziona i Yaveh; hampiakatsa ny feony hatagny Jerosalema I. Ho maina ny ahitrandreo mpiandry ondry; halazo ny tampon'i Karmela." ³ Zao ro lazain'i Yaveh hoe: "Noho reo fahotana telo nataon'i Damaskosy, eka, na efatsa aza, de tsa hanala ny sazy Aho, satria fitaovana vy ro nivelesindreo an'i Gileada. ⁴ Handifasako afo ny taranak'i Hazaela, ary handevona reo fiarovana mafin'i Beni-hadada Aho. ⁵ Ho tapahiko ny vy eo amin'ny vavahadin'i Damaskosy ary handringana ny liaka zay mitoatsa ao Bikata Avena Aho, ary koa ilay liaka zay mitagna ny tehim-panjakana ao Bet-Edena. Ny vahoakan'i Syria de handeha ho amin'ny fahababoana any Kira," hoy Yaveh. ⁶ Zao ro lazain'i Yaveh hoe: "Noho reo fahotana telo nataon'i Gaza, eka, na efatsa aza, de tsa hanala ny sazy Aho, satria nataondreo ho babo ny vahoaka aby, mba hanolorana andreo an'i Edoma. ⁷ Handefa afo amin'ireo rindrin'i Gaza Aho, ary handevona reo fiarovagna mafiny zay. ⁸ Ho aringako ilay liaka zay mitoatsa ao Asdoda sy ilay liaka zay mitagna ny tehim-panjakana hatagny Asklelona. Hanohitsa an'i Ekrona ny tagnako, ary ho faty reo Filistina tavela", hoy ny Tompo Yaveh. ⁹ Zao ro lazain'i Yaveh hoe: "Noho reo fahotana telo nataon'i Tyro, eka, na efatsa aza, de tsa hanala ny sazy Aho, satria nanolotsa aby manontolo ny vahoaka an'i Edoma reo, ary nandika ny fifanekem-pirahalahiandreo. ¹⁰ Handefa afo eo amin'ireo rindrin'i Tyro Aho, ary handevona reo fiarovana mafiny izay." ¹¹ Zao ro nolazain'i Yaveh hoe: "Noho reo fahotana telo nataon'i Edoma, eka, na efatsa aza, de tsa hanala ny sazy Aho, satria nanenjika ny rahalahiny tamin'ny sabatsa i ary nanary aby ny famindram-po. Ny hatezerana de nitohy ihany, ary naharitsa mandrakizay. ¹² Handefa afo eo Temana Aho, ary handevona ny palan'i Bozra izay." ¹³ Zao ro lazain'i YAveh hoe: "Noho reo fahotana telo nataon'ny vahoak'i Amona, eka, na efatsa aza, de tsa hanala ny sazy Aho, satria nanataka reo ampela bevoka tao Gileada reo, mba hanitarandreo ny faritaniny. ¹⁴ Handrehitsa afo eo amin'ireo rindrin'i Raba Aho, ary handevona reo lapa izay, miaraka amin'ny hiaka amin'ny andron'ny ady, miaraka amin'ny tafio-drivotsa amin'ny andron'ny tadio. ¹⁵ Handeha ho amin'ny fahababoana ny mpanjakandreo, i sy reo manam-boninahitsa," hoy Yaveh.