¹ Wankum, peagni ampfum agnu vim akug na wo. Jiagni gnugnun gnu ko olagni na Nkum le dzug. ² Tsugagni inagn ne bisamu. Yiagni n'oker ye kearakagni nsag na viye ya Nziam. ³ Sambilagni mpi djwi na su, djwa Nziam asengami mbug e ndong mpe e nkab oshong o diswekamo e Kristu. Djwi na nde, nde ngitshung ne bolog, nde ngitshung n'eshing. ⁴ Ye samagni djwi nji otuba nge esitubame djwi na ndong vii awo. ⁵ Kienagni na wagn etay e vear ali ampakana, ye oyavidisagni ntangu mpama ve. ⁶ Ntangu enkum, otuba ognu oyi na boboto. Tsugagni ivim okwa n'otuba djwi ojiagni oshin nge esikearagnu mvutu ya wur na wur. ⁷ Djwi na vii andir me, Tishikus asokabagninde. Nde ali otwung oso o ngagn, ali mon otshia owuo mpe mpika to mpfum n'otsia o Nziam. ⁸ Djwi na wo, s'emotum me etay e gnu djwi okabagni vii ankum aselirso n'ondu, mpe asiamisi itura ignu. ⁹ Ntatum wape, nde ti Onezimi, otwung o kieleka mpe o ngagn, eyi mon e wia gnu. Asokabagniwo vii ankum aleleg nendien. ¹⁰ Arisitarkus, ewur eme e bolog, atotumagmi mbea,oshin omog na Malako, otwung o Barnabasi eyokabagnime memen "Yug amiyia etay egnu, yamagninde," ¹¹ mbiy Yezu eviewo Yustus atotumagni ko mbea. Ne kati e Wayuda imikum akristu, ko wog wasar avear vear atsankie wame djwi na ekub e Nziam. Ansiamisikiwo ensign. ¹² Epafrasi atotumagni mbote. Ali mon gnu ye mpfum e Yezu Kristu. Ntangu enkum atsande ontsugagni ne bisamu djwi oyiagni biuu ne vii a Nziam ye ojiragni na nkie ntangu enkum vii aleang Nziam. ¹³ Yo yina, ndapea ntiegn djwi na nde, memen atsande nkie otshia biuu djwi na gnu, djwi na avear a Laodisea ti avear a Yeropolisi. ¹⁴ Luka, munganga esu e ngagn ti Demasi watotumagni mbea. ¹⁵ Peagni mbote ya atwung ali ne Laodisea ti Nimfa ti ya wakristu itsansambila n' evur ende. Yug omishiragni ntanga onkean one, tumagni onkean owo ko le evur e Nziam eli ne Laodisea mbiy gnu ko otangagni onkean omitumame Evur e Nziam e Laodisea. ¹⁷ Kabagni Arsipusi ngean : "Keba n'otshia eyopii Nkum, pea djung inkum n'otshia owo." ¹⁸ Ndopeagni mbea, mug Paulu, n'ewuo eme memie. Kanagni eshing eyintshung wo ne bolog. Ngrasya e Nziam eyi ya gnu.