¹ Opeane nda fugn amana m'eleangme onkian ozole djwi na mbiyi masonga e mpeve ngu. ² Djwi okanagni etuba y tubi nteang ba santu eyi ba profeta mpi okanagni onkwon, e nkum ti ngulusi esug n'embug wa ntomwa ignu. ³ Giagni aviara ngie two aya woo n'etshu e nsuka, aya ye wotwo ti akien woo oshino oleang mpuyi ewo wemien. ⁴ Mpi wa tuba:''elak e pinde ndi udine elekeyi wa tea esug e ndwo? wami wa kansi viya nkum emi sa tchik otin omok, bana ekiwo buu''. ⁵ Wami jing luzolo ewo, wo won olung ti buu iyum ne vayi ye mpi n'embug evayi, bana ntama ne mbug otuba e Nziam. ⁶ Eli n'embug e vimane buu e ntama a dini woo mpi awiwo. ⁷ Liragni, olung ti buu onkwon emog nagn ewa wum djwi na tshia:wa wa wum djwi la esue empum ewo ti ewa e viara pwo. ⁸ Amana m'eleang me opi fuetagni ndjing vim emog ene, djwi la Nziam esue mog eli kesi mvue iwug, mpi mvue i wug eli kesi esue emog. ⁹ Nziam a pitsho ngumela na nkukisa aleang nde otshuno tsa, mbanza aviara muu. Kansi atsa ndi nkung mingi djwi na gnu. Api leang wur awi, kansi aviara nkum wa tshim etu ra. ¹⁰ Kansi, esue e Nziam aya nde kesi wure wumu. Olung a lag woo n'ekur oyug vim olung ayawu tshia, buu ti vim a awo ayimonika wo n'evii y'aviar. ¹¹ Djwi vim ankum ame fuete ngua otshino nagn, wur otshino nge efuete gnu nzia? Ofuete na mpieragn ne bo santu mpi elani viya Nziam. ¹² Ofuete okungagni esue nziam, esue eyi olung ayibag woo tshia ti vim a woo a ya lunga woo na tshia. ¹³ Kansi oshino etelaki nde sikung; , olung empa ti buu empa ondag e masonga eyawo. ¹⁵ Ogniang, amana m'eleang me, otshino eyugagni gnu vim ane, kiagni enkum djwo okuanagni mpi ne ti ipwo n'eteang nde, yagni na ngemba na nde. ¹⁴ Veyagna okung e Nziam kesi evug egnu, kesi otshungu eleang sug Polo a fugn nde; otshono wagni opi wo. ¹⁶ Polo atubi viya a ne n'enkian nde enkum, leti eli na vii iyi mpayi djwi na ndja. Aviar epijia vii eyi mpi entwong pwo wale tshimi viya mu e otuba e Nziam, enagn enkum djwi n'ewa ewo we mien. ¹⁷ Djwi la woo, amana liang me, otshino jiagniviya ene ngamagn vii djwi okwon mvilagni djwa na oyang aviara apwo, asikum gnu mvidisa lukwikilu. ¹⁸ Kansi fuegn ne ngrasia ti na ndja nkum esug ti mobikisi Yezu Kristu n'ande eyi nkembo opeane ti ntangu enkum. Amen.