¹ Wa profeta oyagn ayiyu etay a viar, ye wa longi oyagn ayayia wo mpi etay e gnug. Ayijiewo n'oziy along oyiang mpi ayatun wo nkum ayalimi ne bompika. W'eling wadzag na kutulumukini. ² Avear entsin ayadjie wo mpuy iwo i djung, mpi ne mbug e wo mbug e masonga aya biya wo. ³ Ne mbug e mpuy wo, aya sadila wo gnug n'etub e wo oyang. Ewu ewo epa eli etey; nge bebisa ewo epa vwr luong. ⁴ Djuna ya Nziam aka wum wa wanjio eyikiy masumu, kansi, api nde na Tartarus djuna watshung n'eshing ne kati-Kati e mpib tii eshu ewu.( oluong emu watuba eyawu wo n'endi epwo tii n'ewu). ⁵ Diaka,akawum okir e ntiang, kansi awum nde Nowa, eyiyi longi e masonga, ndia viar ashambia amu, ntang eyi tum nde mvue enen n'okir e viar apwo. ⁶ Nziam mpi abag nde tshia vi enen e Sodomo na Gomoro mpi abag nde ewu djuna iwiy, djuna eyi mbanu e ewu e yayia n'aviar apwo. ⁷ Djuna via alir Lota wur e masonga, eyeyi kwon ngemba ntang enkum djuna epier e viar epidjiy enkwon ne luzingu epwo, Nziam ovunge nde. ⁸ Djuna wur e masonga enay eyi pieriki ndia wo nsuy nkum, ayindi na mpay n'etura ende djuna viy eyeniki nde n'eyug kinde. ⁹ Nziam ajia otin envug a viar a wuo ne mimekanoo, otin e ngumu viar apwo djuna wa viy ndola esuy ebag wo ewu. ¹⁰ Ene eli djwi djwi djuna viar afula na mpuy ipwo i djug mpi wapi djie. Wur eli n'enkum. Wali n'etura n'ete biu. Wapi yug wom na ntue viar a nkembo. ¹¹ Wa wanjio wali na biu ti wagni enen, kansi kakuwo n'etien ipwo djuna wo ne ntiang e Nziam. ¹² Kansi wagnam ene imikwon wagni wama ganga djuna watshung wadjag. Wapijia vum eletwiwo.Ayadja wo. ¹³ Ayavia wo lifuta etshia ewo epwo. Wa bansa wawun na mpia luzingu ne vim'asuu n'esui ofugn eliwuo. Watikum mbin mpi ipwo. N'yang ewu wali na kiese yu wali ne wafeti i gnug. ¹⁴ Viy awu eli ngiyuo na bifuanisu ankiara anduma; wapi lem nankie na masumu. Wale bine viar atofwui ne viy a Nziam n'etshia ewo ipwo, wali n'etura ileluli. Wali aman emishinga wo. ¹⁵ Wami sianga mbug ewo. Wamivila mpi wamidjie mbug e Balama, mon'e Beoro, elea mvia lifuti oyang. (oluong emu wuwone Balama, mon'e Bosoro). ¹⁶ Kansi oviy wo djuna disumu ende ndemie. Mpunda ebaba e wear eyitubi n'otuba e wur ashirinde ibuma e profeta. ¹⁷ Aviar ane wali kamsi itog ikwon vay. Wali kamsi mafuba emiviara opepe. Mpib enen eyakung. ¹⁸ Waya tuba n'omwong e mpama. Walebine viar ne mpuy iwo idjug. Walebine viar elekiy biu na nkim aviar apwo. ¹⁹ Waya laka bonsomi, kansi wemie wali wa mfum e viy apwo. Djuna wur ali mfum na viy ankum emognege. ²⁰ Wur enkum ekim ipwo i buu djuna ojia ngulusi Yezu Klistu, mbiy a kia ndog ne viy apwo, luzingu ende embiyi eya kum wo epwo kuluta eyi ntiang. ²¹ Ana yiawu wuo djuna wu wakwon njia mbug e masonga n'endie enjia mbiy nkea ntun enkwon e santu eyapiy wo. ²² Kingani ene eli djwidjwi djuna wo ''Mva akia nda ndwi inde. Ngulu eyiyog wo ekia ne ntebe''.