¹ Opean, djwi na eywe eyiywignu djwi na vii alir vim a nda to gnam indjag djwi na mpea na biteke : Silajia vii atsantuba vear ankum. Kansi yug obanzagni gnugnun olajiagni ensign, asikug gnu nkum lulendo kibeni. Kansi yug, ntangu eleang yie vear amuu, osadisa vear anagn na mbakisa biuu ne lukwikilu ewo. ² Masonga eli nde yug wur abanza ndenden ajia vii, asizangande bomikitisi etsa mpea mbug e ndjia vii. ³ Yug oleang Nzeam, Nzeam alojia. ⁴ Djwi na vii a nda gnam imidjag wo n'empeab e nzeam i biteke, asibaname na ngindu ine : amuu wuwun " ne buu opfugn kaku kibeni nzeam i biteke ve", ye kesi eyilong Moize ndenden "Eli ko na Nzeam emog". Yo yina, nzeam i biteke epa eli nzeam i kieleka ve ; epa eli wanzeam ili na luzingu e viavi ne vii ankum ve. ⁵ Kansi ndjia memen vear entsign atsawontuba wuwun wanzeam ti ankum wali entsign ne dzug ti ne buu ene - ye mpi eli na bikelamu entsign ili na biuu e kieleka kibeni. ⁶ Kansi ata ngwign, su situba ngean : " Eli na Nzeam k'emog, Tea Nzeam, na nde eyum vim ankum, mpe djwi na nde su sizinga. Ye eli ko na Nkum (Ngulusi) emog, Yezu Kristu ; eyikii nde vim ankum ayii, mpe ali wur eyisepii luzingu." ⁷ Kansi epa wur enkum wur ejia vii ane ve. Amuu akwikilikiwo nteang ne biteke, mpe , opean, yug wala gnam imidjag wo n'empeab e biteke, waleyen mpay wuwun walekwikili dyaka na nzeam e biteke. Walekabwani kati e ngindu ipe, ye walelem djung ne lukwililu ewo na Kristu, yo yina walebanzi wuwun walapea lukumu ya biteke ntangu elawo gnam iyidjag wo djwi na mpea na biteke iwo. ⁸ Sijia susun vim atsasu nda epitsu nkitula ve vear wuo to ipwo ne nteang e Nzeam. ⁹ Kansi djwi ili mfunu eli otwung yie ompeam to onkear ne Kristu. Osikug nda vim ankum, kansi opikug ndogo lukwikilu e vear amuu ve djwi yie osikug nda vim ankum. ¹⁰ Ojia yiyien biteke kakuwo na luzingu ve mpe kaku wur eyagangi ve. Kansi yug otwung yie ompeam to onkear epijia luswaswanu e wuo na ipwo wamoyen ola ne tempelo e biteke, asibansawo wuwun oyapea biuu e nkea mfukumuna biteke. ¹¹ Nsuka ewo eli nde yug otwung yie ompeam to onkear emikwon biuu esoyen yie ola okey omitambikawo ya biteke djwi ne mabansa iyie oli na nswa e nda esugn enagn, wo kakuwo n'oshin o nswa enagn ve - yie n'oshin osadila yie nswa enagn, asikug yie ndjag lukwikilu otwung yie djwi na nagn eyiwe Kristu. ¹² Yo yina, ntangu enkum epeayie kikesa ya atwung a yie ampeam ti ankear amikwon biuu na nkie vii ayi itura iwo ilakaba na nkwon nkie, olakie disumu ne nteang ewo. Okie ko disumu etay e Kristu. ¹³ Yo yina, yug otwung ome ompeam to onkear wapikug diaka nsadila Nzeam wuo ve djwi angyen wo nda vim emog, mpikug nda diaka osugn onagn ve. Mpikug ndeang ve nkie vim esikie nde atwung walog.