¹ Atwung ampeam ti ankear, ntun ajing gnu gnugnun antsur asu Wayuda aledjikiwo Nzeam eyatum na mpwe n'Egipiti mpe na nkien ne ngie i mafuba, abagwo nzei ekwi. ² Oshin oyiveysu mbotika ne dzin i Kristu, oshin ko aman Izrael aledjikiwo Moize oshin oledjikiwo Nzeam ne mafuba ti ne mbag nzei. ³ Aliwo wankum mana, oliu o kimpeve eyatumiki Nzeam yum dzug, ⁴ mpe agnwikiwo wankum vay a kimpeve eyapii Nzeam ntangu eyinag Moize n'itari. Itariwo aladjikinde. Mpe itariwo ayiwo Kristu. ⁵ Kansi Nzeam ayinde na nkier na vear amuu kati djwi asamikiwo wanzeam imuu mpe apiwo Nzeam okwongo. Yo yina s'ewiwo n'oshwi (ntoto ya kukawuka). ⁶ Vii ane asalamiwo ko djwi ekum mbandu djwi na su, oshin onay asikugsu ndonguka na nkwon ngya na mpuy ipwo kamesi eyi vear anagn na wo. ⁷ Ne kati antsur asu, amuu ko asambilikiwo biteke. Kamesi oshin otuba masonama wuwun " Vear agnemiwo djwi na nda, na gnwa mbiy s'ayimiwo djwi na nkagn. ⁸ Sikwon mpea djung ne kinduma oshin oyikii vear amuu ne kati ewo, mpe oyikii nde vear awugu omab n'isar awiwo n'eshuu emog djwi na kinduma ewo. ⁹ Sikwon mpukumuna Kristu kamesi eyikii amuu ne kati ewo mpe ayiwe na vin a ndjwa. ¹⁰ Oyabokutagni ve djwi na vii alir vim asikug mpea Nzeam oshin oyikii antsur asu mpe ayishiri wanzio na ndjag. ¹¹ Vii ane akum wo y'antsur asu djwi akum mbanu djwi na su mpe afugn wo n'enkean djwi asepii waagn, - su, vear azinga ne ntangu eyi okir oletsu na nsuka. ¹² Yo yina, ilong i nkir eli ngean : yug obansa yiyen oli biuu mpe atisatsiga yie ko biuu, yia na bokebi entsign, djwi asikug yie ndog. ¹³ Kaku mpukumuna emog ve emiveayie mpe emilenga biuu oyie o wur, djwi Nzeam epitsu ndjim ve apaleang ve nde ovii mpukumuna ilenga biuu oyie ; ne mpukumuna enkum, Nzeam asiyidikande mpila ompur djwi onungi mpukumuna ewo. ¹⁴ Yo yina, atwung ame a ngagn, luragni biteke. ¹⁵ Ntuba ma gnu kamesi vear alir na bokebi oshin ozingagnu, kamesi vear ayindula ne vii atubame nendien. ¹⁶ Ntangu egnwasu mbungu e vinu emisakumunasu, sikie ngagn n'alung a Kristu. Ntangu ebagsu mampa,, sikie ngagn ne djung i Kristu. ¹⁷ Djwi eli ko dimpa emog, kansi su,ata sili entsign, sikum sankum ko djung imog, ye su sankum asiveysu mpi asilasu ko dimpa emog enagn.