¹ Nkinzi wa pasa ye wa mampa malembua funusua wufueti kala landila lumbu yole. Zingudi za nganga ye mi nsoniki a tomba zi nzila mu kanga Yisu mu ngangu ye mu kumvondisa. ² Kadi avova: Mbadi vele malembua mu ntangua wanzikidi vo nuwalangani kayi kadi a kati kua nkangu ko ³ Kiena vo Yisu wakala ku Betani mu nzo a Simoni nkua wazi, nkento mosi wakota, wana ena va meza wasimba kinzu ki alabati, kia kala ye mazi ma nsunga ma nti wa nale ma ntalu beni, ye na kavula kinzu, wa vinza mazi ma nsunga ku ntu wa Yisu. ⁴ Ankaka akala vana a vuezila mu mpova zazi: Bila nki mu bunga mazi mama ma nsunga ? ⁵ Ngala mafueti tekua kuani mu nkama tatu za denali, ye vana zo kua amputu. Ye afibama ntima mu nkento wowo. ⁶ Kansi Yisu wa kamba: Nu nyambula. Bila nki nueti nku kuamisina? Maka mpengi mena ma mbote kua mono. ⁷ Kadi a mputu ena yeno ntangu ka ntangu ye nu lenda ku avangila mambote yonso ntangu eno yi nu zolele, kansi mono ka mena yame ntangu zawonso ko. ⁸ Vengi maka lendele mu vanga, yani ukikusidi mazi ma nsunga mu nitu ami mu nzikulu. ⁹ Ngieti dio kunu zayisa mu kedika vo konso kuana samunua nsamu wa mbote, mu nza yayo. Kimbangi kia nketo wawu kiena tatamana tewamu makavengi. ¹⁰ Yuda Iskalioti, i umosi mu kumi ye zole, wayenda kua zi ngunza za Nzambi mu ku ayekudila Yisu. ¹¹ Vo amana nku wa, akala kiese, ye ansila mu kumwana mbongo. Ye Yuda wa tomba mpusikila yi fuanakana mu nku yekula. ¹³ Kumbu kia ntete kia mampa malembua funisua, kia vondua muana meme wa pasa, minlonguki mia Yisu ankamba: Kueyi zolele tuena kuvubikila pasa? ¹² Ye wafila awole mu minlonguki miani, ye wa akamba: nuenda mu mbanza; muena mu mbanza;wana muntu neti mvungu a maza, nunlanda. ¹⁴ Konso ka fulu kikakotele, kamba kua nlongi anzo: Nlongi wavova: Kue kuena fulu ki ngiena dila pasa ye minlonguki miame? ¹⁵ Ye seka kunu songa suku dia ntandu dia dinenen diena ye meza ye mamo ma lunga: Ivovo va nuena kunkubikila pasa. ¹⁶ Minlonguki ayenda, aluaka ye awana mambu wonso wu akambulua mo, ye a kubika pasa. ¹⁷ Nkokila yafuana, waluka ye kumi ye zole. ¹⁸ Vo akala meza ye eti dia, Yisu wa vova ngieti kunu kamba mu kedika kiakio, mosi mu yeno, tueti dia yani va mosi, una ku ngiekula. ¹⁹ Atona mona kiadi, ye ankamb, ndu mosi ndu mosi: i mono? ²⁰ Wavana mvutu: I mosi mu kumi ye zole, seka tula yame vamosi koko mu longa. ²¹ Muana muntu seka kuenda wonso wu masonama mu yani. Kansi kiadi kua muntu ndioyo wena vo mu yani muana muntu seka yekudulua! diakutua luta mbote kua muntu wowo mu lembua wutuka. ²² Lokula ki akala dianga, Yisu wabonga dimpa ye vo kamana tonda Nzambi, wabukuna dio, ye wa avana dio, mu kamba vo: 'Nubaka, yayi i nitu ame". ²⁴ Wa vutuka bonga diaka nbungu; ye, vo kamona tonda, wa avana yo, ye anua yo yau awo. ²³ Ye wa akamba: Momo i menga mame, menga ma luwawanu, matenguka mu ayingi. ²⁵ Ngieti dio kunu kamba mu kedika, kiena vutuka nua diaka mbungu mia vinia ko, te ye lumbu ki ngiena utuka yo nua diaka mu kintuadi kia Nzambi. ²⁶ Ku nima ngimbudulu a minkunga, ayenda ku mongo a minti mia Olive. ²⁷ Yisu wa akamba: Se nu pamuka; kadi dia sonama: Ngina zuka mvungi, ye mameme mena muangana. ²⁸ Kansi landila mfulukulu ame, ngina kunu vutukila ku Ngalili. ²⁹ Petelo wankamba: Ntangu awo ena pamuka mono kiena pamuka ko> ³⁰ Ye Yisu wankamba: Ngieti ku kamba diaka i kedika, ngeye, wunu kiaki, mu fuku diadi kaka, ntete koko di kokola nkumbu zole, sku mvuakudila nkanu nkumbu tatu. ³¹ Kansi Petelo wavutuka kamba mu ngolo zazo: Vo mfuiti fua yaku vamosi, kiena vakula nkanu ko ye wowo avava mpila mosi. ³² Ayena diaka va fulu kibikuanga Ngetesemane, ye Yisu kembi kua minlongoki miani: Vuandeno vava, va ngina sambila. ³⁴ Wa baka Petelo, Yakobi ye Yoani, ye wa tona mona wonga ye kiadi kia yingi. ³³ Waku akamba: Muela ame wena kiadi nate ye mu lufua nukala vava ye nu kaya meso. ³⁵ Ye, ka pusa fioti va ntuala, wa yiveta va ntoto, ye wasambila, va dilendakana, lokula kiaki kia ntatukila. ³⁶ Wa vova: Abba, Tata, mamonsomamonso malendakene kua ngeye, umpengumunina mbungu yayi nseke! Kansi ka diambu ko, ka wonso wunzolele ko, kansi wonso wu zolele. ³⁷ Ye wavutukila kua kala minlonguki,mi kawana ku tulu, ye wavova kua Petelo: Simini lele! ku kunungini mu kaya meso vuidi lokula kamosi ko! ³⁸ Nu kaya meso, ye nu sambila, mpasi ka nuidi bua mu mpukumunu, mpeve yi zolele kuani, kansi nitu yena ya kindakana. ³⁹ Waywnda diaka nseke, ye vutukila lusambulu lolo. ⁴⁰ Wavtukisa ye wa awana diaka ku tulu, kadi mesi mau makala zitu, ka azaya mvutu afueti kunvana ko. ⁴¹ Wavutukisa nkumbu a ntatu, ye wa akamba: Nuleka wawu, ye nu vunda! I wowo! Ntangu i fueni, tala, muana muntu yekolo mu moko ma ankua masumu. ⁴² Nu telama, ntuendino, tala, ndioyo se kaku ngiekula weka lukufi. ⁴³ Ye vanavau, va kakala vovonga, va luaka Yuda umosi mu kumi ye zole, ye wakala ye kabu dia antu dia kala ye zimbele ye yibota, afilua kua zingudi za nganga, kua minsiniki ye kua zi ngudi za antu. ⁴⁴ Ndioyo fueti kungiekula waku avana dimbu: ndioyo ngiena fiba iyani ndioyo; nunkanga, ye nu toma nku nata. ⁴⁵ wana alueki, afinama kua Yisu, avova: Nlongi! Ye wanfiba. ⁴⁶ Antu ana atula moko mu Yisu, ye ankanga. ⁴⁷ Umosi mu akala vana, wabenda mbele, vazuka sadi kia ngudi a nganga, ye mwa zatuna kutu. ⁴⁸ Yisu wabaka mpova, wa akamba: Nueti kuiza, wonso kua kimpumbulu, ye zimbele ye yibota, mu kuizi kumbaka. ⁴⁹ Yakezi yeno lumbu yayonsono va kati kueno, yalonga mu kinlongo, ye ka nua nkanga ko. Kansi i mpasi vo masonukua malungana. ⁵⁰ Idina awo ansisa, ye asala tina. ⁵¹ Toko dimosi diantuenia diaku alandanga, wakala mu nitu ani nlele wu mosi kaka. Abuila yani. ⁵² Kansi waiunuka ye wasala ku asisila nlele ani, ye wazwula kinkonga. ⁵³ Anata Yisu kua mfumu a zingudi za nganga, i kuna kua kutakana ngudi zaznganga, akulutu ye minsiniki. ⁵⁴ Petelo waku alandanga nseke nate ye muna kati kia kinlongo kiambazi ankanu a ngudi anganga, wavuanda ye isadi yani, ye ayotila lukufi ye tiya. ⁵⁶ Zingudi zanganga ye awonsono azenganga mambu asosa kimbangi kia luvunu mu Yisu, mu kumvuandisa, kansi ka amona kio ko. ⁵⁵ Kadi ayingi avana yimbangi ya luvunu mu yani, kansi yimbangika ya dedakana ko ⁵⁷ Ankaka mu yau atelama, ye anata kimbangi kia luvunu mu yani, aova. ⁵⁸ Tua nkumwa vakavova: Ngina wula kinlongo kiaki kiasalua mu moko ma muntu, ye mu lumbu itatu ngina tunga kianka kina lembua salua mu koko kua muntu. ⁵⁹ kani nkutu mu diodio, kimbangi kiau kakia dedakaba ko ⁶⁰ Mbosi nkuluntu a zinganga za Nzambi, watalama va kati kua lukutakanu, wadia kuivu kua Yisu, ye wavova kueti vova kani diambu koe? Antu wowo mu ma eti vova mu ngeye? ⁶¹ Yisu wakala napi, ye kavutula dianbu ko. Nkuluntu a nudi za nganga wa dia diaka kuivu, ye wanvovisa: Ngeye i Klisto! Muana Nzambi wasokununua? ⁶² Yisu wavutula: I wowo ngiena, ye si nuamona muana muntu wavuanda va lubakala lua lulendo lua Nzambi; ye una kuiza va matuti me dizulu ⁶³ I dina mfumu a ngudi a nganga watenda inkuti yani, ye wavova: Nga tuena diaka nsotu a zimbangi? ⁶⁴ Nu wilu ntiankulu, nkinu benzi? Awo a nyekula mu kumvonda. Ye anjanga anlombudila mati, a nlueka zizi ye anzuka zi nkome, ye ankamba: Zoba zobai nani! ⁶⁵ Ye yisadi a lueka mu tezo kia ku nzuka zi mbata. ⁶⁶ Petelo va kakala va ndimba kianzola kia mbazi a nkanu, va yiza umosi mu isadi ya ankento ya mfumu a ngudi a nganga. ⁶⁷ Wamona Petelo wakala yotilanga, wantala ye wankamba: Ngeye mpe, wakeze ye Yisu muisi Nazaleti. ⁶⁸ Wa vakudila nkan, wavova: Kizeyi ko, kieti visa nau zolele vova ko. Ye wa vayika ye wa yenda ku muelo alupangu. Ye koko dia kokola. ⁶⁹ Sadi kia nketo kia mfumu a ngudi za nganga, mwa mona, wavutuka vova diaka kua wowo akala vana: Ndiayu ii umosi mu antu a ana. ⁷⁰ Ye mwa vakudila nkanu. Fintangu ntangu, wowo wakala vana avova diaka ngeye wu muisi Ngalili. ⁷¹ I wowo katoma ku abombidila ye dia ndefi: Kizeyi muntu ndioyo nueti vovila ko. ⁷² Vana vau, mu nkumbu a nzole, koo dia kokula. ye Petelo wabambuka moyo mu mambu maku nkamba Yisu: Tekila koko dia kokola nkumbu zole, suku mvakudila nkanu nkumbu zitatu. Ye va kayindula, wadila.