¹ Landila Yisu bu kavayika mu kinlongo, mosi mu nlongoki miani wavova kua yani: Nlongi, tala nkua mpila matadi ye nkie zimbungulu! ² Yisu wavutula kua yani: Kueti mona zintungulu za zinene ko? kavena sala tadi va zulu adi dina lembua kunkulua. ³ Wavuanda va ongo a olivie, vantadisi a nzo ya kinlongo, Petelo, Yakobi, Yoani ye andele akala ntuadi mu kiuvu kioko. ⁴ Utukamba, nkie ntangu a momo mena kala, nkie dimbu tuna zayila vo momo malungana? ⁵ Yisu wavutuka ku avovisa: Nukikenga, ye muntu kanu zimbisani ko. ⁶ Kadi ayingi si iza mu nkumbu ame, ye vova, imono. Ye ayingi ena zimbukusua. ⁷ Vo numowa etivovila mvita ye mazu ma mvita, ka nuyitukuani ko, kadi momo mafueti kuiza. Kansi ka yinsukulu ko yoyo. ⁸ Kanda dina nangumukina kanda yani. Ye kimfumu ye kimfumu yani; siva kala ndikununu za ntoto mufulu ya suasuana, malema si ma kala. Yoyo yena kala mbadukulu a nsongo. ⁹ Nukikenga yeno kibeni, nuna fundua muzimbazi za ankanu, ye nuna zukua zinzuadi mu yinlongo; nuna fundusua kua a nguvalu ye kua mintinu, mu diambu diame, mukuatela kimbangi. ¹⁰ Ntete nsamu ambote ufueti kaka samunua mu makanda mamonsono. ¹¹ Vo akunu neti mu kunuyekula, kanu kikadilani mayindu muma lufueti vova, kansi nu vova momo ma nuveno ntangu yayo; kadi kayena ko nunavovanga, kans mpeve anlongo. ¹² Mpangi si kayekula mpangi ani ku lufua, ye se muna ani; ana si anangumukina mase ye ngudi zau, e ku avondisa. ¹³ Si nua belua kua awonsono, mu diambu dia nkumbu ame, konso wonso tatamene nate ye kunsuka nungusu. ¹⁴ Vo nuena mona nkakumusu ambungulu yena vo kayilendi kala ko, kua wonso weti motanga ko keba, onso ena kala mu Yuda atinina ku miongo; ¹⁵ Wonso una kala ku nludi kakulumuka ko ye koti munzo ani mu bonga lekua ko; ¹⁶ Ye wonso kala mu vie kavutuki manima mu bonga yunga kiani ko. ¹⁷ Kiadi kua akento ena kala ye yivumu ye kua ena yemikanga mulumbu yayina! ¹⁸ Nusambila mambu momo kamabue mu sivu ko. ¹⁹ Kadi ngiawula, mu yilumbu yina, yina kala ngavo kayatekela kala kaya mpila yoyo tua mina mbadukulu a nza vo Nzambi kasema ya nate ye wau, kamana sa kala ko. ²⁰ Ye vo mfumu kakufiki yi lumbu ko, kamuntu wokutua vulusua ko, kansi wa kufika yo mu diambu dia akiasolua a kasola. ²¹ Vo montu vovale kua yeno awana: Klisto eva kena, eva: Wena kuna ka nunkuikila ko. ²² Kadi si vatelama a Klisto a luvunu ye ngunza za luvunu, si avanga mangitukulu ye yimangu mu vidingisa a kiasolua, vo sidia lendakana. ²³ Nuyikenga: Mono ya yakuyikambidi mokua yeno. ²⁴ Kadi mulumbu yina kunima ngiawula, ntangua yina lamba ye ngonda ka yina vana kia ko. ²⁵ Zi mbuetete zina saluka mu zulu, ye tulendo tuena mu mazulu tuna nikunua. ²⁶ Mu diodo si lua mona muana Nzambi ua kuizil mu matuti mu lulendo lua mgolo ye mu nkembo. ²⁷ Buna una fiisa zimbasi, ye wuna kutikisa a kiasolua mu ntini ziya, ye mu nsuka antoto nate ye nsuka a zule ²⁸ Nulonguka mu disuasuani diobongua mu ti a kuyu. Vo numueni yitala yeka yambote, ye mpe vo makaya mpa matonene vayika, nuzaya vo nsungi a mvula yeka lukufi. ²⁹ Iwowo, ntangu a numueni mamo momo mizidi nuzaya vo ngizulu a muana muntu yeka lukufi vo muelo. ³⁰ Mukedika mono i nuvovele, mbandu yayi ka yina vioka ko, ye mamonsono ka makezidi ko. ³¹ Zulu ye ntoto bina vioka, kansi mambu mame kamena vioka ko. ³² Mumatedi lumbu vo lokula ka muntu ko wuna zaya, ka zi mbasi mu zulu, vo muana, kansi se kaka. ³³ Nukiyikenga, nukaya meso ye sambila; kadi ka nuzeyi nkia ntangua mana kuiza. ³⁴ Yani wuna kala wonso muntu wowo, wayenda nzietolo, wasisa nzo ani, wavana kiyeko kua yisielo yani, wasonga muntu muntu ye mbebe ani, ye wasikidisa kua nkengi a kielo mu kaya meso. ³⁵ Ikuma nukaya meso, kadi kanuzeyi lokola kina kuiza mfumu a nzo ko, vo masika, vo ndinga nsi, vo nkumbu a nsusu, vo mu nsiuka. ³⁶ Tala kakuna wani ku nsi a tulu ko, mu ngizulu ani ya nabue. ³⁷ Ma mpovele kua yeno, mpovele mo kua a wonsoni: Nukaya meso.