¹ Mbok Yisu wanatua ku nsi a nkaka kua mpeve mu n'tontua kua Satana. ² Va kamana mina n'soki ya malambu ye makuma ma ya mafuku. Yani wamona nsatu. ³ Ntonti wafinama ye wankamba: "Vongeye muana a Nzambi; atumi matadi makituka dimpa." ⁴ Kansi Yisu wavutula wavova: "Ena masonama, "Muntu kena moyo mu dimpa kaka ko, kansi mu mambu ma monsono ma vayikanga mu nua Nzambi." ⁵ Mboki wantuala mu mbanza yamnlongo ye wantula va vuma kia toma zangama kia kinlongo. ⁶ Ye wavova: "Vo ngeye muana Nzambi; wi yiveta kunsdimba; kadi ena masonama: "Yani se kafila zi mbasi zani se ziza nku keba ye yawu se a kunzangula mu moko mau mpasi vo kulu kuaku ka ku te sakuba ko va tadi ko." ⁷ Kansi Yesu wavutula kua yani: "Ena masonama diaka: "Ngeye kulendi tonta Mfumu aku Nzambi ko." ⁸ Satana wantuala diaka va wuma kia zangama ye wansonga yintinu ya nza ya yonsono ye minkembo mia wu." ⁹ Yani wankamba: "Mono ngina ku vana lekua yayo vo wu mfukamena ye kunsambila." ¹⁰ Mboki Yisu wa vokua kua yani: "Kutuka, Satana! Kadi ena masonama: "Ngeye fuiti sambila kaka Mfumu Nzambi aku ye neye fueti kunsadila yani mosi." ¹¹ Mboki Satana wansisa ye, zimbasi zayiza ye yawu a nsadila. ¹² Ntangu Yisu kawa vo Yoani kengo, yani ntumi katuka ku Ngalili. ¹³ Yani wayenda ku Nzambi ye kuele zinga kupenaumi diela va lueka lua mbu wa Ngalili ku nzaku za yizunga ya zebulani ye Nafatali. ¹⁴ Manua mayiza mpasi vo mavova mbikudi Yasaya malungana: ¹⁵ "Mintoto mia ZUbuloni ye Nafatali, ku ndambu a mbu, kusimu dia Yolodani, Ngalili i nsi a balembi kuikilanga! ¹⁶ Antu a vuandanga mu tombe amona kia kua ngolo, ye yawu avuandanga mu nsi ye mu kini kia lufua ntemo wa zangama." ¹⁷ Tuka ntangua yayina, Yisu watona longila ye yani wowo va: "Nuvilula madiela meno; kadi kimfumu kia mazulu kieka lukufi." ¹⁸ Yi mbosi yani wayendanga mu nzengo a mbu wa Ngalili, yani wamona mpangi zizole, Simoni wayikua Petelo ye Andele mpangi ami. Yawu alosa konde mu mbu; kadi yawu akala ntmbi mia mbizi. ¹⁹ Yisu wavova kua yawu: "Nuiza, nundama ye momo si kumu kitula ntambi mia antu." ²⁰ Vana vawu, yawu a yambula makonde mawu ye anlanda. ²¹ Mu ntangu Yisu katalamana nzila ani, yani wamona mpangi zizole znkaka, Yakobi, muana a Zebedai, ye Yoani mpangi ani. Yawu akala mu nlungu ye Zebedai s'aw; atunganga makonse mawu. Yawu wa abokila. ²² Ye vana vawu, yawu asisa nlungu ye sawu ye anlanda. ²³ Yisu wazieta Ngalili ya yonsono, wa longa mu nzinza zau za tukutukunu, wa samuna nsamu a mbote wa kimfumu waki mfumu ye waniakisa yimbevo yayonsono ye vanguki kua antu. ²⁴ Nsangu zani za muangana mu nsi ya Silia ye antu anatina awo wowo akala yele, wowo akala kuamusuanga kua yimbevo ya mpila mu mpila ye mpasi za mpila mu mpila, wowo akala ye mpeve zambi, asonsanza ye atila mianzi, ye Yisu wa aniakisa. ²⁵ Ndonga yayingi yanlanda ku Ngalili, ye mu Dekapoli, ye mu Yelusalemi, ye mu Yuda ye muna simu dia Yolodani.