¹ Mu yilumbu yayina, Yoani Mboteki wayiza samuninanga mu nsi yankatu yo Yuda wavova: ² "Nu vilula madiela meno, kadi kimfumu kia mazulu kieka lukufi. ³ Kadi, tala nduayu wa vovulua kua mbikudi Yesaya, wa vova: "Ndinga ya ndiayu yeti boka mu nsi yznkaka: "Nukubika nzila ya Mfumu, nusungika yinzila-nzila yani." ⁴ Tala, Yiani wavuata yunga kia mika mia kamela ye melika kia nkanda mu luketo luani. Dia kuani kuakala makonko ye niosi ya mfinda. ⁵ Isi Yelusalemi, Yuda diadioso ye ndambu a nsi yayonsono ya zungua kua yani a Yolodanni a yiza kua yani. ⁶ Yawu a botukua kua yani u nzadi a Yolodani, va amana tambudila masumu mawu. ⁷ Kansi yani vakamona a filisi ye misokudi miayingi miayiza kua yani mpasi ka abotika, yani wa a kamba: "Yeno nkulu z nioka za mbalu, nani wa nuluengese mu tina nganzi zeti kuiza? ⁸ Nu vanga mbutu mia songa mia mpilu a diela. ⁹ Ye ka nuyindulani mu kuiyivula mu yeno kibeni ko: "Tuena ye seto Abalahami." Kadi mono yi nukembi vo Nzambi lenda vana nkutu Abalahami mu matadi mama. ¹⁰ Wau mpivi yeka yakubama va mianzi mia inti. I dia wonso nti wulembua wutanga mbutu mia mbote una zengua ye tubua ku mbombe. ¹¹ Mono yi botekele mu nlangu mu mpilulu a diela. Kansi ndiona wu na kuiza ku nim'ame wu mpiokele mu lulendo, ye mono kiena nkutu wa fuana mu vuata nsampatu zani. Yani se ka kunu botika mu mpeve a nlongo ye mu mbombe. ¹² Kipepelo kiani kiena vokolo kuani kiku bamene mutoma veva vuma kiani kimpevila ye seka yonzika mbutu miawu mu lundelu. Kansi yani seka yoka nianga ku mbombe yi lembua zimanga." ¹³ Yisu waluaka tuka Ngalili nate ye ku nzadi a Yolodani mu botukua kua Yoani. ¹⁴ Kansi Yoani wateza vakula nkawu, wa vova: "Mono ngiena mbatu a botukua kua ngeye, ye ngeye weti kuiza kua mono?" ¹⁵ Yisu wantela ye wankamba: "Yambula diadi diakala wawu, kadi wowo wufueni mu yeto mu lungisa lunungu lualo." I dina Yoani wamvana luve. ¹⁶ Landila va kamana botukua, Yisu wa vayika nsualu mu nlangu, ye tala, mazulu mazibuka. Yani wamona Mpeve a Nzambi yakulumuka wonso yembe yo yayiza va yani. Tala, ndinga yavayika mu mazulu ya vova: ¹⁷ "Tala, muan'ame wanzolua. Yani wena kiase kiame kiakionsono."