¹ Kue kutukidi mi nzonza ye mpaka vakati kua yeno? kayi mu nzinunu zeno zeti kunu nuanisa ye biela bieno? ² Nu zininanga kansi kanu bakanga ko, nu vondanga kansi nu zininanga, kansi ka nina mutezo kia baka ko? Nu nuananga ye nu sanga zimpaka. Ka nubakanga ko kadi kanu lombanga ko. ³ Nu lombanga ye kanu tambulanga ko kadi ndombolo zeno zena zambi, mu diambu dia nsatu a yukutisa nzinunu zeno. ⁴ Nu nte mia zumba! ka nuzeyi ko vo kikundi kia nza yayi i kitantu kua Nzambi? Wonso zolele kala nkundi wa nza wu kuki tula ntantu a Nzambi. ⁵ Yeno nueti banza vo masonukua ma vovanga mu mpamba vo mavovanga vo mpeve yekatula mu yeto i nkatikua mpeve ya kimpala? ⁶ Kansi Nzambi uvananga nlemvo wa lutidi mu mbote, i mu diodio masonukua ma vovele, "Nzambi wu kakidilanga bankua luyanu, kansi wu vananga nlemvo kua a kiki yinanga." ⁷ Yi kuma nu lemvuka kua Nzambi, nu kakidila nkandiampemba ye sika tina nseke ye beno> ⁸ Nu finama kua Nzambi ye sika finama ye beno. Nu vedisa moko meno, mi nsumuki ye vedisa ntima mieno, ankua disu ku nsia lukaya. ⁹ Nu kala kiadi, nu yawula, nu dila! Bika tusevo tueno tua kituka ngiawula ye kiese kieno mu kiadi. ¹⁰ Nu kiyina va ntadisi ya Mfumu, ye sika kunu zangla. ¹¹ Zi mpangi kanu vovasani mambi mu yeno ye yeno ko. Ndioyo wu vovanga mambi mu mpangi ani, evo kongodila mpangi ani, wu vovanga mambi kua nsiku ye wu fundusanga nsiku, kuena mfiongunini wa nsiku ko, kansi muanki mfundisi. ¹² Wu mosi kaka wena mfiongonini ye mfundisi. I yani kaka wu mosi wena kibakala kia vulusa ye kia tulula. Ngeye wu nani wu fundisanga niaku? ¹³ Luwa, yeno luvovanga vo: "Wunu evo mbazi ku mbanza yoyo tukuenda, si tuakomanisina mvu wa mvimba si tuasala kinkita ye baka ndandu." ¹⁴ Nani zeyi mena kuiza mbai ye zingu kiaku? Kadi wena bonso muisi wa kuingila vo kimineke mufintangu ye vila. ¹⁵ Nu fueti vova ena, "Vo Nzambi luzolo, situa zinga ye situa vanga edi vo edina." ¹⁶ Kansi wawu, nueti kukiyana mutu kanu tueno tua mayana. Ku kitumpidika kuako kua mpila yayo kuambi. ¹⁷ Mu diodio, konso zey vana ma mbote ye vo keti mo sadila ko, yani weti vola disumu.