¹ Zimpangi zame ka vakala ndonga ya alongi va kati kueno ko. Tuzeya vo situa toma fundusua mu ngolo. ² Kadi yeto tukusumukanga mu mpila zayingi. Vo muntu ka kusumukanga ko mu mpova zani, yani wena muntu wuluwki mu tezo kia toma kula, ulenda yala kani nkutu nitu ani yayonsono. ³ Mu ntangu tueti tula luwambu mu nima a zimpunda kidi vo akutu tumamena, tulenda mpe tuadisa nitu zawu zamvimba. ⁴ Taletieno mpe masuwa, kana vo ma manene ye meti bendua kua mi pepe mia ngolo, matuadusuanga kua findekua ndekua, i finatuna fia fike konso wu zolele muntu unatanga mau. ⁵ Mpila mosi mpe ludimi i kiela kia kike kia nitu, kansi ku kukiyananga mu mambu ma manene. Tala tiya tua tuke kansi tulenda yoka mfinda ya yinene. ⁶ Ludimi luena mpe tiya, nza ya masumu, lutululu va kati biela bieto, Luawu lubebisanga nitu yayonsono ye lu lutulanga tiya mu zinga kiakio, Luawu mpe luena yokua ku bilungi. ⁷ Makanda mamonsono ma bulu yansisi, zinuni, bulu bizanzalanga ye vangua bia mu maza bilenda lemvulua ye bialemvulua kua muntu. ⁸ Kansi kavena muntu lenda lemvula ludimi ko. I mbi i katulendi lenda dingimisa ko, luena luazala ye yimbua dia vondanga. ⁹ mu ludimi, tusanisinanga Mfumu Se dieto, ye mu luawu tusinganga antu avangua mu kifuani kia Nzambi. ¹⁰ Momo nua wowo kaka muvayikanga lusakumunu ye lusingulu. Mpangi zame, kama kunu kadila wowo ko. ¹¹ Nto yilenda kuani vayikisa vana fulu maza masukadi ye maza ma ndudi? ¹² Nti wa mingiengie, mpangi zame, nga ulenda kuani wuta mbutu mia olive evo nti wa vinu mu wuta mingiengie> Maza ma mungua kamalendi vayikisa maza ma sukadi ko. ¹³ Nani va kati kueno wena nduenga evo ngangu e? Bika ka songa zingu kia songa mu mavanga ma wumpimbo matukanga muna nduenga. ¹⁴ Kansi vo wena mu ntima aku kimpala kiandudi ye makani mambi, kuki yanani ko ye kuvunani vantadisi a kedika ko. ¹⁵ Nduenga zozo kazitukidi mu mazulu ko, kansi zena za va ntoto, kaza kimpeve ko ye za nkadiampemba. ¹⁶ Kadi vana vena maketo ye makani, i vana mpe vena mvualangani ye mavanga mamonsono mambi. ¹⁷ Kansi nduenga za mazulu zena va ntete za vedila mbosi zavuvama, zakukikulula, zitombanga nguizani, zazola kua nkenda, mbutu mia mbote, kondua kua mpambani ye za kedika. ¹⁸ Mbutu wa lunungu wakunua muna luvuvamu va kati kua yawu asosanga luvuvamu.