² Nusiama mu lusambulu. Nukaya meso mu lusambulu ye mu mvutudulu a matondo. ³ Nutu sambidila mpe mu kituadi, kidi Nzambi ka zuila vitu mu mambu, mu vova kedika kiasuama mu Klisto mu diambu dia mambu momo, ngienina wo kangama. ⁴ Nu sambila yakala mu kia vo ngieti longa. ⁵ Nu diata mu nduenga va kati kua wowo ena ku nganda ye mu zaya sadila ntangua. ⁶ Bika mpova zena zakala zanlemvo ntangu zazo. Bika zakala za zanzusua mu mungua kidi nua zaya wonso wu nulenda vanasana mvutu. ⁷ Mu mambu momo maku ntedi, Titiko wena mo kunu zayisa. Yani i mpangi yanzolua, ikisadi kia kuikama, ye nanga mu mfumu wonso mono. ⁸ Yan fidisa kua yeno kidi nua wa nsangu zeto ye ka nu nsiamisa. ⁹ Yan fidisi ye onesimo, wakuikama, i mpangi ye nkundi wangolo, wena mosi mu yeno. Se akulu kamba wonso mamo malutidi kuaku. ¹⁰ Nkundi ame wa loloko, Alisitalako una veno mbote, wonso Malako mpangi a Balaba (Mu yani nubakilanga zi nduengoso, vo wizidi kua yeno nutambula). ¹¹ Ye mpe Yisu ndioyo ubokuduluanga Yusutusu. Awu kaka i ayudayo azengua asalanga yame ntuadi mu kimfumu kia Nzami. Yau akezi nsiamusunu ya ngolo kua mono. ¹² Epafala wunu veni mbote. Yani i umosi mu yeno. Ye nanga vo Yisu Klisto. Weti kunu nuanina ntangu ka ndangu mu lusambulu, kidi nua siama mu ngolo ye mu vuvu kia sikala mu luzolo lualo lua Nzambi. ¹³ Kadi ngieti ta kimbangi mu yani, bika kasala mu ngolo zazo mu yeno, kua wo ena ku Loadikia, ye kua wo ena ku Yelapoleyi. ¹⁴ Luka ntomono ye nkundi wambote, ye Demasi wa nuveni mbote. ¹⁵ Nu vana mbote kua zimpangi zena ku Laodikia, ye Nimfa, ye dilundu diena ku nzo. ¹⁶ Nkanda wawu va wena tangua va kati kueno, nu tangisa wo mpe ku dibundu dia Loadikia, ye nu tanga mpe nkanda wutukidi ku Loadikia. ¹⁷ Nu kamba Alisipo, " Toma keba salu ki watambula kidi wa nunga mu sala kio".