¹ Vo wonso Nzambi ka nu fulukisa ye Yisu, nutomba mabu maki zulu, vovo Klisto ka vuendi va lubakala lua Nzambi. ² Nukala mayindu mu makizulu kansi ka mu lukua bia ntoto ko. ³ Kadi nua fua ye zingu kieno kia suekua kua Klisto mu Nzambi. ⁴ Klisto moyo wno va kena monika, iwowo yeno mpe nuena monika mu nkembo kintuadi ye yani. ^{8 5} Nu vonda biela biena va ntoto( Kinsuza, nsumukunu, nzinunu, makani mambi ye wumi wena nsambudulu a biteki). ⁶ I mu ma mpila yayo nganzi za Nzambi zi kuizanga kua ana ankolomono. I mu mambu ma moila yoyo nua diatidingi ntangu zankaka, vo nua zingidingi mu mau. ⁷ Kansi yeno nu bindamene mu sisa mambu momo (Nsita, nganzi, makani mambi, yifingu ye mpova za nsoni ka zivayiki mu nua mieno ko). ⁹ Kanu vunasanani yeno ye yeno ko, kadi nueti sisa muntu wa nkulu mu mavanga momo, ¹⁰ Ye yeno, nueti vuata muntu wa mona, weti vangudulua mu nzayilu wonso wena fuani kia ndioyo wasema wo. ¹¹ I mu diodio kakuena ka Ngelekia evo Yudayo, ka azengua evo alembua zengua, ka anzenza avo kansi Klisto wena mamo mu mamo. ¹² Nu vuata wawu, wonso asolua a Nzambi, anlongo ye anzolua, mbutu mia nkenda mia kiani, mu mbote, ki untu, nlembani ye mviludulu. ¹³ Nu vibasana una nuena, nu songasana nlemvo wuna nuena, vo muntu wena ye diambu kua niani, nu lemvukila wonso mfumu kanu lemvukila. ¹⁴ Va ntandu a mamo, nu kala zola, kuawu insinga wukanga nadede. ¹⁵ Bika luvuvamu lua Klisto lua yala mintima mieno. I mu luvuvamu lolo nua bokudulua nukala nitu yi mosi. Ye lubambuka lo moyo mu matondo. ¹⁶ Bika mambu ma Klisto ma kala yeno mu kimvuama kiakio.Mu nduenga zazo, nulongasana ye nusiamasana una nuena mu minkunga mia nzitusu mi tuyimbilanga, ye mia kimpeve, Nu yimbila Nzambi mu ntima weti lambuka moyo ye tonda. ¹⁷ Ye momo ma nuzolele vanga, mu mpova ye mu mavanga, nuvanga mo mu nkumbu a mfumu Yisu. Nu tomba Nzambi tata mu yani. ¹⁸ Akazi, nu lemvuka kua akala eno, wonso ufueni mu mfumu. ¹⁹ Akala, nuzola akazi eno, ye kanu kadi nsita kua yau ko. ²⁰ Ana, nutumama kua bibuti bieno mu mamo, kadi diodio diena dia zolakana mu mfumu. ²¹ Ma se, ka nukuamisani ana ko, kadi alembua lebakana. ²² Minanga, nu tumama kua mfumu zeno za nza mu momo. Ka va ndadisi awu kaka mu ku ayangidika ko kansi mu ntima wakedika. Nu vumina Nzambi. ²³ Evo nueti wo vanga, nu vanga wo mu muela wa kedika wonso kaka kua mfumu ye kansi ka wonso kua muntu ko. ²⁴ Nu zayi vo nuna tambula difua kua mfumu bonso ndandu. I mfumu Klisto nueti sadila . ²⁵ Kadi wonso weti sadila kondua kua lunungu wuna tambula tumbu mu kondua kuani kua lunungu, ye kakuena ntalu a zizi ko.