¹ Nkuluntu a nganga Nzambi wavova: "Mambu momo nga mena ma kedika e?" ² Tieni wavutula: Nu zimpangi ye mase, nuangwa: Nzambi ya nkembo ndiona wamonika kua se dieto Abalahama vana va kakala kuna Mesopotamia, tekila kenda ka vuanda ku Halani, yani wankamba: ³ "Sisa nsi aku ye ayaka, ye wenda kuna nsi yingina kosongila." ⁴ Ye vana wasisa nsi ya akaladeya ye wayenda vuanda ku Halani. Tuka kuna, ku nina lufua lua se diani, Nzambi mwanata nate ye ku nsi yayi, yayi i nuena wawu. ⁵ Kamvana kani mvuilu imosi ko, kani nkutu fulu kikalenda tula kulu kuani. kansi wansila (wana Abalahami kabeki eti muana ko) vo se ka kumwana nsi yoyo wonso mvuilu nate ye kua atekolo ani ku nima ani. ⁶ Nzambi wankamba wuna, vo atekolo ani ena zinga mu fintangu ku ntoto wanzanza, ye mpe vo esi nsi yayina se aku akitula minanga ye se aku kuamisa beni mu tezo kia mimvu nkama ye ya. ⁷ Ye ngina fundisa kanda diodio di ena kadila kinanga, wowovele Nzambi, ye kunima mambu momo se enda ye se a kunsambidila va fulu kiakiki.' ⁸ Ye wowona kua Abalahami luwawanu lua nzengolo. Abalahami va kakituka se dia Isaka, yani wanzenga kunima yilumbu nana ya mbutuka ani, Isaka mpe vakakituka se dia Yakobi ye Yakobi se dia zinkaka kumi ye zole. ⁹ zimfumu za makanda, zamuena Yosefi maketo ye anteka kundi vo kanatua ku ngipiti, ye Nzambi wakala yani. ¹⁰ Ye wantanina mu mpasi zani zazo, ye wamvana nlemvo ye ndwenga va ntadisi a Falawo, ntinu a Ngipiti. Falawo wantula myadi wa nsi ya Ngipiti ye mu nzo ani yayonsono. ¹¹ Mbosi vayiza kota malema ye mpasi za ngolo mu Ngipiti yayonsono ye mu kamana, ye mase meto ka makala ye kiandia ko. ¹² Kansi mu ntangu Yakobi kayiza wa vo ku Ngipiti kuena ye ble, yani wafila mase meto mu nkumbu yantete. ¹³ Mu nkumbu yanzole, Yosefi wakisungula kua mpangi zani, ye vumu kia Yosefi kiazayakana kua Falawo. ¹⁴ Yosefi watuma mpangi zani kidi azayisa kua se diani, keza ku Ngipiti, vamosi ye nzo ani yayonsono: Lusambodia ye tanu dia antu awonsono. ¹⁵ I wuna Yakobi kakulumunikina ku Ngipiti, kunima, yani mosi wafua, mbosi mpe ye Mose meto. ¹⁶ Anatua ku Sikemi, i kuna amana zitulua muna ndiamu ya Abalahama yina yikasumba mu mbongo kua ana a Hamoli ku Sikemi. ¹⁷ Ntangu ya nsilulu yina Nzambi kasila kua Abalahami yafinama, nkangu wanieka ye wakituka wayingi mu Ngipiti. ¹⁸ Nate vayiza ntinu yankaka ku Ngipiti, ntinu mosi yalembua zaya Yosefi. ¹⁹ Ntinu wowo kaka wapupidika kanda dieto ye waniakuna mase meto, nate ye mu tezo ki aku akanikina mu losa ana awu ansua, mpasi vo alembua zinga. ²⁰ Mose wavutuka muna ntangu yina. Yani wakala wa ntoko va meso ma Nzambi, ye yani wayunduka mu ngonda zitatu muna nzo a se diawu. ²¹ Mu ntangu yika yambulua, muana wanketo wa Falawo wambaka ye wansansa wonso mwana wa yani beni. ²² Mose walongua mu nzayilu yayonsono ya esi Ngipiti, ye wakituka muntu walulendo mu mpova zani ye mu mavanga mani. ²³ Mu ntangu yikalungisa fisidi mvu makumaya, diangizila mu ngindu mu kuenda tala zimpangi zani, ana a Isaeli. ²⁴ Wamona muisi Isaeli waniokunua, Mose wankotila ye wanuanina kua muntu waniokuna wazuba muisi Ngipiti. ²⁵ Wabanza vo mpangiani senkazaya vo mu koko kuani, Nzambi wena ku akula, kansi ka ambakusua ko. ²⁶ Mu lumbu kia landa, wayiza kua esi Isaeli ankaka akala zonzanga. Wateza mu ku a wizanisa, yani wavova: "Numayakala, mbe yeno nuzimpangi; bila nki nueti kumvangisila mpasi e?" ²⁷ Kansi ndiona wakotisa nkua yani mu mpasi wanunguna ye wavova: nani wuka tudidi mfumu evo zuzi mu yeto?' ²⁸ Zolele mpe kumponda wonso wo wavondele muisi Ngipiti zono e? ²⁹ Va kamona va wa momo, mose watina; wakituka nzenza mu nsi ya Mediani, kuna kawutila ana wole. ³⁰ Kunima mvu makumaya, mbasi yimosi nyamonikina mu nsi ankatu ya mongo wa Sinayi, va kati kwa tiya twalema va fuiti tikidi. ³¹ Mose va kamona tiya wayitukua mu mbonokono yoyo va kafinama mu tona tala, ndinga ya Nzambi a Abalahami, ye Isaeli ye ya Yakobi." ³² Mu zakama Mose kalenda mu zangula meso mani ko mu tala. ³³ Mfumu wazayisa: "Mfumu wanzayisa: "Vula yivada yaku, kadi fulu kitelamene kiena ki nlonko. ³⁴ Ntomena mona mu kedika mpasi za nkangu ami wena ku Ngipiti. Yawilu yidilu ywu ye nkulumukini mu ku akula. Wawu tusidi, weenda; ngieti kufila ku Ngipiti." ³⁵ Mose ndiona wu akadila nkalu, mu ntangu avova: "Nani wakubieka mfumu ye zuzi e?" i yani Nzambi kafila konso ntuadisi ye nkundi. Nzambi wamfila mu koko kua mbasi yamonika Mose mu fintitikidi. ³⁶ Mose waku avayikisa mu Ngipiti ye mu mbu wambuaki, ye muna nsi yankatu mu mimvu makumaya. ³⁷ I mose kuani diaka wavova kua nkangu wa Isaeli vo. " Nzambi wuna kulu fidisa mbikudi va kati kua mpangi zeno, mbikudi wonso mono." ³⁸ I muntu ndiona wakala va kati kua kimuka, muna nsi ankatu ye mbosi yamvovisa va mongo wa Sinayi. Muntu ndiona wakala ye mase meto; muntu ndiona wabaka mambu ma moyo mu kutu luakisila mo. ³⁹ I muntu wowo akulu eto alembua zola wila, aniafuna ye mu ntima miawu ayindula mu vituka ku Ngipiti. Muna ntangu yina, akamba kua kua Aboni: 'Utuvangila zi nzami nzambi yina kutu tuadisa. ⁴⁰ Mu momo matadidi Mose diodio, dia kutu vayikila mu Ngipiti, katuzeyi makunluakila ko. ⁴¹ I wuna, yau akubika muana ngombe ye avana nkayilu kua teki, ye ayangalala mu diambu dia salu ki avanga. ⁴² Kansi Nzambi waku afila nima ye waku ayekula mu nsambudulu za zimbuetete za zulu; wonso wu dia sonama mu nkanda a mibikudi vo: "Nuampana bulu ya vondua ye minkayilu mu mimvu makumaya muna nsi ankatu, nkangu wa Isaeli e ? ⁴⁴ A kulu eto akala ye nzo akapu ya kimbangi (nuakala nkanda luwawanu) mu nsi ankatu, konso Nzambi kadio tumina mu ntangu yika vova kua Mosa., mpasi vo kavitukila mu vanga yo wonso wu ka muena yo. ⁴⁵ I tenta diodio akulu eto mu ndiatulu awu, anata muna nsi ye Yosua. Diodio dialuaka va aziona ntoto kua makanda momo Nzambi ka zoma vantete akulu eto aluaka vo. Makadila wowo nate ye mu lumbu ya Davidi, ⁴⁶ Wamonikina nlemvo va ntadisi a Nzambi; yani walomba vo nzo yatungua mu diambu dia Nzambi ya Yakobi. ⁴⁷ Kansi i Salomo watunga nzo mu diambu di Nzambi. ⁴⁸ Kansi tu, Nzambi eto yazangama kauandanga mu zinzo zatundua mu moko ma antu ko, konso waova mbikudi: ⁴⁹ "Zumbi kiandu kiame kia kimfumu, ye ntoto i ditula kiami. Nkia mpila nzo nulenda kuntangila? mavovele Mfumu, veyi vena fulu kiame kiamvundile? ⁵⁰ Mbe i koko kua kuame kuvanganga lekena yayi yayonsono e? ⁵¹ Nu ankua nsingu zambalu ye malembua zangua mu ntima ye mu matu, mukakidilanga kaka Mpeve Yanlongo; muvanganga nadede konso akulu eno awanga. ⁵² Nani mu mimbikudi akulu eno alembua zoma e? avonda mimbikudi miayingi va ntete ngizulu a ndiona wumosi walunungu, ye wawu, yeno mpe diaka, nuayikidi nyekudi miandi ye mvondi miani. ⁵³ I yeno nuatambula nsiku nsikudukusu wowo wabiekua kua zimbasi, kansi kanua lunda wo ko. ⁵⁴ Mu ntangu yena ya lukutakanu lua akuluntu amana va wa mambu momo, alwala mu miatima, ye akuetila meno mu diambu dia Tieni. ⁵⁵ Kansi yani, wazala kua Mpeve Yanlongo, watadidila ku zulu ye wamona nkembo wa Nzambi. Wamona Yisu watelama va lubakala lwa Nzambi. ⁵⁶ Tieni wavova: "Taleno, mono ngieti mona mazulu mazibuka, ye muana muntu watelama va lubakala lua Nzambi." ⁵⁷ Kansi yeni yelo ya lukutakanu lua akuluntu aboka mu ngolo zazonsono, abata matu ye ambuila yau awonsono va kumosi. ⁵⁸ Anlosa ku mbazi a mbanza ye amvondila mu matadi. zimbangi atula nlele miau va malu ma toko dimosi diabikua Sauli. ⁶⁰ Va azukidingi Tieni matadi, yani wasambila Mfumu wonso ewu: "Mfumu Tisu, tambula mpeve ami." ⁵⁹ Wafukama, waboka mu ndinga yangolo: "Mfumu, ku atudilani sumu diadi ko. Va kamona vova mambu momo, yani wafua."