² A zintumua kumi ye zole abokidisa ndonga ya minkuikizi ye aku akamba: "Kadiena dia mbote ko kua yeto mu yambula mabu ma Nzambi ye kipa nkadilu a madia va meza. ³ Nusola tu nuzingunza, vakati kueno mayakala nsambodia ena ye kimbangi kia mbote, afuluzua kua Mpeve ye nduenga, atulendo vana kiyeko mu salu kiokio. ⁴ Nga i yeto, tuna tatamana kaka nu lusambulu ye mu longila mambu ma Nzambi." ⁵ Antu afuana ayangalala mambu momo. Iwuna asola Tieni, nkua minu kia ngitukulu ye wafuluzua kua Mpeve yanlongo, ye Filipo, Petelo, Nikanola, Timoni, Palimena ye Nokola i muisi atiokia wakota mu lusambulu lua ayudayo ⁶ . Minkuikiszi anata antu wowo va ntuala zintumua yau aku asambidila ye yau aku atentika moko. ⁸ Mbosi Tieni, wazala kua nlemvo lendo kia Nzambi, wavanga mambu mangitukulu ye bimangu va kati kua nkangu. ⁹ Kansi kabu dia antu dia vuwa ku nzo a tukutukunu yayikua nzo a tukutukunu ya antu ayambudila a kisi kilene ye akisi alekizandele, ye fikabu fia esi Silisi ye esi zunga kia nsi aku a telamana. Antu wowo abindama mpata ye Tieni. ¹⁰ Kansi alembana mu vibidila va ntadisi a nduenga ye Mpeve yoyo ya vivisa Tieni. ¹¹ Kunima, avukumunua u kinsueki ndambu ya antu mpasi vo avova: "Tuwila Tieni va kavovele mpova mu finga mose ye mu finga Nzambi. ¹² Yau anangumuna nkangu, akuluntu ye minsoniki ye yau awonsono azonzisa Tieni, ankanga ye anata va ntuala lukutukunu lua akuluntu. ¹³ Anata mbangi za luvunu ye za vova: "Muntu wawu keti yambula ko mu vayikisa mpova mu tiaka fulu kieto kiaki kinlongo ye mu tiaka minsiku ¹⁴ . Kadi tuwila va kavovele vo Yisu diodio muisi Nazaleti se kabanga fulu kiaki ye seka soba yifu tato mose kasala kutu longa. ¹⁵ Yau awonsono akala avuanda muna lukutukunu antungunina ye amona vo zizi kiani kialezima kiakituka wonso kia mbasi.