¹ Ku nima mambu momo, Pawulu wasisa mbanza Atene ye wayenda ku mbanza ya Kolinto. ² Wa yenda wana kunamuisi yudayo umosi wayikwa Akilo, yani watuka ku zunga kia Pontio, waluaka kantama beni ko mu tuka ku nsi ya Italya ye nkazi ani Oilisika mu diambu dia ntinu Clawudia wazenga vo a yudayo awonsono akatuka mbanza Loma ye Pawulu wayiza kua yawu. ³ Pawulu wavuanda ye wasala ye yawu mu diambu dia akala salanga salu kimosi. Yawu akala vanganga zinzo za tenta. ⁴ Pawulu wakala longilanga mu nzo a tukutukunu konso kia lumbu kia mvundulu. Yani wa tinisa esi yudayo ye asi elene mu kuikila. ⁵ Kansi mu ntangu Sila ye Timoteo akulumuka ku zunga kua Makedonia, Pawulu wa sindisulua kua Mpeve yanlongo mu ta kimbangi kua esi yudayo vo Yisu i yani Klisto. ⁶ Muntangu ayudayo anangumukina ye anfinga, Pawulu wakubula fundu fundu dia nlele miani ye waku avovisa: "Bika menga meno mabuila va ntu mieno, mono kama ntadidi diaka ko, tuka wawu tusidi ngiele kuami kua akondua ayudayo. ⁷ Va kaviokila vana, wayenda kunzo a Titi yustu, i yakala dimosi diakala vuminanga Nzambi. Nzo ani yakala lukufi ye nzo alukutakunu. ⁸ Kilisipo, i mkulutu a nzo alukutakunu ye nzo ani yamvimba, akuikila mu Mfumu. Esi kilinto ayingi awila Pawulu akuikila ye abotama. ⁹ Mfumu wavova kua Pawulu mu mpimpa mu kimona meso: "kumonani wonga ko kansi ngeye vava ye ku dingalalani ko. ¹⁰ Kadi mono ngiena yaku ye kavena muntu ko wuna teza kuvanga diambu diambi kadi ngiena ye antu ayingi mu mbanza yoyo." ¹¹ Pawulu wavuanda kuna, mvu wumosi ye ndambu, walongila mambu ma Nzambi va kati kuawu. ¹² Mu ntangu Ngalio kakituka mfumu a zunga kia akaya, ayudayo akutakana anangumukina Pawulu ye anata ku mbazi a nkanu. ¹³ Avova vo: " Muntu wawu weti kanikina nkangu mpasi vo asambila Nzambi momo mabelanga minsiku." ¹⁴ Vana Pawulu kazola mu vova mbosi Ngalio wakamba kua ayudayo vo: Yeno Ayudayo, vo kikalanga vo kimfunia evo nkanu wangolo, vana nga diena dia mfumu mu vovana ye yeno. ¹⁵ Kansi wakina vo mena mambu matadidi yuvu ya mpova ye zinkumbu ye matadidi nsiku mia yeno mosi, lunamisa mo yeno mosi. Kilendi salakala mfundisi a mombu meno ko. ¹⁶ Ngalio waku avayikisa muna nzo a lufundusu. ¹⁷ Mbosi yau awonsono abuila Sositene, i nkulutu a nzo alukutakunu ye anzuba vana ntuala nzo alufundusu kansi Ngalio kakadila nkutu mayindu mu ma eti vanga ko. ¹⁸ Pawulu, vaka zingila fioti ye zimpangi, waku asisa ye wanata mu masuwa mu kuenda ku zunga kia vamosi ye Pisikilla ye Akila. Vna ntete kamanta mu masuwa wakikatudisila luvanda ku mbanza ya kankaleya kadi wakisila dio nsilu wakisi nazaleti. ¹⁹ Va aluaka ku Efeso, Pawulu wasala sisa Piskila ye Akila kuna, kansi wazola kota yani mosi mu nzo a lukutakanu ye kamakana ye ayudayo. ²⁰ Abombidisa Pawulu kakala yawu fintangu ntangu diaka, katambudila ko. ²¹ Kansi wasala ku asisa, yani wavova : "ngina vutukisa kua yeno vo Nzambi zolele." wakatuka ku Efeso. ²² Mu ntangu Pawulu kaluaka ku kayisala, wananata ye wavana mbote kua dibundu dia eluselemi, yani wakulumuka va va kialanda ku Antioki. ²³ Va kamana viokisa nangu kuna, Pawulu wayenda waviokila ku yizunga ya Ngalatia ye la filingia ye wasiamisa minkuikizi mia mionsono. ^{26 24} isi yudayo mosi wayikua nkumbu ya Apolo, watuka ku alekizandele wayiza ku Efaso. Yani wakala muntu wa ludede mu vova ye wasamuna masonukua mu kondwa kua wonga. ²⁵ Apolo wakala walonguka mu malongi ma Mfumu. wavena mu mpeve, yani wavova nadede mambu matadidi Yisu kansi yani wazaya kaka mbotokolo ya Yowane. ²⁶ Apolo watona mu vova mu kibakala mu nzo a lukutakunu. Kansi Pisikila ye Akila va amwa, akala yani kintuadi ye atona kumbangudila nadede nzila a Nfumu. ²⁷ Va kazola vioka ku Akaya, zimpangi zansiamisa ye asonikina kua minkuikizi mia Akaya kidi atona kuntumbula. Va kaluaka, yani watona sadisa wowo akuikila mu nlemvo. ²⁸ Apolo wamuesa ayudayo kiadi (ntima mpasi) va ndonga mu diambu dia lulendo ye kibakala kika monisa mu masonukua vo Yisu wakala Klisto.