³ Yani wazibula masonukua ye wabangula vo diakala diamfunu kua Klisto kamona mpasi ye kafuluka mu bafua. Yani wavova vo " Yisu diodio ngieti kunu samunina i yani Klisto." ⁴ Ankaka mu ayudayo akuikila ye abundama kua Oaulu ye Sila, va mosi kalu dia esi elene bavumina Nzambi, ye anketo ayingi aluzitu ye nkangu wafuana. ⁵ Kansi ayudayo alembi kuikilanga, azala kua kingolo, abaka ye yau mayakala mankaka ma fu yambi ma vazandu akutikisa ndonga ya antu ye abuisa nkindu mu mbanza. abuambula nzo ya Yosoni mpasi anata Pawulu ye sila va ntuala nkangu. ⁶ Kansi bu alembua ku amona, anatumuna Yosoni ye ndambu a mpangi zankaka va ntuala minyadi mia mbanza aboka: "antu aka avuadingisa na eka mpe yeto vava. ⁷ Antu aka atumbula Yasoni eti vanga mambu meti kolamana nsiku mia ntinu kayisala, yau eti voa vo vena ye ntinu wankaka i Yisu." ⁸ Mu ntangu ndonga ya antu ye minyadi awa mambu momo avinzuka ntima. ⁹ Va ava afutisa nsimbi kua Yasoni ye ankaka nkaka aku ayambula enda. ¹⁰ Muna mpinga yina, zimpangi asindika Pawulu ye Sila ku Belea. Va ava luaka kuna, akota mu nzo a lukutukuna lua ayudayo. ¹¹ Yau tu akola ambote lutila esi tesalonika; kansi atambula nsamu wa Nzambi mu ntima wambote, afiongunina masonukua konso ka lumbu mu tala keti vo ma eti ku azayisa mena ma kedika. ¹² Idina ndonga va kati kuawu akuikila, va mosi ndambu ya anketo a esi elene aluzitu ye mayakala mayingi. ¹³ Kansi mu ntangu ayudayo a kisi tesalonika awa vo Pawulu wa samuna mambu ma Nzambi ku Bela ayenda kuna ye avukumuna nkangu mu fuema. ¹⁴ Vana fulu, zimpangi afila Pawulu kuna mbu; kansi Sila ye Timotei asala kuna. ¹⁵ Wowo Pawulu wanata nate ye ku mbanza ya Atene. Va asala kunsisa kuna, avewa kua yani nsidukusu mu diambu dia Sila ye Timeteo mpasi vo eza mu nsualu mu kuiza kumwana. ¹⁶ Tala, mu ntangu Pawulu kakala ku avingila ku Atene, mpeve andi andi yafuema vakamona vo mbongo yayina ya zala kua yiteke. ¹⁷ Ikuna wamokana mu nzo alukutakunu ye ayudayo ye wowo asambilanga Nzambi, va mosi ye wowo aka kala wananga konso ka lumbu vana fulu kia ndonga. ¹⁹ Abuila Pawulu ye annata kuna Aleompongo avova: "nga lulenda zaya malongi momo mampa maweti longila e? ²⁰ Kadi weti vova mambu manzenza mu meto matu. Idina tuzolele zaya mambu momo nki masongele." (Nkinga ko esi atene awonsono ye ²¹ zinzenza za zingi kuna aviokesenge ntangu awu mu vova ye mu wa mambu ma mpa. ²³ Ye vana, Pawulu watelema va kati kua Aleopanfo ye wa vova: "yeno mayakala ma esi Atene , ngieti mona vo mena ye kinzambi mu mpila zazonsono. ²² Kadi va nzietele mu mbanza ye va ntomene tangunina lekua yi nu sambilanga, mono yamueni zikua dimosi dia samuna yisono eyi: "kua Nzambi yoyo kaya zayakaneti ko. ²⁴ Nzambi yoyo yasala nza yamvimba ye lekua yayonsono yina mo, wakina vo yani yi Mfumu a mazulu ye yentoto, kazinganga mu zinzo zandonga za vangua mu moko ma antu ko. ²⁵ Ye ka sadusuanga mu moko ma antu ko, nkievo kondolo konso kalekua: kadi yani mosi wavanga moyo kua antu ya mwela ye wonso wonso ka lekua. ²⁶ Ye mu muntu umosi wavanga makanda mawonsono ye antu awonsono azinganga vava ntoto, wamana kubika zinsangu zawu ye zinkaku fulu yawu yi avuandanga. ²⁷ I wuna afueti sosila Nzambi ye nanga muteza kunsosa ye ku mona, kadi mu dianu kenani vanda ye umosi umosi mu yeto ko. ²⁸ Kadi mu yani tu diatanga, tuzinganga ye tuena konso umosi mu minsiniki mieno wavova: "kadi yeto tuena mpe ana ani." ²⁹ Idina, wakinavo yeto tuena kanda dia Nzambi, katulendi yindula ko vo kinzambi kifuanane ye wolo, ye mbongo ye vatadi diavalua mu mbungulu ye mabanga mu muntu. ³⁰ I diawu Nzambi ka kipidi ntangu yi nualembua yaya mambu ko, kansi weti tomba wawu kua antu, ³¹ mu fulu yayonsono, mu viluka, Mu diambu dia yani wa kubikidi lumbu kimosi ki kena fundisa nza, mu lunungu, kua muntu wowo wu kasola. Nzambi wasonga dio kua konso konso muntu va ka kumfulukisa mu afua. ³² Mu ntangu esi Atene awa va kawila mfulukulu ya afua, ankanga asevila Pawulu, kansi ankaka avova "si tua kudimba diaka wavova mo lumbu kia kankaka." ³³ Ye kunima, Pawulu waku asisa. ³⁴ Kansi antu ankaka anama ye akuikila, va kati kuawu Dianisa, kiela kimosi kia lukutukunu lua aleopango, nketo mosi walokudulua Damali ye ankaka nkaka diaka vakati kuawu.