¹ Bungangi, ngita lusonikina bampangi banzolua wo nkanda wunzodi mu sikimisa makedika ma Mpevi benu. ² Mpasi nde lukibambukila n'gogu misamunua mu nteti ku banlongu bena mimbikudi ye lutumu lu Mfumu betu ye Mvuluzi wuganuka landila mu bantumua. ³ Luzaya nteti nteti nde minsevi simisa mu bilumbu binsuka, si baseya ye si badiata bonsu buna luzolu lubawu. ⁴ Ye si bata:« kueyi nsilulu yani yi mvutuka? mase mabetu mafua kansi biakulu bisala bumosi. tuka mungiantukulu yi nsemonu.» ⁵ Muluzolu lubawu bavilakana, nde zulu ye ntotu bituka mu masa ye landila masa, gena ntama mudina mu n'gogu Nzambi, ⁶ Mulandila bima bio nde nza yintangu yina yi ziama mu masa ye yi bungua. ⁷ Lutala, mazulu ye ntotu bilundama mudiambu di tiya mulutumu luna: bilundama mu kilumbu ki mfundusu ye ki mbungulu yibambi. ⁸ Bampangi bamunu bazolua, kalulendi vilakana kima kimosiki ku, nde kilumbu kimosi mfunu kina bonsu mafunda ma mvu, ye nde mafunda ma mvu bonsu kilumbu kimosi. ⁹ Mfumu katananga ku mulungisa nsilulu ziyani bonsu bankaka mubawu bakuikilanga. kansi wuna nkua mvibudulu kubenu. kazoledi ku yumosi kabungua, kansi zoledi nde bakulu bakuma ku ngiambudulu masumu. ¹⁰ Muntangu yoyoni, lumbu ki Mfumu sikisa bonsu muifi mosi. mazulu si maluta ye ningu yingolu. bagangu si biyokuka kutiya, ntotu ye maganga mayani si mabembuka. ¹¹ Kadi bio bima biakulu si bibungua mumpila yoyo, nki kanda di bantu lufeti kala? lufeti zingila mu kinlongu ye konda ku lusembu. ¹² Lufeti kingila ye mvibudulu ngisa yi kilumbu ki Nzambi, muntangu yina, mazulu si mabungua mutiya ye nsemonu si zilema ye mpimpita sibikala. ¹³ Kansi tuta kingila bonsu katusila, mazulu mampa ye ntotu wumpa, ku sikuyadila lunungu. ¹⁴ Mudina, bazolua, mu mvingulu bio bima, lusala mamboti mubenu mukala konda ku tona ye lusembu ga ntuala yani, mu ngemba ye yani. ¹⁵ Lumona nde mvibudulu yi Mfumu benu, bufueni bonsu wubetu wuzolua Pawulu wusonika dio: bonsu buna nduka zi zin'ganukina. ¹⁶ Pawulu wugogila mo mambu mu munkanda miyani miakulu, mu miawu muna binotika bimpasi mukuzaya. bantu bakondedi zaya ye betatembila basobanga lunitu lumambu momo bonsu baganganga diaka mu masonuku mankaka, mu mbuilu bawu. ¹⁷ Mudina, bazolua, bonsu buluzeyi mambu mo, lukikenga mpasi nde kaluvidi ku mu lugunu lu bambi, ye vidisa ntumumunu benu. ¹⁸ Kansi lukala mu nlemvu ye nzayilu yi Mfumu betu ye Mvulusi Yesu Klisto. kuyani kukala nkembu tuka bungangi ye bilumbu biakulu Ameni!