¹ Binkudi mi luvunu miyisidi ku mbela bantu, ye nlongi mi luvunu simisa diaka ku mbela benu. si banata mu kinsueki ye bawu mateta ma mfuasakasi, ye si bamenga Mfumu yo wubakula. beta benda mfuasikusu yi mbanga mbanga ga bawu. ² Bambidi si balanda nkadulu yi bawu,ye mukati kibawu nzila makedika si yivunzunia. ³ Mubunkita, si babakila ndandu kubenu mu n'gogu miluvunu, mfundusu yi bawu kayilendi nanga ku; mfuasukusu bawu kayina yibanga ku. ⁴ Kadi go Nzambi kalundi zimbasi ku zawu zisumuka. kansi, wubagana ku Tatalusi mu kebuka mu tugambu mu tombi kinkobu ti ntangu mfundusu.( masonukua mankaka matedi mu keba mu ndiamu ti ye mfundusu. ⁵ Diaka, kalunda nza yinkulu ku, kadi wukeba Nowa, wukala nlongi wulunungu, ye nsambuadi zinkaka, muntangu kafidisa kisalu kimasa mu nza yibambi. ⁶ Nzambi diaka wukulula zimbanza zi Sodoma ye Ngomoli mu tombi ye wumabunga mu mfuasukusu, musadila mbandu yi mo metakuisa ku bambi. ⁷ Mudina ku nkua lunungu Loti, wukala ntangu zakulu wusembuka mu nkadulu yibawu bakonda kala ku nsi minsiku mu mpambusu zawu, Nzambi wumvuluza. ⁸ Kadi yo muntu wulunungu, wuzingidingi ga kati kibawu kilumbu landila kilumbu, wutungisa mu moyu yani wu lunungu, mukuma ki mo kamueningi ye wa. ⁹ Mfumu zeyi bue kafeti gulusula bantu bamboti mu mbekanu, ye bue kulundila bantu ba bunkita mukala ku nsi ndola mu kilumbu kimfundusu. ¹⁰ Mawu mena kibeni makedika ku bawu betatatimina muluzolu lukaniaka lu nsuni ye bamenganga kimfumu. bena ye bunkabu ye ntu ngolu. kabena ye wonga ku mu kuvueza bantu ba nkembu. ¹¹ Zimbasi zivuidi ngolu zimosi ye ngolu zilutidi muneni, kansi kabanatanga bunkaka ku bawu zimfundusu zi tulewu ga ntuala Mfumu. ¹² Kansi bibulu bio bikonda kansasa bena digangu digangama kedika mu bakama ye bungua. kabaseyi bawu balewulanga. si babungua. ¹³ Si batambula mfutu bawu wu maganga mawu mambi. babanzanga nde kukigana ku ntoku ntangu yinda mu kilumbu buna butondama. bena ye mvindu ye konda lusembu. bakiyangidikanga mutugunu tubawu muntangu bena mu nkembu bibenu. ¹⁴ Bena ye mesu matebedi ye bifuanukusu bi bakentu ba kinsuza; kabena nkutu bayukuta ku mu masumu. babendanga miela mikondolu ngolu mu maganga mawu mambi, ye bena ye ntima miawu misadilanga nzinunu. bena bana basingua. ¹⁵ Bayambula nzila sungama. bakividisa ye balanda nzila Balami muana Bewoli, wuzolanga tambula mfutu wukonda ku lunungu.( nzila zinkaka zigoganga, Balami, muana Bewoli) ¹⁶ Kansi wufundusua mu mfutu yani wu ntiakulu. mpunda yimosi yi baba yigoganga ye ndinga kimuntu wutula nsuka mulaka dimbikudi. ¹⁷ Bo bantu bena bonsu nto kazina ye masa ku. bena bonsu matuti metanatuka ku mpuyu. tombi kinkobu kisuekameni kubawu. ¹⁸ Bagoganga ye kimvuni mu bunkabu bu mpamba. babendanga bantu mu nzinunu kinsuni. babendanga bana bamekanga mutina bawu bazinganga mu mfilakanu. ¹⁹ Bakubasilanga ngemba, kansi bawu mosi bena bananga ba masumu. kadi muntu wuna nanga mu biakulu bina bikununganga. ²⁰ Konsu wuna wuguluka mu mvindu yinza landila nzayilu Mfumu ye Mvulusi Yesu Klisto, ye diaka vutukidi mu yo mvindu, kilumbu kinsuka kikumini kimbi beni nkutu lutila kinteti. ²¹ Nga bukala bumboti kubawu mu konda zaya nzila yi lunungu kansi kamuzaya ku mbosi mubaluka mu ntumumunu zinlongu zina babagana. ²² Ngana yi yina yimboti ku bawu:« mbua vutukidi mu biluki biyani. ngulu sukukidi vutukidi kimvindu muna mu ntebi,»