¹ Nkanda wu mbutukulu Yesu-Klistu, muana Davidi, ye muana Abalayami. ² Abalayami wukala sedi ya Izaki, ye Izaki se di Yakobi, ye Yakobi, se di Yuda ye ba mpangi bani. ³ Yuda wukala se di Pelesi ye Sela, ye ngudi wu Tamali. Pelesi wukala se di Yeseloni. Yeseloni wukala se di Lami. ⁴ Lami wukala se di Amidabi. Amidabi wukala se di Nasoni, Nasoni wukala se di Solomo. ⁵ Solomo ye Balabi bawu bakala se ye ngudi yi Boyasi. Boyasi wukala se di Obedi. Lalabi ngudi Obedi. Obedi wukala se di Isayi. ⁶ Isayi wukala se di ntinu Davidi, ye Davidi se di Salomo mu nketo Uliya. ⁷ Salomo wukala se di Lehoboami, Lehoboami wukala se di Abiya, Abiya se di Abia, Abia se di Asa. ⁸ Asa se di Yosafati; Yosafati; wukala se di Usia. ⁹ Usia wukala se di Yotami; Yotami wukala se di Ayasi, Ayasi wukala wukala se di Yehoshaphati. ¹⁰ Yehoshaphati wukala se di Manase, Manase se di Amosi, ye Amosi se di Yosiya. ¹¹ Yosiya wukala se di Yechoniah ye ba mpangi bani, mu ntangu ba natuka kuna Babyloni. ¹² Kunima ndalunu ku Babyloni, Yekoniya wukala se di Seyalatiyeli, Seyalatiyeli nkulu Zelubabeli. ¹³ Zelubabeli se di Abiyudi, Abiyudi se di Eliyabimi, ye Eliyabimi se di Asoli, ¹⁴ Asoli wukala se di Sadoki, Sadoki se di Akimi, ye Akimi se di Eliyudi. ¹⁵ Eliyudi wu kala se di Elasali. Elasali wu kala se di Matani, Matani wu kala se di Yakobi. ¹⁶ Yakobi wu kala se di Yosefi yakala di Madiya mu mubutuka Yesu. Yesu yi yani ba bokila Klistu. ¹⁷ Mudina mbandu yi Abalayamu ye buna Davidi mu nkuna kumi ye ya, tuka Davidi na te ye ndatunu kuna Babyloni nkuna kumi ye ya, ye tuka ndatunu ku Babyloni na te ye ngisululu Klistu nkuna ye ya. ¹⁸ Mbutukulu yi Yesu-Klistu yiyisa mukala yi : ngudi ani Madiya wukala nkentu Yosefi, kansi tekila ka kiladila fulu kimosi ku, ga monika nde yani wu kuma ye vumu mu ngolu zi mpefi ye nlongu. ¹⁹ Yakala diani Yosefi wukala muntu wu lunungu nkasi kazola muesa nkentu ani nsoni ku bantu ku. Buna wu zola kuyambula mu kinsueki. ²⁰ Mu ntangu kesi yindulanga mambu mana, mbasi Mfuu yi monika ku yani mu ndosi ye yi goga: "Yosefi, muana Davadi, ku kala ye bunkuta ku mu ku baka Madiya bonso nkentu aku, kadi kikiena mu yani ki gangameni ku Mpefi Nlongu. ²¹ Yani sikabuta muana yakala, ye si lumbokilanga Yesu, kadi yani si ka vulusa bantu bani mu masumu." ²² Momu makulu ma luaka mpasi mana mazayisa Mfumu mu ba mbikudi ma lungana, wu ta: ²³ " Tala, muana nkentu wu kondu zaya bakala su baka vumu ye si kabuta muana ya bakala. Si bambokidilanga Manuedi (Nzambi wena yenu)." ²⁴ Yosefi bukavumbuka ku nsitolu ye wu sala mana mantuma mbasi Mfumu musala. Yani wu baka Madiya nketu ani. ²⁵ Kayi kakala ye yani na te ye kuna kabutila muana yibakala. Ye yani wu gana nkumbu Yesu.